起碼就算識老公都唔同層面啦
3個讚
ftm 顧掂頭家已經好大學問
3個讚
問題係好多男人會覺得佢哋做d野好簡單同埋好得閒，然後財政重膽都係哂自己身上時就睇唔順眼個FTM老婆。
2個讚
講起返工好奈 想抖下休息呢樣
唔係人人都有能力做到
我識我先生前 無咩儲蓄 理財好差
用手停口停黎形容都唔過份
所以我工接工 試過最多抖一星期 之後就返新工
我先生識我前 試過抖一年 佢識投資理財 又有儲蓄
好快就用儲蓄追返無返工的收入 三年就儲到首期添
宜家大家組織家庭 遲下bb出世 更加唔敢唸添
做人要睇餸食飯 post主加油啦！
係 表面無野 心底都會有微言
我老公個老死 成日都話佢老婆唔幫手打理生意
但佢老婆覺得老公有能力 只想專注做ftm照顧個女
所以做FTM前都要睇下老公係咪真心支持，同埋就算做FTM佢都要分擔部分家務。
如果有讀緊書既小朋友，其實帶佢地去興趣班/陪做功課/溫書，都真係用左好多時間又勞氣，家務未必會做到盡善盡美
如果現實d黎講，女人打份hea工揾得少好少俾人話，但做FTM做餐死冇收入就成日俾人講，自私D黎講其實出去打份hea工係仲抵。所以如果老公唔係真心欣賞，即刻出去番工喇彩佢都有咪。
3個讚
你呢個諗法 害左你
1個讚
我做咗好多年 FTM，老公乜家務都唔使做，我做晒所有家務仲有時間睇電視同訓晏覺 
老公返工搵錢養家咁辛苦，放工應該俾時間佢休息同小朋友玩，而唔係幫手做家務。如果 FTM 搞唔掂家務要老公幫手，不如請工人湊小朋友同做家務，老婆出去返工
3個讚
如果淨係講做家務咁實係揾工人好，香港番工份糧點都多過請工人筆錢既。
但重點係：工人幫唔到小朋友溫書，陪唔到小朋友玩，更加教唔到品德。
我覺得好多女人由wkm轉ftm最主要都係為小朋友，但如果做左ftm老公係老馮覺得屋企所有嘢都係我負責，你可能得，但我一定就唔得喇我番工好過
2個讚
我未做FTM前做左好多年WKM, 放左工係2公婆一齊做家務同檢查功課跟學業,高小要呈分試, 我老公都氹左我好耐我先肯做FTM幾年咋。
如果佢同我講佢揾錢養家辛苦放工只會負責玩，咁真係呢，我覺得唔值得放棄事業做FTM喇，有呢種諗法已經唔得。
5個讚
咁個d又要番工賺錢養家
又要放工湊仔既女人咪仲辛苦
竟然將ftm同工人比
你都將自己地位擺得幾低
好難想像而家既年代仲有女人咁諗嘢
4個讚
其實我覺得無乜所謂，每個人都有佢嘅專長，呢位媽媽可以打理頭家之餘仲有空閒時間，可能佢好享受其中？而且可能佢仔女讀書自動波唔洗佢勞氣。點都好，最重要同另一半有共識就得
8個讚
咁你講得好啱，同埋同一樣嘢，每人對家務完成準則/小朋友自唔自律/家長對小朋友既學業要求都可以好唔同。
最緊要係2公婆要有共識。
2個讚
如果家務包埋煮飯，真係吾係個個做到， 我識有d真係吾識亦無興趣煮飯。我朋友40幾時想resign吾做， 但同佢老公講， 佢老公都係一般文職， 話只能每月俾$2000佢洗。 最後佢放棄左， 繼續返工。 本身佢自己都係搵萬幾， 又要請鐘點， 又吾識吾想煮飯， 佢老公亦吾多識煮， 好既係佢老公都無咩謂。
其實做ftm仲辛苦過打份工，點解老公返工可以有放工，ftm就無放工時間？
如果我老公係咁諗，我肯定唔會做ftm（我老公成日講，返工仲輕鬆過湊女，每次放完大假就好似重獲新生咁）
2個讚
老公每晚返嚟陪小朋友玩我覺得已經幫輕好多，等我有時間抖吓。星期六日全家出街食飯唔駛煮，仲會帶小朋友去公園放電。佢從來冇覺得 FTM 好輕鬆，所以放假會幫手湊小朋友。只係家務我覺得自己應付到，唔需要佢幫我手
敬佩！十分葡萄妳先生
1個讚
大家要返工當然家務要共同分擔。除非小朋友係初生，如果小朋友返咗學有幾個鐘，應該夠時間完成所有家務。真係太辛苦可以買洗碗碟機同掃地機械人幫手，唔駛老公放工返嚟做家務。我做 FTM 負責晒屋企所有家務、陪 2 個小朋友功課溫書、屋企大小事務，處理好晒屋企嘢等老公放工舒舒服服休息。
1個讚
其實我覺得WKM放工仲要跟功課VS FTM跟到好足，2種係唔同既攞命。以前未生B前放工乜都唔洗做有得休息係最爽
我老公都係覺得番工舒服過我係屋企湊仔，而且一叫佢幫手睇功課默書，佢會即刻話不如分家務佢做
老公從來冇講過搵錢養家辛苦唔做家務，如果叫佢做家務佢好樂意幫手。只係我係佢放工返嚟前已經做晒家務煮好飯，所以佢返嚟任務係陪小朋友玩或默吓書俾我抖吓。