結婚生咗之後幾年，老婆周不時都會為一啲清潔或家務問題大發雷霆。
可能係洗完啲嘢無放好，或者係唔記得清潔返啲嘢，當然唔記得咗係我唔啱，但實在覺得鬧得太勁，好似個老細捽數咁，要我應承下次唔再犯，結果又發生時又狂鬧我講嘢唔算數，最近甚至喺佢親人面前狂鬧，甚至喺個仔面前鬧都試過，嗰吓個仔聽到媽咪鬧爸爸嗰個表情，令我覺得好難受。
諗住深呼吸無謂嘈，有好多次都自己算，但慢慢自己越吞越覺得難受，慢慢發現自己嬲到想打佢，當然到而家都無做到，因為一有呢啲事，就返唔到轉頭。
各位做老公嘅，如果個老婆咁可以點好？
性格嘅嘢
或者你同佢講，點都唔可以響細路同其他人面前嘈為底線
我好明白，我好耐之前我都係uncontrolled 吾記得熄廁所燈， 吾知點解， 我老公次次都話我，我亦明白自己無手尾， 我同佢講我真係無心既， 但真係做唔到， 不如你吾好理， 咁攪到大家咁大壓力亦無好處。
家務問題，你太太係家庭主婦？
如果太太要求高，太太自己做返家務啦。
我自己有潔癖，雙職，一樣自己做哂家務，
好小俾老公做家務，因為知道他做不到我心中要求。
其實家務真係好小事，好多家務都可以機械化。
我老公洗碗都無洗碗機甘乾淨。
抹地，我要求高，所以自己做。
你太太罵人個啲就真係要同佢傾下，如果罵到
你想打佢，你太太應該罵得好過份？有粗言穢語？
你太太長期係甘嗎？長遠真係會對小朋友有影響。
老婆太大壓力，陪佢出多啲街氹下佢，再自己出錢請鐘點幫手清潔 （我希望我老公識咁做
）
3個讚
咁要睇個人性格啦，言語暴力好虛無，完全係個人感覺，其實你係咪想了解如果呢D算係言語暴力，你會用呢個原因同佢離婚呀？
2公婆有咩問題心平氣和拎出嚟傾下。
唔知你地平時相處係點
但我作為一個老婆
通常果下「爆」個老公、其實之前都係有啲野、有唔開心嘅情緒積落左、爆果件事都有啲借題發揮成份
不如你回想下、平時同老婆相處、會唔會有啲位疏忽左
6個讚
如果財政許可, 我都贊成請鐘點
本身你同佢係咪有咩溝通問題或者積埋D心事冇解決? 因為除非佢本人極度潔癖, 如果唔係, 唔會鬧得咁勁
有番工定全職媽媽？
好好溝通，逃避唔係解決辦法，要一人行一步先可以一齊走落去。
如果你太太冇燥狂症情緒問題之類，你係應該適度地爆返佢（小朋友唔係度嗰時），等佢知道你感受。
如果唔係忍忍埋埋就張祺忠咁了。
6個讚
大家兩公婆，又唔係從屬關係(上司閙下屬都好難忍)，你太太好似教仔咁，咁嘅相處方法唔健康，長期落去，一定出事。
大家平心靜氣咁傾吓啦。
2個讚
佢係咪FTM覺得乜都係佢做哂所以咁燥？
無手尾，導火線之一
冇架 受果邊忍 忍到忍無可忍就爆
我睇完樓主個 post, 都第一時間諗到這單案, 很多唔開心都是累積,
我很欣賞樓主的忍耐, 未同太太吵, 也沒有打過她, 但坦白, 我覺得你有這想法已很危險, 我指是你的忍受程度可能已去到臨界點
我建議不如找婚姻輔導, 大家把不快的事一次過傾清楚, 總比大家一直唔開心地生活下去好
樓主, 加油 
5個讚
過來人，家務搵人做，鐘點，工人，四大長老都好
你呢段我覺得都幾無賴，即係"雖然我係唔啱架喇，但你鬧我你都唔啱囉"
至於鬧得勁唔勁好主觀，公說公有理婆說婆有理。
如果你完全冇考慮離婚既，同老婆傾下有小朋友面前留一留面，然後就認真反省下點解應承左既嘢成日唔記得。
唔記得9成係因為唔上心姐，講真如果你番工乜都係話唔記得咁死得喇。
即刻say sorry耍冧（9成無事）
再以幽默嘅方式應對 