多謝你的分享
令我跳出框框，知道多了兩間中學
等我上網了解下林大輝同德信先
1個讚
囡囡間小學英文程度太淺，學校唔注重英文呢科，但中文卷超深，差唔多係人哋學校嘅F1/2卷喇。我去咗 Maryknoll 同 St. Mary’s 度交自行表
小朋友係B1，一直以來都係比較懶散，要督促先會KEEP到成績
依家小朋友日日打機，聖誕後考試期間，最長用手機時間係12個鐘，我出聲話唔可以咁樣，要減少佢用手機時間，但無人理我，搞到好似係我嘅問題，令到一家關係變差。(提議用APP控制手機使用時間；改屋企WIFI PW等佢用晒數據；SET WIFI使用時間等等，但無人覺得需要做嘢)
我主張好似小學咁樣督促唔係好易學壞，但老公話小朋友反叛期，主張無為而治，等佢大啲自然會識諗。
呢幾日放新年假，小朋友襯我哋瞓咗就閂埋門摸黑打機，一日24小時，掂住手機時間>18個鐘。
因為打機問題我同小朋友關係好差，佢會因為我主張控制手機使用時間而對我惡言相向。我同小朋友/ 老公講過好多次，最憎人用粗鄙說話同我講嘢，但我無見小朋友有改善，反而越來越差，小朋友依家甚至用粗鄙說話鬧細佬。我同老公反映不滿，但佢唔覺得有問題，甚至話個個仔都係咁樣，係我要求高。我感到同佢溝通唔到，有諗過離家出走，甚至離婚。
1個讚
姐妹抱抱
我地不孤單
緊張升中好似得父母，最唔著緊係佢地
趁未升中，仲有得管教
上到中學真係越難越難教
我同小朋友訂好時間表
幾時做功課幾時打機
雖然跟唔到幾多
但至少係會有坐低對住課本的時候
有啲小朋友天生聰明，溫幾日就攞滿分
可能就係你小朋友
但我小朋友唔係叻過人，我又無乜心力
所以一直話佢知對自己成績負責
1個讚
哥哥好容易受人影響，亦好容易相信人，唔會懷疑人哋係咪吹牛。
我同佢講，唔係要名列前芧，只要科科合格 (班主任話唔合格會留班)
細佬同哥哥一樣都係馬馬虎虎貪玩，但佢明白讀書係負責；明白爸媽愛兩兄弟，就算發脾氣亦絶不會對家人惡言相向。
前排去睇中醫，醫師把脈後問我係咪好大壓力，果吓真係好想喊。
1個讚
照顧好自己先，你冧咗點睇住個仔
1個讚
我係覺得小朋友學野喜歡投入度很重要,小學英文什樣才叫深與淺?喺我認知,一般既中文小學英文都係差唔多,所以小朋友於小一,我都比小朋友在英國文化協會參與某些玩樂課程幾年,享受正統既英文,每星期六下午參與一至二個小時,在外內觀都似英文語境範圍下感受英文,我覺得對小朋友入了這間全英中學冇問題也有一定因素. 中文科想要好,其實深淺也不是重點,也是開始所講,喜愛投入係好大因素.
更何況小朋友到了中學反叛期更強更自主,隨時受同學影響,小學越強制中學更容易越表現不好態度出來.
若是小朋友選這兩間都係鐘意就冇所謂,希望也可以順利入到其中一間.
2個讚
容許我曬一下。。。。
今日家長日。。。剛剛細仔派左成績表
細仔成績問題。。一直都係我好擔心既事
Surprise! 全班第2，全級第2
做人做禁多年，人生第一次被校長召見係因為成績好
我。。。老懷安慰了
7個讚
叻叻豬！建立到小朋友信心！
宜家我唔奢望我細路做鳳尾，希望做隻醒目雞頭
2個讚
恭喜 
恭喜,係一件好事,
眼光睇遠啲,自然仲多啲Surprise.
各位家長，今日收唔收電話都一齊加油
中學係佢人生其中一小步
升邊間中學都好，條路由佢自己去行
我地背後默默支持
2個讚
你好，我兒子的學習成續稍遜，我是住mos，請問介不介意講是哪間B2C中學？想參考一下，謝謝你
我仔最後去返另一區既B2C 津校就讀, 更加近屋企
謝謝你的回覆，是將軍澳嗎？如果由馬鞍山出發，頗遠呢？
西貢區
我收到電話入左自二。
雖然不是最心儀，但起碼唔使玩大抽獎，擔心入左更差學校。
想請教下叩門時，你哋會唔會叩返同banding學校（派band2A學校，但叩另一間band 2A學校，原因係近少少屋企定係點都會叩高一線？）
2個讚
我女成績同你仔差唔多,我女而家4年級,我諗住勤力多少少,博下自行入唔入到一間1C中學,唔得都唔緊要,大抽獎會揀曬2A
自二都好好呀
7月派彩最後可能有驚喜入自一，而家起碼家安樂晒，唔同派得差嗰種叩門，真係身心疲累
如果打算去叩，問下小朋友意願，有啲學校睇成績即場in等結果，有啲收表再等電話安排in，又有啲筆試咗先再安排in，叩一間可能要玩幾日，媽媽想試，但小朋友又未必想