我都係一個原來俾一半家用阿媽 ，最後決定和阿媽斷絕來往嘅人。我份人好無情，試過分開一個月，三個月，都搞唔掂， 就斷絕，所以真係做到。
但頂唔順嘅竟然係我老公，佢睇唔過眼，係咁做和事佬，做到發曬脾氣，影響夫妻關係。我發現咁唔係辦法，最後攤牌，同老公講你唔好再做中間人，我自己會處理返。
而我嘅處理方法，就係嘈曬架做到好難睇，無得返轉頭。我老公罵我咁做絕情，但我話唔關佢事，佢管佢屋企，我管我屋企。之後老公每提一次我媽個名，我就即刻出門口走人，唔俾佢有機會插手。
老公仲唔放棄，搵輔導員同我講，勸我至少send個dm俾父母。我叫輔導員不用多說，我一個message 都唔會dm。之後老公真係唔再勸我，但佢私下和我媽保持聯繫，互相照顧，帶小朋友見佢哋，我就唔理，不聞不問。
我同老公講好，白事我都唔會去，我媽係生係死係病都唔洗話我知。我哋夫妻關係終於好返。我亦同最親嘅表姐單咗聲，佢都支持。女家長輩親戚就咁無曬，不過我都唔care ，仲一身輕曬。
樓主老公要同阿媽斷關係，記得要諗埋阿媽有大病點搞
唔明白點解講到咁複雜，我結左婚8年，生埋小朋友，可以同你講：婚姻可以係兩個人既事！唔需要搞到兩個家庭咁複雜！
我見朋友結左婚有咁多家族gathering，都唔知為乜，個個人都要討好？到頭來搞到連假期都冇得休息，仲要有一大堆是非！
我同老公結婚有共識，只係兩個人既事，父母buy既我地可以見多d，唔buy既就唔好見，費事嘈。老公父母（我從來唔會嗌佢哋老爺奶奶，一次都唔會）初時仲有說話聽，見我地真係幾年唔見佢地，就屈服，一年見兩次，佢地見面時客客氣氣，全程笑笑口。我唔鍾意就隨時缺席，冇責任在身。相反我老公都係。
到生左小朋友，一早同兩邊父母講，大家都唔準上黎阻住我坐月同照顧BB，我亦唔會帶BB上去任何一個屋企，只可以係出面地方約見面。請哂工人請哂陪月，唔需要佢地幫手。
小朋友大左，輪流約去主題樂園一齊玩。乾手淨腳。
婚姻搞咁複雜為乜？
係可以做到，前題係夫妻有共識，同埋金錢上和湊仔上唔洗靠父母。
但如果有一邊要求時常見父母，就做唔到。
我想兩邊父母都唔見，但老公想兩邊都見，嘈咗一排。
最後取中間方案，我父母我唔見就唔見，唔關我老公事，佢想見佢自己帶小朋友去；
佢父母我俾面佢去下，但見疏啲，同埋佢幫我搵藉口見少啲。
之後移民咗就安樂曬
你呢個case只係你好彩，但事實上99%都唔係好似你咁好彩，你切割到2個原生家庭，但大部分人係切割唔到
你點同仔女解釋為何唔見？仔女有冇問？
我打算將來係咁，但唔知到時點講
又唔想喺小朋友面前講壞話。 太複雜，講唔清
無錯
朋友老公阿媽又係 control freak
所以佢老公移民走前都無同佢老母講
費時佢老母走上來搞事
佢老公只係同家姐講
家姐都知佢老母咩料免節外生枝
同埋亦唔打算佢日後有咩事會回去睇佢
真正斷絕關係
香港好細
要無手尾跟
如你咁講
移民安樂晒
同居點睇?
女人一數起99, 真係得人驚。
一朝被蛇咬 十年怕草繩
聽埋聽埋都市傳說
身同感受 經驗之談⋯⋯
其實呢個話題真係講極都唔會完
你話老闆差，未轉工囉，又一條好漢
你話朋友差，就絕交囉，免眼冤
你話工人差，炒左佢，送佢走
但人地阿媽同自己無血緣關係，一結婚又成為一家人，仲要做後輩
肯肯定火花十足
做新抱既係做乜都錯
可能你啱。
不過好難理解，而家咩年代，仲有啲咁嘅婆媳關係。
其實有時唔係想數佢
而係佢地係都要強加自己想既野落去個新抱到
再唔係就情緒勒索個仔
呢個年代 女性已經可以好獨立，基本尊重係可以做到，但要互相
…好似博一舖大細咁…
我就覺得…博唔過
不如先同居試一試佢先?
婆媳真係永遠嘅話題。
但呢度大多數會員嘅99都應該係 五十幾至七十幾，點都受過教育，仲係咁樣對自己心抱， 真係無言。
我懷疑有一堆都未讀過書/或讀得唔多
希望到我地呢代做99果陣, 再見唔到呢啲婆媳問題, 到時俾人數果啲就係我地…
(不過…我宜家望住啲18/22, 真係又另一個GAP, 好難講我既價值觀同佢地一唔一樣…)
所以中國啲封建思想好煩，成日又要尊敬長輩，但長輩就為老不尊(一部分)
外國人崇尚平等，有social boundaries，無咁多呢啲煩野。
不過so far我奶奶對我ok, 係照顧我個一方，又無要求我做啲咩。當然老一輩一定會有啲思想唔同後生，有時睇得多呢啲婆媳都會驚遲下會唔會相處有問題。
但我以前同前男友屋企人都幾close, 宜家同老公屋企人就相敬如賓個種。我覺得background 同教育對一個人真係好重要，background相似真係啱傾啲。
上面有留言話“多年媳婦熬成婆”, 即係話呢個係一個死結，千年不變。
我覺得好多傳統都會慢慢改變，例如啲長輩好重視親戚，咩節日又會一齊食飯個啲，我覺得呢一代黎緊都唔會咁。
我成日覺得有部分長輩為social而social, 佢哋又唔係真心鍾意啲親戚，見到又比較邊個結婚未，搵幾多，幾時生仔。真心fd唔會咁。
我見婆媳問題好普遍咁。
外母女媳問題，呢樣我見過一個案例啫。
樓主 你男友真係轉工搬出黎 轉埋電話號碼甘堅決
有所行動 你地就同居試一試 磨唔磨合到都重要
住埋一齊完全兩回事
睇下夾唔夾 夾未可以開始搞結婚 唔夾就再見
一味大隻講的話 無野做出黎
勸你分手 佢本質都係媽寶男
呢種同99夾埋蝦新抱老婆的萬惡生物 一樣無得救