而且媽寶一定痴呀媽湊仔架，有得靠老人家點會唔靠。
2個都要返工，唔想呀b痴工人，交比呀媽安心又實惠，仲可以比老人家湊孫，呀媽恨左好耐架啦。
口講男女無所謂，實際上生仔收大利是，生女得蚊支。
1個讚
唔會結婚，婚後少不免都有摩擦爭執，佢唔開心就會講「當初就你先唔同我阿媽住」
生左仔個99又四周唱 「生左都唔畀我見下個孫，我頭暈頭痛一聲問候都冇」
到時候又黎啲「都隔左咁耐～」
佢依家為左得到你先衝口而出講承諾，同我地見話「我一定畀心機唔會 hea 做」一樣。遲下一定打回原型
6個讚
肯定係，呢個世界又唔係冇男人，使一定要嫁佢，退一步講冇男人都冇所謂，自己一人仲開心
結婚係2個家庭嘅事，咪咁天真聽d on9講2個人真心相愛就得，百分之200話你知完全唔係個回事
不如擺於歸，唔好擺聯婚
好讓女家賓客有個愉快的晚上
1個讚
你地真係形容得好貼切
笑死我
好有畫面呀 
多謝各位既建議，有幾點想澄清一下既：首先，我男友唔係媽寶，只係冇咩所謂既人，所以之前會盡量滿足呀媽既要求。第二，今次佢呀媽已經辣㷫咗佢，佢話唔再忍，做好斷絕關係既心理準備。第三，佢唔會再上繳一半家用俾呀媽，因為佢要建立新一頭家。第四，我呀爸剛剛回覆，唔收佢咁多禮金，只需要將原本既家用1/3每個月俾佢，其餘2/3要俾我。第五，佢主動提出出糧戶口要轉我個戶口，但我岩岩拒絕左。
今晚同佢傾左，亦講左大家既建議同擔憂俾佢聽，佢決定首先轉工，如果呀媽冇改善，轉左工就搬出去住，呀媽再冇改善，暫時斷聯絡3年，直至婚姻穩定，再睇佢表現決定聯唔聯絡。佢聯絡到有一個表哥支持佢，其他人佢話唔理。
男友好㷫，話呀媽明落佢面，佢聽教聽話咁多年，竟然一d支持都唔俾佢，佢又嬲又傷心，立志要開始新生活。
至於點解我地會結婚，因為係佢認識既女仔當中，同我係最夾，佢可以做返自己，而我都有呢種感覺，又係情人又係朋友既關係，一見如故，好多野心照不宣，唔駛特別講，好難得。拍左拖到而家仲有心動既感動，所以應承佢既求婚。
佢寄緊cv
12個讚
睇到一半人工比家用都行人止步啦，最大嘅indicator ，使乜問咁多
比我：好呀結，但人工一半比我/家，如果比我知佢反口即刻離婚，係即刻，我就一定做得出
男人唔迫唔會知死
2個讚
有冇講下如果阿媽發顛佢點處理？
預左斷聯絡，冷處理，佢個心好淡，佢講起都喊，流哂眼淚
1個讚
我都唔明點解其他會員係咁話佢係媽寶….
其實男仔出嚟做嘢、無乜特別駛費、又係同屋企住，畀多啲家用有幾奇。
到有需要時，自然會減家用。
試吓問佢對於擺酒做 於歸 有乜意見。
1個讚
如果佢做到係ok,，但咁姐係代表佢結咗婚就唔要阿媽，原本俾阿媽既俾哂你。
阿媽實發顛。
1個讚
如何斷聯絡？cut電話轉號碼？當佢透明見到扮睇唔到？基本上同斷絕關係冇分別，佢係咪做到？而家口講好容易，做起上來好難，佢有冇冇左呢個阿媽嘅心理準備？
我覺得佢係好孝順
所以先有壓力
仲要講到斷聯絡
其實成件事又好唔知點咁
有聲：就係呢個衰女人帶壞我個仔！個仔呀，有老婆就唔要呀媽啦！理都唔理我呀！我真係寧願生舊差燒！
4個讚
將來你同男友嗌交，
佢阿媽可能好講，
都話左當初唔好揀你，
依家証明我無錯拉。
佢阿媽唔鍾意你，
會攪好多小動作。
攪到你地嗌交分開。
男友又禁聽阿媽話，
將來辛苦果個就係你。
3個讚
我地婚後會搬到同佢原生家庭好遠，基本上唔會見面。佢講到如果佢呀媽繼續係咁，一轉工一搬出去，佢會斷聯絡三年。佢好堅定，話下半世係同我，唔係同呀媽，呀媽自有呀爸陪，叫佢好好反省下。佢傷心既位係，覺得咁多年咁孝順呀媽，換返黎係乜都冇，原來呀媽最錫係錢 ，唔係佢。
6個讚
其實唔想擺酒，但呀爸好想擺，佢話得一粒女，點都要擺。最後呀爸唔用擺酒個名，都唔用於歸個名，只宴請女家所有親戚，同我地既好朋友，一齊食個飯。
3個讚
如果啱啱出嚟做嘢人工低俾一半都話、做到咁上下仲俾一半、到要再組織新家庭要cut 原生家庭果份就會引起好多問題啦
無論係因為家累定阿媽要shopping都係煩
1個讚
吓？有新負擔就梗係cut原生家庭嗰份㗎啦。
不過係佢男友阿媽搞咁多嘢先成份家用cut晒….
1個讚