呢度人工唔高，咁交電費法好似被人咬忽肉咁
旅行太奢侈了，冇諗好耐
其實都明既、我都到埗了、無咩興奮、只係有一種要找地方休息一下的感覺、老土講句就係英國再好都未有香港是我家果種感覺、更何況咩地方都有本身問題、又唔係唔開心既、但始終再開心都唔同以前、我有小朋友、為下一代點都要努力面前堅持
2個讚
完全係呀，喺香港身心俱疲，19-22年喺香港嘅日子太難過了，嚟到英國係心平氣靜嘅，亦有空間整理下自己
我覺得就算係show off，都只不過向Nancy，冇向同路人㗎
旅行，諗都唔敢諗。D人成日話英國近歐洲可以成日歐遊好正，有錢就係囉，當地賺當地洗其實收支平衡再儲到少少已經心足。
2個讚
就算帶一千萬過嚟，買樓四百萬，如果養細路養車即係一個人做嘢，我當你每月搵£2000已經好好，但點敢豪洗？
要預埋兩個人退休喎，人均年齡係八十歲，仲有小朋友大學學費，local fee都要幾十萬啩
你話老咗呢度有政府養，唔好忘記香港人喺呢邊唔係後生開始納稅，三四十歲先開始喺呢邊做嘢，都唔會好多㗎咋
呢度啲老人院靚嘅要一星期千幾磅，貴到嚇死人
豪洗就唔會，但你話無太大憂慮，起碼有自由就真嘅，我相信好多香港人都係咁諗
2個讚
就算唔使供樓，2000都不夠豪使
真心問，每月淨收入2000鎊係呢邊真係已經算好好？
所以係要捱，亦唔係show off
何況有幾多人有一千萬過嚟？
其實英國一定無香港咁好，我相信好多嚟到嘅香港人心底都會明點解嚟，特別係父母。
97前，我父母有朋友話可以一齊搞移民過加拿大，我老豆因為屋企兩老所以推卻咗。嗰時細個都唔覺得有啲咩，只係覺得無得去外國玩。
16年後，我身邊有朋友開始移民，其中一個個阿媽好早就自己去咗美國，長年申請，結果終於我朋友可以過去，嗰吓就發現，自己即使再唔鍾意呢個香港，唔係上一輩積落，無錢嘅話根本無得走。
19年我望住個社會變成咁，嗰刻發覺做父母嘅為仔女，唔應該叫佢哋自己執生，係應該俾佢哋有得揀，所以21年我過嚟英國，5+1後就算個仔變黃變藍都好，佢至少都多本護照，我唔知個世界第時會變成點，我只可以做我可以做到嘅事，包括我喺英國受到嘅各種氣。
我嚟英國，係為咗個仔，唔係為咗同人拗英國有幾好。
15個讚
我每日都有質疑自己其實係咪唔應該走，小朋友大左會唔會怪我俾唔到物質享受佢，會唔會黎左英國反而變左窮人生仔正仆街既仆街呀媽，好驚自己做錯決定。
但你講得好啱，起碼捱左5+1，俾條後路佢。我都會一直為自己打氣。
3個讚
咁快咁諗好難捱落去，要預住到細路讀完書，盡量放鬆啲
而且回流要好多錢
死啦、我都只係擔心自己退休點搞、物質既野永無盡頭、同樓上所講一樣、想比多個選擇佢、同埋小朋友既成長環境都好重要。
我冇仔女都頂唔住，上一代冇留passport，靠自己捱一個返嚟，六年唔算長
送仔女出外國讀書同比個護照佢係好大分別，佢讀完大學仲要好辛苦攞work visa先留低到
要自由就要付出，呢個係英國政府嘅信念，佢哋嘅歷史亦唔係個天跌個自由比佢哋，佢哋議會民主雖然冇法國俄國要咁多血，但都得來不易
我冇你咁偉大，我係為自己，唔想仔女升小學之後日日變顛婆追住佢地溫書，我想過得悠閒d，點知遇上大通脹想躺平都唔得，講教育呢度係好過香港，係inspire個小朋友去讀書而唔係迫佢，不過都要教仔女唔好好似呢度d人咁hea，要保持返競爭力，如果要讀好學校讀大學，難度不比香港低，但應該會舒服d
1個讚
但又真係好多香港人一家大細成日去旅行係fb度出po，講緊係歐洲唔係英國本土，仲要去親都10幾日，一年去3, 4次，好似唔使返工咁
咁唔追住佢溫書都可以促進親子關係，仲有將來佢唔會批鬥你，都重要㗎
讀普通大學都得嘅，如果冇就讀vocational，好似香港嘅IVE咁，有一技傍身
退休係一個好大問題，我當我供30年，到pension age退休，有間自住樓應該乜福利都唔關我事，按比例我拎得600幾鎊一個月，2個人1000鎊多d，唔知點生活，同埋到時政府仲俾唔俾得出退休金都成問題
呢個當然，香港單係幼稚園已經可以令到個小朋友討厭返學同讀書。
我嗰個嚟咗讀Nursery日日都好似上遊輪咁喪玩，但玩玩吓返到嚟又會見到佢識多咗嘢。
呢個真係香港教育做唔到嘅地方。
2個讚
係呀，我哋過嚟嘅係退休冇得諗，香港又一半（mpf亦未必攞得返)英國又一半，完全係唔拖唔水
我而家四十幾，呢度仲有廿年工作，到時pension都好少㗎咋
三個字：冇得諗，其實留喺香港一樣冇得諗，個經濟都會冧，到我哋老時香港啲儲備比班愛國者fing Q晒啦（而家已經冇咗回歸後英國淨落嚟嘅一半）政府破產，攞公積金嘅都未必等於有得攞
所以攞住好多錢嘅就算去到一千萬都唔應該咁大使
1個讚
private pension 可能可以幫到手
uk人話一定要供 vs 華人覺得供黎哂氣
已經供緊，公司自動enrolled，不過唔知到時拎到幾多，唔樂觀