咁樣生活唔會好攰咩?!
我見到果個係出街食個飯噴成支消毒(細支), 坐低前係咁噴… 枱, 櫈…
我都覺
只係雙重標準
咁你朋友後尾有冇結婚？
我最鐘意整古佢，佢去餐廳食嘢都要排到一碟碟合佢心意，我就拉歪少少，問佢係咪好銀眼
佢要立即整返好
2個讚
我聽到都攰
但佢唔做到心中標準，又過唔到自己，佢話唔瞓都要執好啲野
佢應該唔使做好時間同好多$$$
有啊。佢老公都係咁樣
好登對🥹🥹🥹 日日玩分類，清潔，消毒，執屋
2個讚
我姑仔，入屋廁所乾淨到反光。
廚房又係好乾淨。
客廳一塵不染。
有兩個小朋友都可以禁乾淨。
真勤力。
2個讚
第二個舊同事，
未有疫情出街食飯。
飯枱都要用濕紙巾抹下。
餐具都要抺下。
可能平時都要番工，
可能一星期先煮一次飯。
廚房好乾淨。
地下就好多垃雜野。
佢有咩秘訣？
聽我老公講佢日頭一路湊小朋友，
一路清潔。
1個讚
我都想問呢個問題 
平時抹完D塵第二日又勁多,真係無心機日日清潔
1個讚
呢個好誇張喎
如果銀紙洗到甩色或洗爛，就好唔抵。燙返直又係好好笑～
真係好難想像，會唔會坐到‘’索索‘’聲
不過都真係覺得好熟先會請人去佢家，畢竟客人離開後都有排大掃除，都好大犧牲
我都有個做design嘅朋友係咁，出街食飯，啲鹽/糖樽要對齊咁擺得好好才舒服，好強迫症我又係好似你咁整古佢，專登擺歪
我奶奶…洗菜要洗5次，齋洗都要一小時
洗提子要逐粒洗
廁所同廚房長期立立令
地下完全無塵
最慘係佢坐骨神經痛都要繼續自己做
請鐘點又話人哋唔乾淨，自己再抹過
我真係暈啦～
佢哋通常唔信人，只信自己！請鐘點工人只係浪費金錢同時間！
嘩, 咪好貴水費? 咁佢地會唔會出街食? 人地都唔會咁洗啦
我阿女麻都係睇唔順眼工人做, 話人唔乾淨, 佢叫工人洗廁所要用手洗 