大家睇咗未?
睇完好多思考嘅地方, 係近年最好睇嘅懸疑/劇情片,
亦都好多串30000嘅位, 好想同大家傾下
9個讚
買左飛星期六睇，期待
正~期待你睇完上嚟分享~
1個讚
係超正
係吾多鐘意佢太多希特拉片，同覺得個尾長左，好似畫公仔要畫晒出腸。擺明吾滿意放走肥仔咁。雖然我都吾明點解最終可全數對肥仔罪名不成立。
不過好少位吾滿意，整體好好睇。我覺得佢最勁係呢單案攞明係度，人人都巳經知道結局，而導演竟然都可以拍得咁引人入勝。而且各個演員都好稱職。所以一個好嘅劇本真係好重要。令整套戲好完整同大家可盡情發揮。
7個讚
同意各位演員都做得好好, 最驚喜有周文健, 佢啲英文好好聽haha
我係麻麻地盤菜嗰part
另外睇緊嗰陣覺得點解蝦頭喊到咁…以為佢都係智力有限, 後尾上youtube睇返謝票, 導演有解釋佢點解咁演, 先至覺得: “哦~~唔怪得啦”
亦都明白點解佢咁錫細佬, 但係審問佢細佬嘅時候唔上庭支持。
2個讚
打算再入場睇多次, 節奏好緊湊, 想睇多次留意多啲細節位 
係呀，我都有啲想。呀仔睇完都讚不絕口，話要睇多次我都好耐未試過睇完一套戲咁興奮，仲即時在FB 推薦比朋友。
講到咁正我想今晚就去睇, 之前一路搵唔到人陪我睇, 我小朋友又未夠秤 
等佢呢邊上，希望大家唔好劇透住
Gogogo!
好值得支持!
本身唔熟悉啲演員，連楊偉倫都係因為喺大叔的愛同埋iswim先有留意，
不得不佩服導演選角，你睇完就會知 
因為告嘅係「謀殺」而唔係「誤殺」
門檻係高好多（例如要證明殺人者係有預謀有充足動機）
同意。好想覆你，但怕劇透咗
Sorry
我上面可能有少少劇透咗
之後盡量唔提劇情
等你睇完上嚟一齊傾～
1個讚
（我諗唔算劇透）
其實的確冇直接證據證明佢有參與
我睇完都同一齊睇嘅朋友瘋狂討論
好正
好耐冇試過咁樣
睇咗，好好睇
想請問睇咗嘅你地
多唔多血腥位 我見有血腥劇照 唔知比重多唔多
其實我好想睇 但血腥我唔得 
套戲137分鐘，血腥鏡頭只佔較少部分。
但因為本身單案都係講謀殺同肢解
血腥情節都少不免，但唔會係德州電鋸大屠殺嗰啲
1個讚
剛剛睇左，係拍得幾有張力，但有啲位over左
係好電影，演員做得好好，值得入場支持
我當年無留意肥仔有無入罪, 睇緊嗰時太緊張, 好想攞個手機GOOGLE呢個肥仔.
最後結果令我好驚訝呢個世界除左陳同佳之後原來仲有一個喺香港大搖大擺 (不過可能只係拍戲)
希望上面無劇透.