你要搵下適合小朋友既學習方法
先搵出佢既問題，再對症下藥
例如：多感官學習、記憶法、圖像法、關聯法等等
可以試下叫小朋友做小老師，由佢講一次俾你聽，咁樣可以幫助理解，內化知識
唔係個個小朋友適合傳統操練
願意花心機學習，又有好奇心同耐性既小朋友，我個人覺得比較適合外國既教學模式
通常test 母語已經知。
大家浸淫喺同一環境但語言學得比人好一大截，學短時間口音已接近native。
呢個video 入面，你可以明顯見到0:16 個女仔同5:00個女仔，讀完中學甚至學士之後先去美國，但個口音好到其他人聽唔出係中國嚟。呢啲實係語言資優。正常人就好似片入面嘅其他人咁(正確嚟講其實佢哋已經叻過正常人好多）
當然口音只係其中一瓣。
2個讚
呢個就係資優中嘅資優
好似我兩個侄仔。
佢哋阿媽順其自然， 結果兩個讀書成績都好好，不過大仔就因為懶，所以阿媽要成出聲睇住，SAT 都考咗兩次( 第一次14xx, 第二次 15xx)。但係細仔就一剔過滿分。
而家你細個都仲係咁細，其實唔需要太擔心， 睇多兩年先，慢慢搵啱佢嘅學習方法， 小朋友最緊要鍾意讀書，鍾意返學。
唔使讀書叻，最緊要識明辨是非，做個正直嘅人
1個讚
如果你keep住咁諗細仔會好辛苦，其實有一枝之長都得㗎，或者你去發掘下佢有冇其他興趣或者擅長嘅技能啦。
我讀書得，但冇乜其他技能，嚟到英國好明顯冇乜著數
0:16 個女仔有少少不過的確係自謙左，5:00 個女仔就真係自然好多。以佢地以前讀書生活嘅地方咁少浸英文用英文嘅機會，可以講得咁好又入到哈佛唔容易。
以外國網站講 verbally gifted 嘅說法
BB 細個 9 月前可能就已經發到 “baba mama” 呢啲音並且明白意思，特別留意你個嘴型，你講一隻新字，佢會下意識自己讀一次。
2 歲就可以講到完整句子，識得用形容詞，咬字清楚連外人都聽得名。
幼稚園就認字認得好快手，有押韻嘅概念，有學英文就唔講佢都會搵到文法邏輯，例如 +s 眾數/ +ed 做左，會開始「試英文」 e.g. mouses, goed，bdpq 從來唔會亂。blending 都唔洗點學就知道有呢樣嘢，見到個字會識得自己嘗試 blend。所以前面話有押韻概念就係佢認得一個字之後，再見到出串法相同嘅字，唔洗任何提醒就有意識去讀返同一個音，e.g 讀到 hide 見到 bride 都拼到個似模似樣嘅音。
小學就明顯啲，會想用語言去講故事，因為想講故事想創作所以更加想學多啲詞彙。用字造句會畀同齡深入啲。
3個讚
我小朋友除左頭二點，下面都中晒，但奇怪嘅係，佢唔係母語好，係英文好好，2歲幾一講野已經完整句子，仲要native口音，但屋企同學校都係廣東話語境，K1定2無特別學過phonics 已經識讀晒啲未學過嘅字卡，小一外籍老師會幫每個小朋友評估下英文程度，一般level10已經好叻，但我小朋友已經去到20, 之後老師話唔駛再評落去，但我又唔見學校有咩特別講，我仲以為好多人係咁
如果真係呢方面有天份，可以點樣幫佢地發揮？
1個讚
神童
一係上世係外國人，未飲晒孟婆茶
你應該知足…
我都有呢個上世外國人諗法
明明廣東話語境喎
係，真係好叻
咁要諗下將來升學計劃係點樣，一般小朋友英文超班，就唔會想擺心機落中文。若果係想升本地中學，一路讀上去，就要留意。否則好容易到時候中文肥佬/低分，靠英文拉唔返上去 band 1 水平，到時候派位只能夠望住堆 band 2 中中。
幫助發揮唔係最大考慮，反而係幫助保持學習興趣。入左小學就要諗下目前間小學英語發展配唔配合到你小朋友，好多普通官津都冇特別課程，去到三年級都未考 past tense，作文只係做 20-40 字。對於本身英文好嘅小朋友係好氣餒，慢慢上堂就會分心唔想聽書，養左呢個習慣就變得科科都唔聽。我識一個小朋友，佢唔係語言資優。幼稚園嗰陣仲有口吃同認字慢，後來媽媽谷佢上英文班加上屋企有阿大英文好好同佢日日講英文，變得英文好。學校英文網課嗰陣根本冇聽書，來來去去都係 good morning / how are you，滿足唔到小朋友需要，咁所以未讀曬一整年，媽媽已經安排轉校去直資，課程即刻明顯唔同曬，係可以令到小朋友有興趣聽書。
如果有能力插班，真係可以考慮下。如果唔插，就睇下啲中學課程，有冇中學英文課程係有文學成份。英文叻嘅係會鍾意呢方面嘅研究，亦可以睇下學校有咩科目係多啲英語授課，好似呢間咁
VA、體育 唔係英文授課
呢間就連家政都係英文
雖然話就話 “幾叻嘅學校都有老師為方便中文授課”，但都唔可以睇少閒科用英文，要昇華英文水平，多科目學習最理想。另外揀天主教/基督教學校都可以幫到，因為彌撒/崇拜，好多詩歌同經文，好多字都可以咁樣學返黎。
5個讚
啱喎。唱choir 都有異曲同工之妙。
啲詞寫得靚，有意境，連作文都有幫助
我細仔都係普通人，大仔就… 天才級別 (HK老師叫神人，去到uk，老師見到我第一句就咁問我)
其實細仔唔蠢，香港時應該係全港band 1 尾，佢唔係學唔識，係手腳慢，佢學校嘅試卷係考鬥快嘅！連阿哥當年都試過做唔哂！
但佢係我嘅sweet heart，愛笑，乖巧，暖男型
我地去咗英國，開學兩個幾月，佢以老本，數學入到教得最快嗰班，最近階段評估，3個test 分數加埋，只扣咗一分，成績應該係最好，即係全級第一
其實，教個大嘅時候，我已學識要接受佢係一個獨立個體
細仔從少無乜自信，我不停同細仔講 (亦同自己講)：哥哥係癲架，而且佢大過你3年，佢當然要叻過你啦！唔應該要同阿哥比較…
細仔大大下，我會同佢講：阿哥係咩人？就係你自己班裡面好醒嗰d ，可能仲要再醒d…
所以我從來無要求過細仔要同阿哥一樣，亦千萬唔好同阿哥一樣！但如果分IQ 10-15分俾細仔，應該幾唔錯… 阿哥無咁癲 (佢自己都辛苦架… 好多次同我講：蠢d咪好囉！)
我認識另一個神人家庭，兩個仔都係神人，阿媽俾d仔玩到癲咗時… 我就好變態式感到安慰… 好在我個細嘅係正常人…
但我自己有個盲點，就係唔知咩係平均/正常！
最近見學校老師，我真係多謝佢地俾機會細仔，多d鼓勵佢，等佢多d自信！
唔知第時會點，但孩子能夠健康快樂成長，愛學習，有自信，就唔會太差
anyways, 加油呀！
1個讚
你講嘅問題，我小朋友中晒。。。 但我地好努力幫佢谷中文，佢都係有小聰明，都保持到八九十分，直資有考過，但因為本身唔夠主動，其他科用中文教，成績去唔到超高分，考唔到心儀嗰間
而家因為科科都中文教，我小朋友無咩興趣，反而出去興趣班揀全英，佢就學得好好，所以我都好煩
其實好多人提過我個小朋友應該係gifted, 但佢無咩大問題，我又唔想特登去test
不過有趣嘅係，之前我朋友有玩身心靈，真係話我小朋友上世係外國人，真係信不信由你
我仔英文係咁，跟youtube學，已經俾英國人錯認為美國人好多次。但佢唔係gifted，佢中文好差，但偏偏佢全中文語境學校，中文唔太明，寫就更加差，英數外嘅科目聽唔明，同朋友傾計都做唔到。佢識嘅英文和香港教嘅英文唔同，grammar 唔係跟規則學，所以成績全級最差，又無朋友。
我係教佢中文投入多年時間金錢心血，都無改善。唯有把心一橫，轉去國際學校，過程好辛苦，但佢終於知道老師講咩，終於講到同學嘅名，好似第一次返到正常嘅學。
而家去咗英國，就更加適應。佢問我點解唔早啲去英國喎