我兩個小朋友，一個懷疑語言資優，讀緊直資，突擊測驗經常全班頭幾位，考試要溫，但早半日就得。不過個人懶懶散散，做野無條理，成日要我勞氣….
第二個小朋友剛升小一，讀緊一線津校，寫字靚好勤力，一放學食完飯就自動波做功課。學校好谷但佢肯配合。可惜中英測驗溫極都只係中間偏下…幸好數學還好。
想請教下，我應該點教細個個？做多啲練習？多啲耐性？唉我慣左第一個小朋友付出少收穫唔錯，而家第二個反而付出極大仲係擔心佢墊底…心裡好唔平衡…
定係大大下會好？感覺我細個個語感一般，唔知點練…
謝謝各位！
P.S. 我細個個好多優點，唔講讀書成績，我好欣賞佢咁勤力嘅性格，而且性格好為人設想，畫畫又靚，做野又比大個個有條理。只係呢個世界去到邊都要讀書…
要接受每個小朋友唔一樣，細嗰個可能就係無書緣，要欣賞佢都盡晒力，發掘佢擅長嘅技能，同埋睇得多，勤力俾起聰明更緊要，分分鐘細嗰個第時成就更大。
同埋真心講，如果一線真係太大壓力，讀唔上，考慮下轉去一線尾或二線頭，令佢自信心大啲
大把、唔好比較就得
識得兩姐妹, 大嗰個有齊你兩個的優點, 勤力做嘢有條理講書叻香港名大學畢業; 細嗰個有齊你兩個的缺點, 做嘢求其讀到中三畢業. 大嗰個而家打份工生活安穩; 細嗰個自己做老闆, 搵得多過大嗰個.
唔係話用搵唔搵到錢去衡量, 每個人都有唔同性格唔同人生, 最重要係識做人.
唔好同人比較, 亦都唔好將自己小朋友嚟比較, 佢哋係會知的.
好正常
第一個太叻令你以為係norm 啫，
至少第二嗰個佢勤力吖。
語感嗰啲如果天生麻麻就靠累積囉
越大越儲到詞匯語法就會好啲
咁當然同天生嘅就冇得比啦。因為天生嗰個係塊海綿，時時刻刻都比人吸得多。
除咗語感之外，記性好都可以好大分別。例如我大嗰個用半個鐘都未背到嘅常識，細嗰個喺隔離聽咗兩次就背咗喇。於是我同細嗰個一齊幫大嗰個背，都幾搞笑。到細嗰個背嘢時，佢可以順序背返哂出嚟，記憶力仲比我好。不過佢仲細，未睇到佢讀書叻唔叻。
而我正正同你個大嘅一樣，讀書考試難唔到我，特別係語言。作文一定全班最高分。
生嘅卻係普通人，學習態度仲似你大嗰個。
咁咪慢慢教，用多啲時間囉。
呢個世界上多數人都係普通㗎啦。我都成日要自我安慰。
咁又係，諗返公司都有呢啲同事，讀書一般但EQ高，而家高職位過我。
謝謝你，你呢幾句對我係好好嘅提醒
除咗睇課外書
細嗰個可以做多啲閱讀理解
好有幫助
做咩要同其他人比呢？ 每年都擔唔同，點解要定每人行同一條路？
明白，謝謝你呀！
我都努力同細個個累積多啲詞彙及做閱讀理解
真係估唔到…
Btw 多謝你提醒，我要少啲比較
叻嘅人通常都係好類似，但唔叻嘅人就有好多種，有啲專心唔到，有啲唔識睇重點，有啲唔入腦，有啲需要多啲時間… 我覺得第一步係搵吓佢係咩類型人，係visual 定audio，由呢度入手幫助佢吸收先。
有次去書店教養書section 見到有啲ib dse 狀元出書講自己心得，獵奇心態睇咗本書，發現講得唔錯，有啲points 好值得參考。
想幫樓主口，其實人有時唔係真係想比較，但當兩樣好類似嘅嘢side by side 擺，好容易會比較，就算理性知道咁樣係冇用，係唔好，係唔應該。我自己都係鍾意同人比較，比較完仲要自己唔開心，但有時真係控制唔到，唯有同人比之餘，再多啲同自己比，睇吓自己有咩進步，有咩改變。
係樓主身上睇到好多similarities. 我會著力搵細既長處，例如畫畫叻就送佢上畫班學畫, 唔係求其畫個種，係教技巧分level考證書個種提供proper training，一來幫佢搵可以同大個個抗衡既shining point, 二來比佢從學業上舒壓，當佢自己都肯定自己有個長處係耀眼時，就有信心，一有信心做其他事都比較順。
至於學業，就唔好同大個個比或同同學比，同自己比就可以。例如尋日拎85分，今日拎到86就得，唔好chur佢，但都要keep 住有良好讀書態度，佢有盡力就可以。
做媽媽既調整下心態，其實大個個唔使理天資聰穎，細個個又做得好過尋日就可以，要求唔高，其實可以好輕鬆。
我又覺得樓主呢個組合幾完美丫，大那個活潑D 讀直資，細那個老實讀書讀津校，一線津校keep 到中游算唔錯啦，而且小一開學2個月啫。
講得好岩啊！我都留意到考得前果d小朋友都有類似特質架
好奇一問，語言資優即係點架？中英普都好好？定係學中英其他語言都好快上手？
兩個小朋友都唔係又懶又成績差，已經好好
你既情況同我好似，
大仔中4，細仔中1，佢地2個完全唔同，一個叻一個懶但明明唔係蠢
同你一樣，細既讀書唔叻，但好多野我都好欣賞佢，好錫我
你細果個小1仲細比d時間
就算真係不似預期你都要換個心情，接受事實。始終真係2個唔同既人仔 無得一本通書睇到老
仲有 無最好既學校 只有最適合既學校，係真架，最緊張記得 要令小朋友讀書有成功感，先唔好理學校夠唔夠名氣。
加油呀
又係時候講下呢個經典故事：
弟弟資優跳級入大學。哥哥中五都讀唔掂，但運動全能，去咗南韓學跳舞，返香港做咗藝人
https://topick.hket.com/article/2951836/【最強媽媽】大仔憑《造星2》組男團P1X3L-細仔14歲入大學 雙職媽媽成兩子榜樣︰感激她陪伴追夢
marco 8 級聲樂
係你太幸福，第一個天資好，畀左錯覺你。
換轉睇，其實已經好好，一個懶但起碼夠醒，一個讀書唔夠醒但態度好好，大家都起碼有一樣嘢幫助佢地讀書。而唔係又懶又唔讀得，呢種先最激氣。
唔好比較，但要諗下阿細係咪有學習障礙/用錯方法溫習，我知有小朋友都係咁，好努力但有語言障礙，所以事倍功半。亦有小朋友係吸收慢但好勤力讀書，用錯方法所以浪費好多時間，最後搵到啱自己嘅方法，可以考到頭 1/3。
除非中學讀傳統名校個個周身刀，否則普通學校 (e.g. band 1 邨校)，勤力認真就可以考到一半或以上，而且老師更加願意教呢類學生。唔勤力嘅，靠穀種食好快食完。
讀書決定人生 1/3，但態度亦決定 1/3，際遇都係 1/3。