心中一定有"恨",會怨個天點解咁唔公平,
如果呀mo可以好返,就move on到…
其實呢啲咁無養分既報道，根本唔應該睇
Follow 呢啲就好表面，都有人講過佢由頭開始都無follow過某啲人
而家就係
出IG post 俾人鬧
唔出又俾人鬧
寫咭又俾人話搏宣傳
去咗旅行又話你冷血
出慢歌又話你假
唔鬧公司又話你縮頭烏龜
搞生日應援又話你有咩用
甚至有人話mo 父母勉強留個仔條命到
有啲人真係想寫死佢哋
真心，我覺得so Ching 無錯，我都希望mirror出嚟，ViuTV要負責任，但藝能更要負責任
利申：鏡粉
15個讚
D人好過份，心地唔好
嗰d 咁講嘢嘅人都唔係真心朋友，唔好理佢哋，唔好比佢哋咁易hurt 到
1個讚
阿 mo 出事後，我連 ViuTV 都無再睇，根本唔想娛樂，繼而開始多咗做運動，初時係為咗宣洩因為呢件事而產生的壞情緒
人地而家個人ig講2句，咪就係釋放緊情緒囉。反而呢單嘢我覺得部分鏡粉好野蠻同玻璃心，人地打幾粒字又要公審佢博出位博同情，要求人move on，真係針唔吉到肉唔知痛。
Fans 質素其實都好影響路人對鏡既觀感，有時真係覺得靠害。
5個讚
咁呢啲個人選擇黎，無岩定錯既
問SO CHING 想點撚樣?咪好似KOL咁講, 咪想阿MO好返囉。佢有講責任咩?佢有開口要求過任何人陪佢一齊慘咩?我係佢嘅話好可能有一頭半個月都冇辦法正常生活, 仲要日日去探病,佢真係好叻女。睇到啲人話佢真係好嬲。
7個讚
都認同mirror要move on，但佢係自己ig講下感受真係好正常，咁短時間佢move on唔到都可以理解，發生咁大件事基本上係改變左成個人生，即使佢名正言順放負我覺得都係可以接受，再盡d佢之後退團甚至離開viu我覺得都唔覺得驚訝，亦唔需要責備佢，畢竟佢都好難係一間令佢人生破碎嘅公司繼續工作
4個讚
不過我想知，有咩證據係鏡粉？可能真係少數有，但上面cap圖就證明係？定少數報紙亂吹？
紛化仇恨太多，盼大家可以理智祝福
Agree , 希望viutv吸取教訓，佢哋都抵死，搞爛自己兩隻生金蛋既團
3個讚
係好慘, day 1都已經預計到件事會咁樣演變,
就係人要move on, 而阿mo將會被遺忘…
過多一排, mirror又再上事業高峰, 仲會有人堅持要水落石出嗎?
除咗家人同soching, 真係好難, 時間除了沖淡傷害, 仲會磨蝕人嘅意志
南丫海難都10年了, 仲有人會被追究嗎?
其實我覺得好多留言係帶風向，每次啲新聞出，下面有啲明顯係hater, 認同樓上有人講，有啲人根本想寫死mirror
soching 寫下感受完全無錯，錯在放大呢件事嘅人，mirror 出返黎亦都無問題，錯不在佢地
9個讚
我自己身邊都有朋友係鏡粉講過類似既嘢，我覺得佢地最主要係擔心soching成日提住會影響鏡前程。
我冇話全部鏡粉都咁，我係話部分鏡粉低質。但如果唔理智發言既就通通話佢地係黑粉扮嘢分化，咁冇說話好講。
要分番開鏡同鏡粉，留言冇人寫死mirror，大部分都認為鏡要move on，大家嬲既係鬧soching 唔move on 既人，可能係鏡粉/路人/披皮黑。
希望Soching 唔好睇到網上既惡毒留言。
可能我無講清楚，我係指fb 啲新聞post 下面，有啲人留言擺明針對mirror, 不過又咁講，呢件事之前，啲留言都係唔理性，只係呢件事之後更加借題發揮
1個讚
Collar 和 Mirror 有幾個年紀大又未紅嘅隊友，特別係心0, 佢都就嚟 40 歲，女人青春有限，事件要處理，但其他人一樣要生活，無理由長期罷工，So Ching 想退 Viu 可以考慮唔使佢賠錢，互相放生大家，留低嘅人，做好自己，紅得起嘅，完約唔使再留在呢啲公司做一世，出面大把世界。
未紅又罷工，輸嘅一定係無財無後台嘅普通藝人，花無百日紅， 邊個叫佢哋罷工，係唔係養佢哋先? 我有錢夠想包起半隊 Collar 養佢一世，唔好跟呢啲奸商搵食，但叔叔無錢，咁佢哋一樣要返工㗎！要老闆有良心先做，香港大把人要失業啦！
7個讚
佢間公司又特別無公關,鏡仔出歌前幾日先出份聲明,人地會點諗?咪就係要趕住推佢地出嚟搵錢
做得太肉酸好易俾位人入
2個讚
其實佢只係ig post句世界變了樣啫，無話唔俾其他人開工同move on，佢只係講咗一句感受啫？咁都唔得?佢嘅世界真係唔同咗呀，依句嘢只係講緊依刻個事實啫，唔係太負面，唔通要人下下出嚟正能量咁樣?
至於女團，我諗唔係佢一個可以決定出唔出嚟囉，講真，真係唔急於一時，你睇mirror準備出嚟，啲人已經急不及待去攻擊，何況一隊根基未穩嘅女團。
3個讚
事件不只是二元對立
更何況…
處理不當的是某公司，鏡仔都是受害人
2個讚
collar 都幾唔順，之前話抄歌，3月出concert 但遇covid, 岩岩首歌on/off幾好聽而且落足心機，就偏偏遇上呢件事休埋團。
次次都正要發圍個下出事。
1個讚
我係鏡粉， 所在吾回應太多， 現在好怕有對家做新聞。
希望阿Mo好返
希望So Ching堅持做自己岩既野
希望Mirror走出陰影
2個讚