好同意。
呢句話，我由我仔16歲講到依家。
3個讚
咁你真係勁，我小朋友而家又半日制，扣埋接送放學都係得番幾粒鐘，又要做哂家務又要煮埋飯，已經覺得忙。到佢地放學，來回接送去興趣班/跟功課/溫默書測驗，暈，跟住就趕煮晚飯，我自己就覺得好忙囉。
一直期望佢地快d 升中我就甩難
1個讚
我有朋友話做女仔最緊要靚，讀書叻係其次，男人會鐘意靚女多過叻女，其實我好唔認同的。
靚唔靚，真係好主觀。同埋呢樣嘢天生，冇得後天努力。
我都係鍾意讀書叻，有內涵多啲。不過，靚仔靚女俾人第一印象一定好的，可能著數啲。
1個讚
我諗起龍xx師傅成日講嘅男女相處之道：等價交換，例如你期望男人可以養埋你，咁你又可以畀到啲咩個男人令到對方覺得值得養起你？
我地真係唔可以單方面要求對方點點點，自己都要有所付出，可能係錢，可能係做家務，可能係美貌都唔定（如果你嘅另一半係想要呢樣）
1個讚
其實呢傢都好多即食餸包
就咁加熱就得
其實後天努力、再學下隱惡揚善行出嚟都唔會太差
同埋鍾意一個人係會愈睇愈順眼
講真我覺得Anson Lo本身真係一啲都唔靚仔、係靠後天努力令人眼前一亮
2個讚
人貴在自省
當手指向著別人之前，不如先反省自己的不足
3個讚
係香港時，屋企離學校遠，小朋友 7 點上校車，2 點放學返嚟。我湊完佢哋上校車就去食早餐同買餸，之後開始做家務，1 點準備午餐。佢哋放學返嚟食完飯就開始做功課溫書沖涼，佢哋沖涼時我準備晚飯，佢哋食完晚飯就瞓覺。所有興趣班同補習安排星期六日上，老公負責接送，咁平日就冇咁忙。小朋友大咗可以分配一部份家務俾佢哋做，玩具自己執，自己冇咁辛苦
2個讚
感恩咁多年老公準時俾家用，從來冇過問我點駛錢，放假幫手湊小朋友。佢對家庭付出咁多，我應份搞掂晒屋企嘅嘢
我都係咁同小朋友講，讀多啲書先有得揀，可以揀自己鍾意嘅工作。日後讀到大學，比較易搵返大學生做另一半，大家價值觀同搵錢能力差唔多
1個讚
認同！其實好多家庭都係兩夫婦共同分擔，
老公負責一部份，老婆就負責另一部份。
如果樓主真係無錢買餸，應該直接講俾錢買餸，
要食飯，而唔好突然問家用，感覺不是太好。
不過樓主老公會唔會係有叫樓主上奶奶屋企食飯？
一齊食都幾好，老公俾奶奶嘅錢應該可以包埋。
認同！無得比較。我係雙職，要照顧埋小朋友，
屋企所有家務我包辦埋。不過我個人有潔癖，
床單一向都係兩日換一次，日日抹地同吸塵。
樓主唔使返工，家務都甘懶做，難怪個老公甘勞氣。
2個讚
我問十個男人，二十個都話係，話唔係嘅都呃你嘅
叻到許鞍華，李樂詩咁，唔靚，你明啦？
女人做FTM，家務要負擔大部分，但個男嘅放工都唔應該做大爺，就算真係唔幫手都唔應該態度覺得自己好威，真係威嘅應該請個工人，老婆又唔需要工作
5個讚
最基本老公要識感恩老婆打點屋企一切，俾家用要俾得爽手。結婚咁多年，我老公仍然會唔該前唔該後，會讚吓我煮嘅新餸同甜品，我好樂意做 FTM 照顧屋企。
8個讚
認同呀，女仔靚有著數過叻，揀男人多啲選擇，雖然好膚淺，但就係咁現實，讀書叻到徐子淇咁都係嫁富豪收工。。。
咁你呢個老婆都會好心甘情願顧好頭家，非常好
其實好嘅態度解決大部分問題
4個讚
但靚控制唔到丫嘛
係嘅，但既然個term叫家用，即係擺喺頭家度用喎，我當樓主意思唔係叫老公比錢佢自己使
如果我老公冇嘢做冇錢使，只要佢唔係大食懶，有比過心機搵工，又唔係fing錢，我都會比錢佢使