喺屋企都要好似返工咁
一做錯少少野 或者唔記得就比個老婆鬧
呢個仲可以叫屋企？
3個讚
應該唔只一次
睇怕係時常 
樓主自己都話好多次係咁，睇黎就唔係唔係一做錯少少嘢咁簡單。
如果講到老婆真係咁無理，咁咪離婚囉，隨時樓主老婆都係咁諗覺得頂佢唔順乜都唔上心。
冰封三尺非一日之寒，除非一開始佢老婆騙婚，由未結婚前既正常女人變到婚後咁暴燥講到郁少少就鬧，你話係單方面既問題，真係講都冇人信。
我個人唔贊成呢句，對我嚟講嬉皮笑臉係大忌。
樓上樓主可以試吓無妨吖
感覺上佢唔係淨係因為你無手尾而嬲，係更深層嘅嘢
識得有朋友（老婆角式）係咁，去到離婚都仲鬧緊，作為朋友都頂唔順覺得佢有燥狂症。
人人都有缺點，我都鬧過我老公，壞習慣係都唔改唯有改變自己心態，好過日嘈夜嘈。
性格既嘢好難改，如果真係接受唔到佢脾氣差，真係唯有感建分。
我都識朋友脾氣差，不過好有義氣，屋企內外都係佢搞店，錢又賺得多，反而佢老公人冇本事又多多聲氣爭在未開口叫我fd養埋佢。
我覺得呢款男人性格都係改唔到
我睇你啲分享，差啲以為係我fd出post，佢好似你咁，不過角色調轉，佢係老婆，對清潔及家務捽數嘅係老公。
唔知你太太有冇潔癖／強迫症？
朋友老公本身有潔癖，不過未有小朋友前係相安無事，無咁執著，自從囝囝出世，個老公每日返去就好似老細咁巡視間屋，睇下有冇做得唔好嘅地方。慢慢佢就會怕佢老公放工，好怕對方唔收貨。疫情下，要求更嚴格，基本上依樣嘢慢慢已經影響緊囝囝行為同夫妻感情。
其實遲早都會爆，有時真係情願大家好好爆一場，然後三口六面講清楚，如果唔係只會去到無得挽回嘅局面。
當然最理想真係去婚姻輔導，始終可能牽涉幾方面都要處理。
2個讚
個情況一樣，三口六面講清楚，都冇改善，小朋友又細，有冇梁家支持，我可以點
有冇人可以救我？
抱抱～
只有你可以救自己
對方冇改善你認為係點解？佢唔覺有問題？佢其實睇低你？
你有冇工作？如果真係要分開，你覺得你負擔到自己嗎？
大家相處，仲有冇愛？
1個讚
我老公有幫手照顧小朋友係好事，但我間中都會好似樓主太太咁爆我老公嘅深層原因係因為佢眼中只有小朋友，老婆已經喺佢生命中消失咗
再加上佢成日應承咗d嘢，最後都係冇做，或者應承完拖好多日都唔處理，但又成日喺屋企有時間打機
，而拎唔到幾分鐘去處理d嘢，總之個感覺就係唔上心，就成為導火線
有時可能你太太已經做咗好多暗示，甚至開口講過佢嘅需要，所以你要留意下你會唔會係忽略咗老婆嘅情感需要
1個讚
做唔到既，千祈唔好應承
覺得要求不合理或不會配合做，就據理力爭，
否則會有錯誤期望
應承左但做唔到，就真誠真心道歉
一般直接道歉，對方都會鬧唔落
4個讚
呢個肺炎真係見多左好多夫妻矛盾
我有朋友、一個教小朋友搭扶手電梯要扶實、一個唔比小朋友掂扶手、搞到佢地兩個細路無所適從。
好似係要由精神科醫生鑑定
話我讀唔到書，教到個仔都唔鍾意讀書，呢番說話好傷人囉⋯⋯永世難忘
頂唔順就要分開下，搞唔掂搵社工幫手得嗎？
試下諗辦法幫自己同小朋友
睇嚟真係唔止係家務事…留意下係咪生活細節位成日都有d嘢應承咗唔記得。