通常係做左D咩令你覺得佢係有潔癖?
-
有朋友會不斷強調自己有潔癖，黎我屋企會私底下批評我工人打掃唔夠乾淨。但佢借我網床，還返俾我時，係無洗返啲布俾我！！即啲布由佢女唔用個日就吽到還俾我個日
仲有，佢屋企亦唔係特別乾淨…所以我都唔知佢係咪真潔癖啦… -
去英國親戚屋企，又係不斷強調佢老婆有潔癖，全屋係好乾淨嘅（given that 外國無工人）但佢老婆所有廚房野都係等老公洗….所以究竟係邊個乾淨啲？
我99聲稱有潔癖，但廁所企缸起晒黑色霉菌，佢話洗唔甩！？其實用漂白水加廁紙fu下或用某牌子漂白泡泡都得，唔想做姐，佢既潔癖只喺對對方，有問題都係對方，自己性格怪都因為潔癖wor
1個讚
有潔癖/鍾意乾淨/容許自己污糟但要求人地乾淨而聲稱自己潔癖係唔同架喎。
我身邊有家人同朋友有潔癖，我好佩服佢地好似睇到細菌嘅軌跡咁可以跟住抹，完全掌握到其他人摸過邊度。牙刷用完會浸消毒藥水。勤洗手洗到爛手呀、所有野唔會同人共用就一定啦，好多鍾意乾淨嘅人都係咁。
年齡愈大愈識減少因自己潔癖而對其他人嘅影響，我同我朋友去街佢係好低調咁消毒餐具嘅，唔會打鑼打鼓，亦唔會要朋友遷就佢，家人同另一半就辛苦多少少啦。
3個讚
呢啲係唔係叫扮有潔癖
2個讚
有朋友從來唔會邀請其他人上佢屋企
又有朋友、上佢屋企，但梳化枱櫈係包晒膠袋、只供應外賣具、汁水比你飲都係用紙杯、講明唔可以入房。
我同佢講笑、可以比佢邀請上屋企係榮幸、友誼嘅證明
莫過於新婚回家，好夜好想瞓時，隔離嗰個望住地下話做咩日頭係間房換妝搞到成地金粉、花碎，然後自己係到清理個地下⋯
所有要接觸嘅嘢都要消毒，即係餐廳檯凳都要噴霧消毒，門把寧願等都唔會自己拉。餐具一定自備，仲會戴即棄膠手套 (KFC 嗰啲) 食飯。
會「洗」錢，係啊，真係會用消毒液洗，然後曬乾燙直。
古語 「十指不沾陽春水」，佢係「食指不沾任何嘢」。隻
非常神聖，唔可以用，就算係寫字都唔會用。
3個讚
你呢個真誇張
識人去左英國，都不停酒精消毒、消毒同消毒！佢兩個小朋友抹都對手爛咗！
手爛左、有傷口暴露喺空氣中唔係仲危險咩
我有朋友都係咁， 返屋企未沖涼吾准坐梳化， 全部坐地下或企， 但見佢有d廚房野浴室野起晒污漬又吾清潔， 去沙灘玩完d野幾日先清理， 真係有d雙重標準
唔好意思笑左，係咪個刻覺得嫁錯郎？
不過佢肯自己執都好呀，唔似係雙重標準人士，雙重標準個啲係口講潔癖要人就佢，但佢自己就求求其其。
佢會覺得唔抹手先危險
疫情下有潔癖嘅仲誇張，我識嘅本身無疫情已經好潔癖，啲嘢要左噴右噴先會入屋，有疫情仲噴得勁，攪到連其他屋企人都要好嚴格執行清潔，所以我去佢地屋企都好唔自在
我姑姐，中度潔癖。未有疫情之前去佢屋企，所有梳化餐椅都要用膠包住咗先俾我哋坐低. 屋入面一塵不染
全屋大型傢俬都有個套，客人坐過之後就會掉套去洗，即刻換一個新，客人走左要全屋大清潔。
唔沖涼唔准掂屋企物品，入屋要第一時間去沖涼，出左街用品要噴消毒酒精先。
行去沖涼房踩過條路要拖地。
我識一個係潔癖加有啲強迫症，所有同類物品要向同一個方法，同一個色tone，廁紙要買同一個牌子，因為包裝唔同都接受唔到放埋一齊，碗碟都要買一式一樣，而且排得整齊有序，由大至細，放到display咁，佢連紙幣，散銀，購物收據都會排列及分類
1個讚
Haha…我諗起有啲逼死強迫症系列嘅圖，即係一排瓷磚無啦啦有一塊砌歪左少少果啲我睇無咩嘢，我朋友睇就好大反應
我老公，成日洗手
我以前係，咩都要消毒藥水消毒過先可以入屋
同埋成日洗手
後來睇篇報道話大部份有潔癖嘅人都係有精神問題，所以我就慢慢改掉習慣。
現在只有換咗出街衫唔可以入房因為有地氈，唔坐梳化，而家連消毒都懶
用醋加水抹屋，冇以前消毒藥水咁誇張
點解你哋講潔癖嗰啲人做嘅嘢好似以前喺隔離嫲嫲Kingdom嗰度啲人咁嘅