個人經驗比你參考下,不過係20年前
我讀Poly part time social work diploma(4年制), 記得好似要會考中,英合格,你要Check 下入學要求。
仲有當時social work 要2個實習,第一個(year three)係兼職性去實習,因我自己本身都係social work field 輪班工作,去兼職實習都容易安排。畢業前第二個實習,要全職去大約10星期(太耐可能記錯),大部份同學要同自己機構協商,看可否放annual leave or no pay leave 出去實習。有d機構可安排返去自己單位實習就最完美
。
最後我咁岩想轉工,真係quit 左工去實習,畢業後再找工作。之後做多一年多野就大肚,自己湊,做家庭主婦~~到而家。
咁多年陪住個女大,終於今年升大學了。我想出返去做野,但原來已冇信心再踏出comfort zone 
所以你趁後生,增值自己多啲,好值得鼓勵。
我老公同你背景類似，英文唔得，若干年前在港專完成full time social work HD（課程已停辦）。
佢開學時我仔剛出世，記得第一次測驗時我仔都未滿月，佢話BB喊溫唔到書，我offer一個人同BB坐的士去娘家過夜俾佢溫習…
之後我逢weekend都同BB去娘家過夜俾佢溫習，直至佢兩年後畢業。
中間我記得有兩次實習，第一次佢可日間湊B都應付到，第二次實習好似返full time工咁忙，要將BB放99度過夜…
佢讀完之後無做社工，入咗NGO做文職。
佢好鐘意讀書，但都覺得讀社工係辛苦。尤其係佢學術基礎唔好，以前讀書又唔會做project寫essay，所有嘢都要從頭學起…
欣賞你的勇氣，不過真係要預咗放好多時間去讀，小朋友搵定第二個人湊好啲。
當年讀part time 時2X歲,離開會考7,8年左右,一返學時,都不太難適應,加上身邊同學大家能力差不多,互相幫助,功課都可以應付,最後都成功畢業。
你既積蓄夠俾曬幾年既學費嗎?
我係FTM,我都一直有進修化妝美容,大約幾千蚊1個課程,錢銀有鬆動我先會考慮進修
讀書, 贊成既
當年我都係讀part timeDEGREE,放工去返學,當年2X歲,都仲頂到.
我屋企有人做社工,成績好好,要實習,成日做project,
你要學識時間分配, 家務要返學做功課+ 兼攪掂小朋友
小朋友小學, 一放學就打仗, 溫默書,做功課,測考…你時間分配唔好,真係分分鐘痴線
你小朋友小一,岩岩呢一兩個月你竟然還未感受到放學管功課溫默書勞氣既壓力？
社工有入學要求,你要check check, 讀書唔會嫌遲,因為知識係自己既
時間分配
好多謝甘多位嘅回覆。
錢銀方面。我諗住借免入息貸款渣。
時間分配方面。我有了解到夜校可能就未必考慮，因為好多都7-10呢啲時間…
心想讀全日制（都想知道有冇人知道如果港專全日嘅時間表），因為唔使慢慢讀（年紀大。冇太多時間慢慢來
）…
其實呢個決定係難…因為平日我都自己湊小朋友。又堅持煮飯俾老公晚餐（佢返工都辛苦，收工又唔定時）想唔影響下了自己心願
但係又怕就算讀完出到來一把年紀冇人請…唔讀又怕到後悔時更冇可能讀到
讀書呢就點都唔會後悔嘅，只係時間編排問題啫
理想是一步一步實現出來的，現階段不必擔心以後有沒有人請。煮晚餐方面盡量簡單，例如買一個外賣餸然後自己煮一樣餸。我讀完書也沒機會出來工作，但我不後悔。
讀就一定好過唔讀，投資喺自己身上一定值得，只係辛苦啫
讀，我當年3x 無讀，而家4x 後悔唔早d讀，知識永遠無嫌少
如果借錢就唔建議讀啦….除非好肯定畢咗業一定搵到工
邊有得話邊個唔影響邊個丫，同老公商量下先囉，話唔定佢嘅反應會令你即時心淡決定唔讀，或者佢嘅支持令你即時下定決心決定去讀呢，
對。唔好拖。夠支持就快快讀完。
支持泛指經濟同家庭
我老公就係港專畢業，記得佢有時要夜晚上堂或去傾project，嗰兩年係我6299上門煮飯的。
佢已經住同區，返夜的話都要10:30才到家，有啲同學成11:30才返到屋企。
班上大部分同學是DSE畢業生，有幾個foundation cert上，得佢一個係毅進上，勁難考入。
就業方面，當年實習機構有offer俾佢，但做特殊學校兼要輪班，佢拒絕了。如果你唔介意做呢類機構，一定有工做，但我諗要湊小朋友的話真係唔太理想。佢第一份NGO工都是輪班的，社工也要輪班，後來轉文職就唔駛。
如果另一半都支持，鼓勵你去讀！
我都好想再讀書，但我想讀的同工作無關，純自己興趣，覺得好似好曬錢。
一般要五科合格，考番合格先啦。
想問港專讀社工岀黎會難受聘嗎？本身英文超吾好見港專系讀中文又可以伶牌，好似又見到啲曙光
好想去改變
我以前有個舊同事妹妹都係讀港專揾到社福機構嘅工、聽佢講人事環境唔錯、加咗人工、仲鼓勵佢讀上去
不過都要輪下班、星期六日要搞活動
唔難呀，佢大部分同學都做到社工（通常做兩三年助理再升上去）但如果top-up做degree出路會更好
我老公就去都會大學top-up咗個社會學degree，但佢無做社工，做admin
想讀就去讀啦！我33啦，做咗ftm 3年，有啲覺得好悶同埋想做d專業嘢，所以就決定咗上年全職去讀護士。
暫時完咗一個sem, 全職每日返9-5係辛苦既，不過暫時冇後悔自己決定。不過真係需要屋企其他人去support . 我冇請到工人，所以小朋友主要係嫲嫲湊，不過小朋友有啲唔慣我日日都要返學，有時會話媽咪唔好返學啦
有時我都會喺度諗我呢個決定啱唔啱，好似對我屋企人好唔公平咁，少咗好多時間陪老公同小朋友，不過鬼叫自己以前唔識諗唔好好讀書咩
我仲有3年半要讀，希望真係可以頂到。所以你決定讀書既話就真係早d決定，越老讀得越辛苦，同埋屋企人真係要fully support, 加油！