我小朋友同我踩緊綱綫
唔想失手，更唔想放手
好擔心前路
大家互相鼓勵一下好嗎？
1個讚
即係點呀？
大抽獎？
老土講句，平常心
其實盡左力安排就夠，前路係點都係小朋友自己行出黎
更老土講句，沒有最好的學校，只有最合適的
係真架，並唔係老師安慰你既說話
我經歷左2次，現在深深明白
6個讚
係你講得好啱
宜家嘅家長越來越難做
個個都話入band one
同學家長個個都望子成龍
講真邊有個個學生都係band one 材料
我係裡面煩嘅同呢類家長不同層次
考入唔太差嘅武館學校已經好感恩啦
身為父母已經出盡力
但小朋友唔緊張真係無從入手
唯有陪伴，一齊陪佢坐過山車
成績不是頂尖，一早預咗玩大抽獎喇
我其實都響BD 呢到分享過…
我有2個小朋友, 小學都係讀地區出門一線小學 (D 家長叫BAND 1 小學啦, 其實係無分BANDING)
佢地成績一個中游, 一個中下游.
我一直都怪佢地點解明明唔係豬仔, 總係變唔到上游呢~ (最後我明白, 只能說, 一線小學真係好多特異功能既學生, 而我… 無錢無時間, 所以我2個仔只能靠自己)
大仔果時, 我好堅持要搵BAND 1, 當然佢最後係B2A 至B1Cccccc 既學生, 我好DOWN 好DOWN…好唔明點解佢唔可以係BAND 1生. (我當然無開口怪佢)
結果我用左一段好長時間調整自己心情… 最後我把心一環同佢報B2A~B既大抽獎, 最緊要校風好既中學就算, 唔再諗禁多. 好好彩入到精英班… 結果佢開開心心咁返學, 返學返到唔想返屋企, 而家中4, 全級前5名, 我真係好開心好開心, 睇到佢好有滿足感, 做咩都係學校優先, 我終於明白, 要主動學習就係先要有滿足感.
到我細仔, 疫情真係害佢不少, 成個人散晒… 最後評左為B2C 至B3Aaaaaaaaa
我更加唔開心, 因為好驚佢跌落B3中學… 但今次唔同, 我目標只要佢唔好學壞別無他求.
我馬上報直資打底, 2間收左, 去左直資註冊比晒錢, 唔玩大抽獎. 最後, 到7月, 我再去B2C 叩門, 一叩2間都收. 都一樣入左精英班
而家, 佢同哥哥一樣, 返學好有滿足感, 當然, B2C學既野係可能淺D, 但見佢TEST 既RESULT 次次都有好好成績, 有時滿分, 見到佢終於對自己學習有自信, 我已經覺得係好既開始.
明顯我係見到佢地2個係同小學既學習好唔同, 拎住張成績表對住我係表情同心情都係好唔一樣.
我只能說, 可能一線小學係有一點點優勢, 爛船都有3根釘
我亦發現, 原來見到佢地禁有自信, 我做媽媽都好有滿足感.
21個讚
多謝你分享
改變到呢種心態要好大能量
話就話唔好理人做好自己
當面對家長朋友們
個個煩緊邊間b1學校時
我就心儀緊b2好校風
你講得好中point
要係香港做到有信心，開心學習已經好難
仲要成績上游更難
多謝你，我再努力調節心態
3個讚
由這位家長更印證出家長刻意控制下既教育唔可行,有心學習間間學校都可以有結果,中學才把心一橫讓小朋友自行發展,結果處於開心主動學習下得出成果.若是好多家長從幼稚園到小學這階段都係咁稔,小朋友能力可能仲會發揮得更好.冇嗰種學習心,就算所謂既一線小學,都不見得會有好效果. 仲有唔好以為入咗BAND1或名校就話好,睇到好多…不可能既野稔都稔唔到.
係！留得係香港，仲要做個happy kid好難得
唔想小朋友有壓力
家長都唔希望白白背上更多壓力
Hi 我大女今年9月升中呀。
我哋心儀 Maryknoll 同 St. Mary’s 呢兩間神校，打算嚟緊自行報。
Maryknoll 份自行表好多嘢填，除咗基本嘅個人資料同成績之外，仲細分唔同種類嘅獎項同課外活動，e.g. 視藝，音樂，體育，etc。填到人都暈埋，依家總算填完。
到底呢間係咪好 multitasking？
基本上填小四小五既資料就足夠,獎項呢啲若係連貫性考取名次都可以填上去,証明小朋友能力唔係臨時性得出來.
有些家長其實去到中學先認清之前所做既野冇結果受挫折,最後明白到孩子喜歡及主動學習先係真諦,若果喺小學時候早用這心態去面對,自然結果都唔同.
學校好唔好,各人有各人稔法,我就覺得學習環境係好,但感覺總係一般般唔覺得有咩特別好,最緊要都係孩子鐘意(這間都係佢選),學到野冇補習都維持到唔錯既位置OK,始終中學階段最主要都係最後既DSE.
1個讚
唔知囡囡如果入到去 Maryknoll 之後會唔會成績包艇同埋冇晒自信，佢真係英文程度唔算高，人哋小六已經睇緊 Harry Potter 喇，但囡囡仲睇緊啲比較淺嘅英文小說，Maryknoll 收99個自己間英小嘅同學，個個英文都好叻。大家有冇咩意見呀？Thanks
真係要睇小朋友自己,我小朋友英文不是很高,可以講你知小學時候Harry Potter都未睇過,不過都有睇幾本英文小說. 自主學習肯定喇,唔可以靠老師,基本上孩子能力多少家長應該心裡有數,合適與不合適唔好睇學校名氣去選擇,喺EK都有家長講過LS讀唔掂去了其他學校,都做到外科醫生了.所以唔好太盲目,自己覺得邊間學校合適再給予小朋友選擇就OK,唔好浪費自1自2權利.
1個讚
書係小朋友讀，第一要佢鐘意間學校，其次都要啱番佢程度
之前我都糾結緊好唔好強谷上Band one，宜家我都唔強求喇
寧做雞頭不做鳳尾
5個讚
我小朋友係b2尾最後唔博、揀咗b3直資。依家讀得好開心冇壓力
3個讚
可唔可以分享下當年報邊間直資？
我仔band2學生，可能失手去band 3，頭痛緊點揀。
油尖旺
荃灣
長沙灣區有冇推介校風好中學？
我地係響沙田同馬鞍山區. 我有填大抽獎, 但真係好驚會抽中B3中學…所以
我當年報左德信同林大輝, 都收左.
我揀左德信, 學費平D, 同埋近屋企. 比晒留位費, 去埋註冊, 買埋校服. 入紙放棄大抽獎.
7月大抽獎放榜當日, 我去左4間 B2B~B2C 既津校扣門. 2間收左, 最後我揀左最近屋企果間, 放棄左德信. 反正間間都係B2尾B3頭…咁梗係揀一間唔洗比學費啦…
而家呢間津校係B2C, 學既野我覺得好淺, 反而我細仔重拾學習信心, 睇到佢唔同左~ 成績都唔錯~ (當然因為淺啦)
不過點都好, 我一直相信學習要有成功感先會提升到興趣, 所以我都好滿足.
2個讚
升中後遇到小學家長講起升中適應，其他小朋友好似適應得好好(B1-B3)，小測、默書、term test/ exam成績都唔錯。反觀自己個小朋友，經常欠功課 (收warning，未記過)，小測經常得10幾分甚至幾分，主科、副科都有幾合格，成績係最尾果10個8個。
我明白升中教學語言轉咗，又多咗科目，但小朋友成個心都去晒打機度，完全無心學習。暫時我哋仲可以教到佢，但佢好無心機，教完聽完做嘅功課都係錯。我哋教到好沮喪。
1個讚
你小朋友係band 幾？會唔會之前太谷搞到watt？
我小朋友谷得太勁會洩氣，所以都未摸索到平衡點
1個讚