瑪字輩我覺得幾happy
都係嗰句, 同一個dse低下，我唔相信有不勞而獲
happy school與唔happy school 都係有代價，唔係happy school 就可以解決問題，只係先苦後甜或先甜後苦嘅問題
其實係香港，一日要考公開試，我都唔信有happy 小。
我朋友正正讀happy 小，課程淺，多活動，但係每日10樣功課wo, 唔計改正wo, 每日wo.
然後佢呢家擔心課程淺又教得慢，個小朋友之後tsa同呈分點算。打算每日做完功課再補學術lor.
咁所以，係香港可以有真happy 小嗎？
1個讚
亞洲個文化係重成績輕藍領，都好難太happy
外國做藍領搵到，又受尊重，所以啲家長都冇話要細路一定入大學，咩school 都可以happy
1個讚
我女係讀一般所說既happy school，不過我又唔覺得學習一定比人差，只不過可能學習模式唔同，功課模式無咁著重炒寫操練，比較多要思考既功課，或用其他方式呈現，如拍片錄音等。anyway都唔會話後悔，因為始終係了解間學校先去揀。不過有時都聽唔少家長埋怨谷學校太多功課，測驗默書，但唔知點形容，總係覺得佢地明怨但暗爽，就算俾佢地再揀一次，都係會揀返谷校
1個讚
我唔認為happy school 代表成績會跟唔上，最重要係個學生鍾意學習，唔係鍾意鬥鍾意成績
亦有人係大器晚成
我個人意見啫，我細個係學覇，只愛學習，從來唔睇分數唔同人比較，冇人谷，但自己迫自己，都好chur
你谷完個細路，個細路仲會自發仲會喜愛學習先難
2個讚
係咪好chur?
可以睇我4樓嘅感受，而家適應左就還可以
其實無論揀happy school 定谷校，最重要係有得揀，同揀一間岩小朋友。
我小朋友個間又唔算happy school，但佢哋唔多抄寫，同有時測考都係淺，但學校好明顯俾好多成功經驗學生去建立自信。上次英文測驗仲係供詞填充，所以溫書個陣我係要求小朋友串埋佢，我知佢做得到，結果佢最後滿分，佢好開心，當然一班入面都有接近1/3人滿分，但從細呢啲成功經驗，令佢都係自己去做功課同溫習（當然有時都要催下，或者佢都要呻一論先去做）。前日有份英文作文，佢都係自己做，最後我幫佢望一次改下啲minor mistake。當然佢係呢間學校都係中游，但我情願佢有自信，日日仲可以落公園玩，就算變全日，我諗佢都仲有時間去玩。有自信又開心又自己搞掂小朋友，我估佢將來都唔會行得好辛苦。
同而家除左DSE，仲有IB，IGCSE等好多唔同學制，仲有好多開始普遍學制等，都唔一定死谷。同我小朋友呢間學校，係應對一啲policy都有好多唔同方法，都係我欣賞。都係個句，你個小朋友谷到就谷，谷唔到就算，揀合適就得。
2個讚
IB 課程的學費唔平，唔係人人都afford 得到。
咁都有啲係平，當然就冇讀得咁神級。
小朋友學習適應力係好強,好多時候都係因為父母,先係攪到小朋友學習能力差源頭,唔在於係HAPPY SCHOOL小學定係谷既小學.
1個讚
我女之前響所謂三私一直的其中一間讀，成績大多係級前十名，轉左入去係唔係覺得D嘢難，只係好多好多好多．．．．功課要做
想知邊一間, 我都有興趣幫我b 報這一類型的學校
睇你係用咩心態,小朋友讀得開心咩小學都係happy小,主要就係睇你點攪到小朋友享受學習.
我依排都疑惑小朋友不夠自律，學習動力弱，在happy school環境下會變得更懶散?
係唔係唔應該揀happy school?
我大個個係會，如果再揀過，我會揀谷校
1個讚
呢d症狀，應該唔關happy 唔happy 事。
反而，呢家我會研究學校標榜既happy 係happy 在哪裡，係咪適合小朋友個種happy. 唔身處其中都唔知，原來happy 都有唔同定義，例如：
多活動
聽落好吸引返學多野玩，原來會影響上堂無時間教書功課又多，要家長幫手屋企追
課程淺
慢慢見到同其他學校既gap, 又會擔心小朋友學術上唔夠fight
重關愛
多sen? 咁課室管理可能係挑戰。如果老師經驗唔夠，可能會不自覺花多左課堂時間處理學生問題，又係影響進度。
Happy school 應該係適合唔岩傳統坐定定上學術堂既學生，而唔係拎黎逃避學業壓力，或者家長唔想理子女學業就求其扔去要求低d既學校 (除非個小朋友真係受唔到壓力啦)。我見有d happy school 津校做得幾好，佢地出好多課程講學術以外既野，岩唔追求傳統學術，但想幫小朋友發掘另類才能。但講到尾都要小朋友努力學習，先可以係傳統軌道以外搵到岩自己既路。
1個讚
多謝你既分析。
小朋友學校就係依類，搞到我都懷疑人生
開始考慮係唔係應該轉返去傳統津校會比較好
但一諗到津校日日8樣功課起跳，我又好卻步
你個間唔使10份起跳都算係咁啦，我朋友學校係多活動+10份起
攪到我都反思，要小朋友happy, 應該係學校用功讀書，屋企happy, 定係學校happy, 屋企自谷?
最終，都要考公開試，全港劃一睇成績，交數呢個責任始終都走唔甩。
但小朋友適唔適合傳統又係另一問題