係愛呀鏗媽!!!
1個讚
其實我俾中學嘅老師話過好多次，佢地覺得我太寵個仔，都中四啦仲送飯俾佢，但學校附近食店唔多而且我真心唔想佢食咁多預製菜同快餐，而且佢仲好喜歡我送俾佢，所以我真心唔覺得呢個係寵得過份。
我早排唔舒服，停咗1個星期無送飯，問個仔食乜，佢話老麥，7仔，譚仔
咁家長自己煮午餐, 親自送上學校有咩問題?
況且你唔煮飯時, 阿仔都識自己出去買野食啦, 又唔係過度依賴
我反而覺得係學校老師太多口?
老師覺得係我唔放手，讓亞仔太依賴。
我同老師解釋過，我放手好多年了，只係除了食！
只要佢一日肯食，我都會一樣煮俾佢。
我直頭有點無禮貌回老師，中西韓日泰，上海，潮州，包點蛋糕，只要我仔食，我8成煮得出，用料一定好過餐廳。咁點解唔煮俾佢。
3個讚
我六年級都有比人話點解仲送飯，你好得閒？
我一星期只係送2-3日
我覺得個老師好痴線, 宜家只係送飯啫, 又唔係餵埋阿仔食
我懷疑老師係唔抵得阿仔個餐盒, 中西韓日泰，上海，潮州, 日日唔同款唔同主題, 仲豐富過佢日日出去食老麥，7仔，譚仔, 阿仔打開飯盒永遠得到同學關注, 所以佢唔抵得咋。
咩依唔依賴丫, 都傻傻地
1個讚
乜宜家d 老師咁煩架? 六年級唔使食飯? 定係校規規定六年級唔俾家長送飯先?
我就唔係老師話，係知道嘅朋友講，不過我冇理
1個讚
昨晚問少爺，出去食定我煮俾你呀？你煮！好的！沙茶豬肉片，氣炸芝士蝦球，灼西蘭花。完成任務！
5個讚
少爺
今日有菠菜肉鬆玉子燒，牛油蒜香蜜糖汁雞柳，灼西蘭花
2個讚
今日食蕃茄豬排，翠玉瓜粟米蝦餅。
看似肉肉肉，但媽媽盡量將蔬菜融入其中
今日有蕃茄、乾蔥、翠玉瓜、粟米、青蔥、蒜頭。
4個讚
想請教你點整？
其實就好似pepper lunch個汁咁。
蒜蓉，洋蔥碎，黑椒碎爆香加牛油，糖，生抽，蜜糖，可適量加少少水，煮開試啱味就可以了。想個味再濃少少可加少少蠔油。
5個讚
少爺昨晚問我午餐可否預多少少，少少就可以唔駛多成個人的份量，原來佢兩位好朋友都是帶飯，但有時家人準備的食物未必太足夠，所以少爺話想同他們分享後自己都仲夠食所以預多少少。
今日蠔油雞中翼，香煎米紙蔬菜卷。小小蔬菜卷有椰菜、木耳、甘筍、金菇和雞蛋，雞翼中亦有乾蔥，青蔥，蒜。多吃不同食物對身體會好d。
4個讚
今日預備了兩個飯盒，小的是請少爺同學食，希望他都會喜歡。
吉列雞扒配胡麻沙拉醬，蜂蜜牛油鮮粟米。雞扒下有椰菜絲。
5個讚
我好想做你仔仔嘅同學
1個讚
少爺今日叫我預備3個飯盒，佢同另外兩個同學一齊食。
同學仔都好乖嘅，話要夾返錢，我就同少爺講唔收喇，姨姨請大家食，你平時同佢地出去食，如果佢地請返你就算啦！我仔通常一星期出去食1次
3個讚
昨日午餐，蕃茄炆牛臉肉，蒜香焗薯
5個讚