五香雞脾，蒜蓉炒溫室青瓜
7個讚
請教雞脾點樣煎到好似你個舊咁靚???
又熟
肉仍然嫩但唔燶皮???
我煎親都係肉小小un,
但又無咩肉汁淨, 但個皮又燶晒咁 
我將雞脾後面劏開攤平，令肉變得薄一些，加醃料醃時會加少許水同油撈撈，令肉吸收多一點水份，最尾可加少少生粉封回水份，煎的時候我通常半煎炸的，油會浸雞脾一半，通常開中細火，一邊完成反另一邊繼續，兩邊都熟時會拎起，再開中大火放下雞脾再煎令皮脆身d。
3個讚
一個午餐盒可以幾痴線？蒜香法國黃油春雞原隻上
配雞蛋炒飯，西蘭花甘筍片。爸爸仲問有冇手套呀？無就好難食喎當然有啦！專業嘛！
9個讚
嘩你仲有無誇張d
阿仔都好擦得喎, 你呢盒飯我估我可以食兩餐
聖誕假之前個飯盒係咪要整火雞?? 
隻雞到時啲同學仔全部衝過嚟一齊share
你應該預備多隻
聖誕樓主真係要預備隻火雞
1個讚
其實隻雞唔係好大，最多比乳鴿大1半啦。飯就唔夠碗半嘅，正路份量唔算好好好多。
少爺上星期跟學校去東京交流，佢話團餐唔飽，佢晚上自己去餐廳食個烏冬套餐，1碗小烏冬加1碗唔知咩飯，食完仲未夠，叫多客咩溶岩咖哩飯先較滿足。嚇死佢d同學。
2個讚
火雞唔啱佢食呀！佢話以前學校聯歡，老師訂過火雞，佢話係世上最唔好食嘅嘢喎，又鞋又無乜味。我講過可能媽咪整會好食d,佢話無興趣。
嘩有無咁好食量, 團餐當半個人食量, 仲要食烏冬定食+咖哩飯
係喎，咁食法又唔見佢長高長肉，都唔知d嘢去哂邊。
1個讚
可能消耗大
肯食就好，我個個都唔知俾咩佢食，食乜都唔鐘意
不過見完你個post，即刻訂隻雞下星期整焗雞
2個讚
次次見到你個post
我好想搵你訂飯盒
可惜我唔係你仔仔嘅同學
1個讚
無㗎喇，佢讀到高中，我都煮少咗俾佢，有時佢爸爸放假，亞仔就叫我地去拍拖，佢自己出去食。有時佢學校有活動又唔駛我煮了。
所以每次煮我都想煮豐富d,最想佢食得開心。佢嘅同學都笑佢要唔要咁豐富
4個讚
Li種豐富係包含媽媽滿滿嘅愛🫶🏻
3個讚
好正常丫, 你仲要預埋少爺請同學仔
是日午餐，台式雞肉飯，酸甜醃青瓜，串茄加藍莓。
3個讚
身體不適，偷懶了1星期，昨日少爺求救了
我真係好唔想出去食，好煩呀！
我問佢係咪覺得媽咪好好，佢竟然答我，還可以啦！
好的好的，還可以吧！我繼續將你升上天堂，第時你就知我有幾好
今日，焗咖哩雞下脾，黑椒蜜汁蝴蝶片，芝麻菠菜苗。
7個讚
有幾神經病嘅亞媽會在中午送飯時去調漿整章魚小丸子送去俾個仔呢？到！！超級痴線婆！少爺食得開心d喇！
自己整煮埋個燒汁，yummy
7個讚