全職媽。小朋友啱啱上小學。39歲。好想去讀書（想讀社工，會唔會太大諗頭）但係當年會考英文唔合格…可否俾啲意見。呢個年紀應唔應該去讀書？
4個讚
讀書幾時都好、但你想係香港做社工？
係喺香港…好矛盾。又怕唔去讀第時會後悔，依家就話要照顧個小朋友，過多幾年小朋友大個，到時出返來做野好似冇咩好選擇…去讀又覺得自己唔細，正正經經讀個牌的話，錢同時間都係一個問題…
剛升小，要跟得好貼，唔駛做家務可以稔下
Err⋯⋯香港D教育呢⋯⋯你以為上咗小學可以冇咁痴身？其實而家先係呀媽痛苦嘅開始
我擔心你好快會變癲婆⋯⋯
12個讚
好多人都咁講，點解既呢？
我都覺，香港小學真係顛架，大人會顛
1個讚
我2016年去咗讀個part time master, 細仔都係升小一，我40+
不過我係好臨時俾前輩/師傅推咗去讀 (過哂deadline，佢一個電話打去SPACE 課程負責人，然後叫我即刻send application 去SPACE… 第二日交報名費，星期一confirm學額，星期二返學！)
細仔功課同溫習，老公跟 (其實佢本身都嫌我要求太低)
一星期返兩晚，功課唔算多，勉強頂到啦，考試會辛苦d，因為我本身唔係背書人，我平時分高過考試分嘅人，有一次老公帶兩個細路去東京玩，工人放大假，留我一個响hk 溫書
最辛苦係個project…師傅要求高，內容係一d我唔識嘅野 (但師傅係專家，題目係佢幫我諗嘅)
讀唔讀好？你預咗會辛苦，越大年紀就越辛苦，呢d野無得plan，速戰速決！
10個讚
可唔可以搵啲可以攤長嚟讀嘅課程？例如OU啲degree好似靈活啲
你老公好好
其實你都好叻丫，兩個細路都應付到
個大嘅唔駛點理，佢考試週係睇小說架！ 
2個讚
唉，肯聽話、儘快完成功課、一教就識、一聽就明、一溫就100百分嘅小學生真係有幾多個？雖然話人人有別，但當你見到自己個仔明明只要集中多少少就可以完成手上工作，睇落付出多少少就可以另成績突飛猛進，梗係會好勞氣，即刻癲婆上身。每次派默書、試卷時，分數同呀媽腎上腺指數成反比，錯咗要做改正，即係又要寫多一行功課，又唔知要磨幾耐先做完！去到高小考呈分試，又擔心差嗰一兩分會跌band，做呀媽嘅會好多嘢諗，仲有長老親戚會攞個你個小朋友同其他人比較，會俾說話你聽。雖然作為大人，有好多大道理係明嘅，但當自己置身其中，就梗係身不由己咁，乜嘢理性都可以盪然無存，哩D真係做過呀媽嘅先明白
13個讚
我的愚見：
好好安排其他家人分擔照顧孩子的責任；
媽媽進修是孩子的好榜樣；
自己的學業萬一兼顧不來，可申請延期考試等，在特定時間內畢業便可，到時候見招拆招，
要讀就要選最想讀的；
萬一不能完成學業，也叫做為自己的理想盡了力。無謂令自己有藉口埋怨家庭是自己負累。
利申：做了媽媽後完成了兩個學位。本身不擅長multi-tasking, 成績只是勉強畢業。每人情況不同，希望你能完成自己夢想。
13個讚
恆心都好緊要
我陀b時讀左個postgrad dip, bb一歲幾時開始讀phd,係辛苦，要返工讀書加湊仔，但完成到自己心願，我覺得值得
7個讚
視乎你老公support你幾多。我個仔得歲幾，我太太日頭返工夜晚讀Master，有時放假我要帶個仔出去比佢靜靜地讀書，project 佢捱夜走唔甩，要老公負責頂湊仔同家務。
其實我都好攰，不過宜家個仔痴我多過佢。
9個讚
超級支持繼續進修讀書呀, 不過家人嘅 support 先係最重要. 要問吓老公同仔仔, 講清楚你開始讀書後嘅家庭生活變化, 睇吓佢地可唔可以為咗你嘅理想一齊適應.
今次機會其實都係一個好好嘅家庭教育. 阿仔見媽媽為學業努力, 佢都會受你影響, 話唔定學會自動自覺溫書做功課, 反而你仲可以 hands-off 多啲.
我都想咗讀個 master 好多年, 但一直為錢同時間而冇付諸行動. 
4個讚
我趁個仔2、3歲返n班時(嗰時我未到30中)，讀了part time degree, 諗住個仔升小前我畢業。因我先生當時份工係無咩休息日，返工又要集中精神，所以日常教仔、放假湊仔都係我。
週未要傾project, 就交個仔比姐姐照顧
，如果星期日紅假都要趕project，就搵婆婆、家姐幫吓手湊。可惜做 final year project嗰期，我公司又有project go live, 晚晚OT到10點搭的士返去，完全無時間跟final year project
，最後勉強完成，可以畢業但成績唔好
。
你係ftm, 我諗你要搵定back up幫手湊小朋友先，如果平日需要返學，有時做起project, 又要連續幾個週末都要傾。仲有係意志、記性，有時夜晚做功課、溫極都唔入腦，見全家都瞓晒，真係好想瞓
。
雖然我讀得唔好，個degree對我工作無幫助（我仍然做緊同一份工），不過叫圓咗自己心願。仲有我仔知道我讀pt，問我點解以前無讀大學，我答佢我少時無努力，書到用時方恨少……
，我仔而家讀書好自律，成績幾好
5個讚
讀社工的話，除左讀書project寫文，仲有實習⋯由0開始自己設計寫實習program、預備活動物資、再加每次見case帶組既有深度要求反思，workload比起功課projects仲甘⋯如果冇NGO工作經驗，真係人都癲⋯
我係working mum, 係個仔兩歲時寫PGDE第一份實習教案，當知道實習唔係教學校課程或者冇textbook provided時，每一晚都對住份未完成教案喊
1個讚
嘩真係好老公~
俾個讚你 
1個讚