睇咗呢條片，講起東方昇話遇到唔少移英港人係咁讚英國，聽到反而有啲麻木，
其實諗落都真係有啲心酸，我覺得其實大家都知道無一個地方係永遠perfect，
但就因為一啲689、nancy之流講吓牛油貴、講吓治安唔好咁唱衰英國，先令一班移英港人出聲反擊，但說話去到留港港人度就成咗反效果，結果就造成大家之間嘅芥蒂，明明移英同留港兩班嘅政治立場都係差唔遠。
12個讚
我冇呢個問題（暫時）但我知道我一定鄙視宣誓咗嘅人，我表面冇嘢，但內心一定會，控制唔到。我估我最終會同佢哋疏遠
冇辦法
政府嘅劣政，踐踏人權同自由政策係每一個公務員有份implement 嘅，唔好同我講佢哋要養家要供樓冇得揀，我明白，但我依然會鄙視佢哋
回應題目：我冇盛讚英國，不過比起香港英國好太多了
5個讚
2邊都有痴線極端份子。有部分移英港人會講到所有留港=港豬，香港一發生衰嘢就"關心"其實實際心態睇人仆街最開心，將唔走同唔錫仔女掛勾，佢地極留意香港新聞反而冇乜留意英國新聞。
另外，亦有留港既人做一樣既嘢，成日提住英國通脹水電費極高，學校好好咩咪都係讀公立，真係咁好就唔會咁多童黨喇。實俾人岐視喇，以前中產而家過去捱為乜。呢d 都係極難聽既說話。
其實呢2款人都係一擔擔，企圖遊說自己決定係啱，對方國家愈仆街咪代表自己冇簡錯囉。每個國家都一定有好有唔好，選擇左就係要苦中揾一點甜，各自安好吧啦。
43個讚
除左有錢唔使做個批人，香港去英國嘅人都放棄左好多，特別係 uk 要供樓租樓嘅生活唔易過。安慰同比信心自己都正常。
又唔會越走越遠，因為6年後相信唔少人會回流
呢段時間唔好互相攻擊便是
5個讚
真心撐政府還好，最唔鍾意個啲一路鬧政府一路做個啲公墓員。識唔少
一路呻一路教通識嘅老師都係，如果係我，真心教唔落。真係朋友都唔想做
7個讚
黃藍從來都係將一班人切開兩半
當中黑社會又有，假獸醫又有，民主公民又有，本土又有
點樣團結，只係大方向一樣
影響到人嘅咪留意吓，影響唔到人咪各自各生活
一句講哂，為錢。
不過我唔係話為錢就唔啱，現實係要生活養家，辭左職唔通外人俾錢佢地咩，唔肯辭既我係可以理解到。
我理解唔到既係又唔辭又要狂呻狂鬧個堆。同明明夠錢移民但唔移既，又要狂呻香港既人，當然調番轉個邊都係。
事實條件好客觀擺哂係到，每人心目中一定有priority，留低/走既即係一定係有嘢outweigh左一邊，咁真係呻黎做乜，唔通想咩著數都攞哂咩，太天真喇。
3個讚
我識嘅係唔會覺得自己夠錢移民，雖然明明佢地資產比好多去左 uk嘅港人優厚。
所以真係唔想再聽佢地呻
4個讚
點解唔移民就唔可以鬧香港？
移民唔係一個must
唔走唔代表係港豬，移左民又代表係黃
而家好反感d 人移左民好似好高尚，咩呼吸自由既空氣，小朋友得到好好既教育bla bla bla
移左民既都會話我咁唔鍾意香港點解唔走
我覺得唔走總有原因，唔走亦可以繼續唔鍾意個政府。
20個讚
我認同唔走唔代表港豬的，2019年已睇得出大部分係黃，而家雖然話多左人走，但其實更多既係因不同原因留港。
唔移民唔係話唔可以鬧，但係狂鬧狂呻除左係宣洩下情緒，對成件事零幫助。同樣地唔鬧亦唔代表係港豬，可以係心入面心知肚明。
一個被家暴既女人，佢狂鬧老公但又唔走係咩玩法？
1個讚
認同啊，自己都係走左嘅其中一個，但都好頂唔順某啲group入面嘅港人自我膨漲得好緊要，例如有個飲食group，自畀藍人話移英好慘之後，就不斷有人出post「呻窮呻慘」，show一大堆美食點點點，然後一堆人圍爐自我感覺良好，其實洗唔洗做到咁，個人黎講好反感。走得到，過好自己嘅生活就夠啦，留低嘅，有好多係想走但未走到，何必再灑鹽。
6個讚
我一直覺得大人唔走好正常，細路走就可以
大人唔走都唔等於細路一定冇良好教育，安排好就得
唔走都可以鬧同呻，但唔好一路幫政府執行同妥協一路呻
走左嘅空氣係自由嘅，但生活係唔易嘅
1個讚
喺英國讀書生活過幾年, 好喜歡當地.
但老實說, 長住生活都係香港好. 而家新移民英國的人讚到英國天上有咁太假.
3個讚
呢d 就係我上面所講既極端移民份子：
將留港既人踩到一文不值，將留港生既小朋友等同變哂小粉紅。講到留港就係死期將至等住仆街喇你班留港人。
呢d極端份子講既嘢唯有同自己講唔好咁上心，當佢地網上口痕。而現實生活入面，咁大個人講嘢識避重就輕，都係一種禮貌黎。即係見到人單身都人會盡量講下單身美麗，唔通會講正一老姑婆。
15個讚
係，所以我完全明白點解有人黎到好快已經回流。接受唔到真係唔好浪費時間。
除左倫敦，呢邊真係比較適合冇乜要求咁 hea 遊嘅方式生活。冇資源，物慾要求自然降低
其實冇所謂邊到係生活邊到係生存，自己舒服就好。
唔舒服嘅，比個城堡你住都冇用。舒服嘅，一個人住 200呎都可以可心。
唔明啲人成日曬屋企有 2,3 層，前後花園做乜。
至於車，唔想揸車嘅話，比10架車你揸都冇用。
事實上好多香港人係呢邊其實唔想成日要揸車同唔識揸車
3個讚
如果年輕時冇喺西方國家短暫生活過, 中年先第一次去長住, 會好大衝擊好唔習慣.
十幾歲同幾十歲適應新地方新文化需要的時間截然不同. 應該話後者都唔知適唔適應到.
我本身都慢活. 但外國係再冇咁方便同埋確實存在安全問題.
5個讚
係. 幾百呎單位到幾千呎相連村屋另有花園都住過. 開心幸福唔關間屋事.
我唔駕車的. 去到外國都只會繼續依賴老公同交通工具
2個讚
支持後生去外國生活一下，對思想同返亞洲工作都有幫。
我見到有50幾歲兩夫婦黎到生活，但好似又唔夠錢唔使工作，太辛苦藍領工作又應付唔到，好似好多嘢唔開心，不停揾嘢安慰自己。同時又不停鼓勵人移英。
我好佩服佢地嘅決心，同時又唔明佢地講啲假野鼓勵人黎係乜心態
2個讚
香港都有村屋。
唔少香港人係呢邊揸車被罰同撞車
英國同事又話係呢邊揸車最好係呢邊學車，否則係 crazy driver，心諗佢暗示。。。
呢個情況，揸好一駕車再講。
唔好曬有幾多駕車
不過，如果唔使做，又有錢周圍去遊行，係呢邊生活又真係幾捨意的
3個讚
其實好多留港香港人都一齊笑
而喺英國嘅香港人都有呻
留港好、移英好，實有弊有利，世界太黑暗無地方如天堂。如果有人攻擊你住緊嘅地方，而又係事實，只能接受。
2個讚