咁即係結婚後唔再俾家用99？咁又唔得嘛……
我好衰咁諗、佢而家明刀明槍話唔鍾意你仲好處理、你cut到0兼斷關係、99因間一哭二鬧三上吊點搞
你同男友嘅感情夠唔夠硬淨？ 呢次係考驗佢2母子嘅感情， 你男友比你更清楚佢阿媽係咩人， 再退一步黎睇，就算結婚無男家又有咩所謂， 你男友自己介唔介意？ 今次可能係一個解決問題嘅機會。
當然，EQ高嘅可以正正經經問你男友阿媽有咩唔開心， 樓主唔洗太在意， 只要係佢個仔結婚， 任何一個女人佢都會唔滿意， 分薄左佢嘅福利， 典型control freak 嘅阿媽。
1個讚
結婚個日唔踩上門算比面啦。唔再供養wo,斷絕關係wo。
表哥話支持，背後唔小心同佢呀媽講，呀媽同3姑6婆講，又轉返去男友媽度。
個個都食緊花生睇戲咁wo. 唔係嚇樓主，只係有d野又唔好太天真，寧願過慮好過後悔。
3個讚
你男朋友有呢個覺悟都係好事
轉去一個佢老母唔知既地方番工
係行出左保護你地將來家庭既第一步
如果真係要斷絕聯絡
到時正如樓上會員講
真係電話都要轉埋number 先得
點都好
你地有共識點面對將來既問題都係好事
暫時都覺得佢好有決心
祝你地結婚果日順順利利
婚後生活愉快
3個讚
佢阿媽好自私，有冇諗過自己年紀大，百年歸老，阿仔唔結婚就咩都冇。 而家有人嫁自己個仔，有個人互相照應咪好囉
樓主，如果你心意已決，唯有祝福你
2個讚
其實本身都想勸樓主唔好嫁，但見到你男友改變，我都想分享我既故事俾你參考。
我老公係結婚個時就問我可唔可以同奶奶住（佢爸媽係佢1x歲時分開咗），話唔想佢孤零零一個人。我最後係應承既。睇到呢到大家都實話咁都制？點解我肯，係因為我從佢哋平時相處睇到，有咩事我老公實會撐我，奶奶係恰我唔到。另外，我哋結婚所有開支，買樓首期都係我哋兩個儲番嚟，冇用過長老錢。連唔擺酒呢個決定都係我哋話事，奶奶一句聲都冇得出（因為我老公冇理佢。）
加上我奶奶係廢都爆，退左休都唔理家事，唔湊孫，唔理工人，日日煲劇，佢咁廢，有時都辣慶我去頂撞佢。最後我老公對奶奶越嚟越不滿，終於兩個炒大鑊，奶奶就搬走左。
真心，最認識男朋友係樓主你，如果你真係好有信心男友咩事都撐你，咁就嫁俾佢。如果你覺得男友做唔到咁硬爭，我勸你真係諗清楚。
9個讚
係~淨係呢點都已經令人擔心將來婚後家用問題
如果話本身同家人同住開支唔大
半份糧上繳, 扣除開支後可能仲有差唔多半份糧可以儲起
但宜家唔止家用
樓主男友係連積蓄既一半都上繳埋
的確係好大條財路~
點講都唔信反對結婚同錢無關
袋左阿仔咁多錢宜家連金器禮金都唔肯俾
都好cheap 下
男人到咁上下都要為將來諗下掛
下下冇左半份糧真係好鑊下喎
仲未計交通，返工lunch錢呢
我覺得個男人呢下係有啲蠢既，冇人叫佢咁坦白講自己加左人工。我奶奶都成日叫佢個仔加人工就要加家用，呢下我係反感既，結左婚有自己一頭家唔洗理？從此之後佢個仔當然冇加過人工啦。
一加左邊有咁易可以減
同可加可減機制一樣，呃人架乍。我老公之前真空幾個月未轉到工，冇比家用，幾多說話聽呀
1個讚
講錢就失感情ga la, 不過有樣好，係可以用錢解決既問題就唔係問題
所以樓主可能要搵下root cause, 我仍住人地呀媽話樓主「無好好服侍佢」係同錢有關。
係關係決裂前，可以請2，3個妹仔去服侍未來99破財擋災當然好啦！
1個讚
所以我好興幸我老公唔係mama’s boy. 如果我99 有咩唔啱, 佢同佢細佬係會串爆佢呀媽. 所以我唔洗出聲食花生就得
呢樣野真係會影響女人一世
反觀我老豆就係真正嘅媽寶, 任何人講我嫲丁點, 我老豆都可以即刻著左. 唔理旁人睇住. 我見過太多不高興嘅事.
做媽寶嘅男人真係好不知所謂. 奉勸呢度各位生仔嘅sis, 唔好一生都依賴個仔, 到頭尼變左焦頭爛額.
2個讚
仲未搬出去？叫佢轉咗工搬出去先再傾。
如果你哋未同住過，建議一齊住返一排睇定啲先，實在見太多奶奶拆散家庭case，又太多冇用男人到最後都係幫呀媽/唔理老婆委屈case，真心建議樓主先小心後君子，你都係女人不幸婚姻會影響你一生，你男友識咗佢呀媽成世，講就講得易做起上嚟唔易撇甩自己呀媽，小心啲好。
10個讚
真
講容易
同埋對住幾十年阿媽可以咁決絕都要考慮清楚
佢可以為左老婆放棄阿媽，相反亦然
3個讚
我都想個仔獨立d唔好再痴住我，但佢乜都要搵阿媽，點搞好？
睇晒所有嘢，你男友都好有決心擺脫佢阿媽嘅束縛
其他錢銀（錢冇咗可以再搵過）同親戚閑言閒語（最多以後唔見）係好小事
有啲嘢真係匿名咗先夠膽講，最壞嘅打算，如果佢阿媽要生要死，而真係出咗事玩大咗，你同佢承唔承受到呢樣嘢
PS 唔好怪我點解提出呢個問題，有得揀我都希望呢個世界每人都開開心心
3個讚
呢d又係危險位，2公婆總會有嗌交時刻，到時至怕佢怨因為你佢冇左個阿媽
3個讚
有個麻煩阿媽係會直接影響到個仔搵唔搵到另一半，呢個case我prefer分手，因為個99太痴線，不能正常溝通更無常理可言，有咩事唔係口講咁易處理到，到要生要死個時你點handle，結婚唔係淨係好鍾意就夠，呢d事一個唔好彩會一世遺憾，所以有女仔中意搵個冇阿媽嘅來嫁唔係冇原因
冇錯，我就係想講呢樣嘢
我估樓主同佢男友都冇乜經驗或者冇乜機會遇到呢類人，所以佢哋個plan暫時都冇諗到最壞
如果原生家庭有一個好似樓主未來奶奶呢類人，你一定唔會揀一個另一半個家庭都有一個差唔多嘅人，you know it’s a battle you can’t win
針係冇兩頭利嘅，除非你另一半可以做到情緒完全切割，不痛不癢，如果唔係真係有排你受。但係如果佢又做到麻木不仁，你又覺得佢好冷漠無情
5個讚
奶奶麻煩係影響一生，大把過來人，唔好唔信邪
我有仔亦有女，從做阿媽嘅角度睇唔會想個女嫁個咁嘅家庭，阿女嘅幸福一定大打折扣
唔駛講到要生要死、白蓮花咁變返表面慈母咪和好如初囉……