我同小朋友傾計時佢會問我點解要讀書, 咁辛苦? 佢覺得我返工起身又遲過佢, 放工又無功課好他條, 仲有錢駛
我就係同佢講, 讀書好你有得揀, 揀工, 揀屋, 揀老公… 人生在世最慘就係生活迫人, 無得選擇
2個讚
其實樓主應該即刻俾心機去番工
就算唔啱用腦文職，都仲有保安/洗碗工大把請人
唔係公主就唔好有公主病
我睇你打個篇嘢淨係覺得有個好吃懶做的女人想嫁左揾人養，簡稱註米大蟲
就算唔番工，起碼屋企嘢都要執乾淨
唔明點解講得出因為自己摺衫亂所以叫佢自己摺
你話見人地d老公好好，老婆唔番工都會俾家用
有冇諗過好多都係全職媽媽，要湊小朋友陪讀忙到出煙
就算冇生b既，簡單講就係2公婆都要為個家庭付出，出唔到錢既就要出力。
20個讚
嗰堆家務其實只需一共2小時就搞掂, 咁多時間, 去登記做送貨步兵都仲大把時間剩.
3個讚
真係忙到暈, 全職仲要調解啲細路紛爭, 應付老爺奶奶不請自來做百彈齋主…啲老人家唔駛我陪覆診都算好好,
直接d 講
樓主自己都太多藉口
根本佢家務無做好
然後又講到係佢做左但老公有"潔癖"先唔滿意
淨係一個月換一次床單
樓上都好幾位會員表示接受唔到啦
根本係對自己寬鬆但又對老公有要求
最正係話老公標準係好似酒店咁乾淨
但樓主自爆自己以前都係酒店度做野
應該明白酒店係點打掃
講得好 
4個讚
我唔係做執房呀個部門 架
所以 唔家務做得好好
下星期都開始返part time
都知道家用唔可以問佢拎咪自己搵錢
只不過個語氣態度好似談判咁樣
好食懶做曾經係嘅
2個讚
好~
你加油
又要番ERB course 又要番part time 又要搞搬屋
相信你呢個月都有排忙
1個讚
加油!!
咪係。
同埋有邊個打工仔返工唔累架，如果調返轉老公返返下工話攰要休息又得唔得？
根本休息前就要傾下點維持生活。
3個讚
最初結婚時大家有返工，老公負責供樓、水電煤同管理費，我負責買餸同買日用品，當時冇問老公擰家用。
小朋友出世後我開始做 FTM，所有開支老公俾晒，佢俾張附屬咭我去超市買餸。我會負責做晒全屋家務同煮飯，老公返嚟只係食飯、沖涼同休息，乜都唔駛做。你已經唔使湊小朋友多好多時間，連屋企咁少家務都做得唔好，難怪你老公聽到 ‘家用’ 2 個字咁嬲。
3個讚
其實我覺得女人點樣都要有份工，做part time都好，聽得太多話突然離婚嗰陣無揾錢能力好徬徨，同埋工作可以識下唔同嘅人，無咁脫節，自己洗自己錢唔使問人攞最爽
3個讚
有d阿太的老公唔止老公俾哂所有開支，仲信用卡任佢碌得閒high tea買手袋添。你有無呢種命同樣先。
無就認命啦，一係就離婚搏搵返個有錢人嫁
1個讚
唔知你個仔定女，你會唔會想你女讀書好叻都做FTM
讀書叻唔叻唔知, 但我唔會想佢做FTM, FTM 最先決條件係有個好老公而且"一生不變", 我諗自立自主係我希望佢做到, 菟絲花就太令人擔心
4個讚
一家唔知一家事
我都係賺錢買bra帶都好呀
我搭下嘴，我未必會想個女讀得叻但做FTM，不過FTM又未必做成世既。
好似我自己番左近20年工，到小朋友功課多左又預備升中就轉左FTM，到佢地升中後我應該會出番黎做嘢。
不過如果第日我女志願想做FTM，我都係會鼓勵佢要讀書。讀書叻畢業揾到份好工儲多左錢，佢先可以選擇人生下半場點過。而且老土講句，讀書叻有內涵，先更容易揾到同等質素既另一半。仔女都係喇。
4個讚
我又覺得咁
個女有本事做ftm 同 返工，起碼佢有資格去選就夠
5個讚
都係，有得揀先至係老闆。
後生時努力其實就係俾緊後路自己第日有得揀。
1個讚
有錢太太，私底下可能有啲物業收吓租，老豆有層樓俾佢收租、做保險…
我見啲同學媽媽好多做ftm, 有車、架車仲要做美容、間屋成千萬、約埋啲同學媽媽去日本購物，唔駛返工，成日開party.個老公成個老mk咁，應該唔會係老公俾家用咁簡單。
我搭咀、做FTM冇問題
最緊要適簡另一半
FTM唔代表一定冇經濟同獨立能力
有人搞掂頭家唔駛男人煩不知幾好
有工人司機有足夠家用嘅FTM唔怕做
大前提係要揾一個願意又有能力擔起頭家嘅男人
2個讚