(先帶頭盔, 及我並不是鏡粉亦不是花姐FANS)
我本身都覺得 呀MO 件事係好值得跟進, 呀MO 咁樣就一世都慘.
但無論係告間公司定係點樣跟進都好, 世界總要move on.
mirror 無可能一世停工等件事水落石出. 而且亦唔關mirror 事.
追究背後D老細, 都係法律行動要跟進既野.
咁而家佢女友想點呢? 佢係怕人忘記? 定係, 佢真係想所有人同事情都要停下來, 直至水落石出?
為左呢件事… 佢連自己女團都好似唔再做落去, 係咪真係值得連自己前途都唔要, 咁就停晒響到?
我覺得意外跟進, 同病人係2件事… 我同情佢, 但… 唉… 好希望呢個女仔可以振作
MIRROR 7月底演唱會墜屏意外發生至今逾兩個月，最終的調查報告仍未出爐，受傷舞蹈員李啟言（Mo）仍在留醫。而MIRROR則復工在即，日前推出新團歌《We All Are》，多位成員先後透過社交網分享這段日子的感受。此外，阿Mo女友So Ching（蘇芷睛）早前再於IG限時動態留言表示「世界變了樣」，卻遭網民責備。而繼早前So Ching疑取消關注公司MakerVille、ViuTV、花姐、魯庭暉及排舞總監Rock Sir的IG帳號後，再有網民發現So Ching取消關注MIRROR成員的帳號，僅剩追蹤幾個成員。
MIRROR 7月底演唱會墜屏意外發生至今逾兩個月，最終責任仍未有定案。
阿Mo至今仍在留醫。
MIRROR復工在即，日前推出新團歌《We All Are》，多位成員先後透過社交網分享這段日子的感受。
So Ching昨日在IG限時動態留言：「世界變了樣」，但卻遭網民批評。
Feelings are not right or wrong. They simply just are.
如果瞓喺醫院永遠起唔返身嘅係12 個其中一個，我諗你打呢篇感想會俾人鏟到黐線
將心比己，如果受傷係你最親既人，你仲會唔會掛住返工?
況且佢人微言輕，講下都唔得咩? 總之粉絲要支持既就繼續支持，無謂再係人地傷口度灑鹽
未出事之前我都成日聽佢地既歌，但係自從出事後都無乜再聽，因為一聽又會諗起整傷阿Mo既人仲未有後果，而鏡仔公司既處事手法亦令人齒冷
我估就係佢知世界在轉，但佢同阿 mo 已經回5到從前，所以感慨。
感到佢無奈，真心覺得要比多D支持同正能量佢
唉，無得judge, soching 身份同處境複雜到電視劇都寫唔出黎。
但我一直認清個concept 係，mirror, dancer 同出事dancer身邊人都係受害者，要追究既係製作機構，政府要比力去調查，唔好由佢拖。
move on 唔到係因為水落未石出，d野矇矇查查，點行？
作為女友，佢自己有情緒係正常嘅
不過其他人亦可以有自己打算
所以我其實想開呢個POST 好耐, 但真係好驚… 但我並無惡意
雖然我只係觀眾, 但我都有感受, 覺得個女仔咁樣解唔開自己, 咁係一個問題…
世界真係要轉… 佢似乎在情緒上需要人幫
我係覺得, 佢要搵專業人事幫幫佢
我明
我好鍾意佢地，有時都會諗到底仲追唔追好?
追好似對唔住阿mo咁
但我亦明白世界不停係到轉佢地唔會一直停係到，都係向前走
我只能夠記住佢既意外，條片我有睇，亦無del
唯有一路keep住關注佢，提醒自己
仲未有人為呢件付上責任
佢既情況，要move on唔係咁易，可能要好長時間先至可以做到，只希望佢情緒唔好出現大問題
未經他人苦，莫勸他人善
係我呢排新學既哲理
出左事後無再睇viu, 無意慾睇，包括膠戰(本身live 追)同埋野人老師都無睇。
點解唔比人哋喺自己page 發表自己感受？
點解要迫人地放開同 move on
得罪講句如果發生呢啲人為疏忽意外嘅係你BB，你小朋友，但熱潮過後大家都開始淡忘，你做阿媽會唔會咁樣同返自己講已經過咗幾個月，自己個小朋友死咗都要Move on？
做人有返啲同理心好啲。你唔需要去可憐佢，呢個係你嘅選擇，但係唔好講啲刻薄嘅說話去令人雪上加霜。
PS: 我都係覺得唔關 ViuTV as end user client同 Mirror事，佢哋已經用咗最經驗老到嘅監製fran9同藝能。
我覺得大判係應該負最大責任，然後大判自己調查 claim 負責掛上去嗰間公司，當然亦有最大可能大判自己估錯嘢就求其做。
男友同事業都忽然之間冇左，好大考驗
香港人最痴線就係呢樣野,自己係自己既fb/ig打自己既感受都要俾人責備!
我以前都試過俾人話我打d野放d相影響到其他人既感受,其實打字果時根本無諗到要攻擊其他人,只係抒發下自己感受就俾人對號入座,好心d人放過soching就真,人地可能都無理過鏡仔幾時出歌!
Exactly
甚至unfollow 純粹係唔想睇太多亂諗嘢
好似分左手 unfollow 個 ex 唔想睇到佢啲update
仲要係佢自己公司有份搞到男朋友咁
我都搵唔到語言去形容呢件事⋯
真係唔係一兩個月move on 到
一個後生女,經歷咁大件事,其實佢做嘅事好合理,直情算溫和,只係久唔久放負啫
我真係好明白soching點解unfollow佢地先,我之前發生左d事人生低谷,我都係unfollow左d人,之後我打2句野抒發下,又係俾d人話我攪事,話我咬住件事唔放!!我都算係受害者,仲要反俾人屈 