我喺英國生活一啲都談不上開心，我唔係覺得英國有乜唔好，生活大小問題我都唔覺得係乜，只係我自己心情問題，睇下新聞又心煩意躁，有時都有衝動返香港算，當然只係一時衝動啦，其實我返到香港應該都一樣，一樣唔順心，一樣覺得啲普世價值觀念冇晒，一樣會好痛苦，點會回到去過往日子？實在轉變得太多了
我老公家人朋友叫我睇開啲，我明白，但唔係一時一刻做到，我放唔低舊香港已死呢個事實，去邊度都死
就算唔諗，每晚發夢都諗起舊時生活嘅自由，美好，幸福，亦好痛苦
如果係玻璃心，一定話我晒命唔珍惜移民生活，但實情我相信有人會體會到明白我
香港係一個共同體，搞成咁每人都有每人嘅痛苦同難過，我相信真理愈辯愈明，明嘅人自然會明白，唔會愈走愈遠
如果係咁、不如睇少啲新聞，令自己過得好啲先…
係有啲鴕鳥㗎，咁又點呢？
上論壇，我恨我記性太好
不過，我聽從你嘅建議，不做其他留言了。
呢個同移英冇關嘅
響香港佢一樣“關心“ 你
試幾日又失敗了
感謝你提議
不過整體嚟講係向緊好嘅方向嘅，個心開咗啲
八月比七月好，九月又比八月好
只係我唔會用開心去形容我個心情同生活
BD冇大問題，不過樓主個post都提醒咗我哋嘅
關事架，以前大家一齊留港時佢唔係咁，否則一早都做唔成朋友。
亦可能之前有人踩過佢留港，甚至可能早期我初黎呢到都講者無意聽者有心左，總之結論就係茅盾加深，懶得再傾了。
係，我身邊嗰啲移咗嘅，都偏向係咁，見到香港有咩唔好新聞就貼喺個谷度(但其實唔駛佢貼大家都知)，最幣係有時又一知半解咁，可能得啲標題相就貼，但其實內文又唔睇晒攪到要話返佢知佢攪錯咗咁，成日好似為咗要show自己選擇係啱嘅，但其實個谷都有好多想走但走唔到嘅人…
算啦，有啲人心態唔好
總之自己計掂條數就算
我成日講英國d唔好野架，生活費貴係真，仲要經歷緊18%通脹，電費講緊加2倍，來緊仲會經濟衰退來壓抑通脹，即是失業率會大升，大量職位流失，錢唔多嘅真係諗清楚先好來。其實初初會好開心，我個時都係，肉類比香港平，公園比香港多，工作比香港輕鬆，空氣比香港自由，不過越住得耐就發現呢度一樣有好多社會問題，香港有嘅呢度一樣有，唯一唔同係呢度可以出聲，可以選舉，雖然就算下次工黨上情況都可能係咁上下，但叫做有得揀，我都唔知呢個決定岩定岩，如果以搵錢角度一定係錯，因為我知香港個位加左一倍人工都請唔到人，但香港又實在有太多事我接受唔到而要離開，如果有人接受到覺得冇乜問題，其實留係香港都冇話係錯嘅。
我都係，特別呢排，見住英國政府嘅無能，生活成本無上限地增加，真係好想返香港算，起碼我人工加左一倍先
我都擔心未來幾年經濟同民生
其實我都會，但我心態真係唔係想證明自己選擇啱，係真心想diu個政府
等我注意下先
咁睇：香港係暫時仲搵到錢，但個搵錢環境（唔計政治）都將會差，你點知可以做到幾耐？
全世界都會有困難囉，冇人知將來會點，阿Trump當初亦冇人估到佢咁勇猛，阿習當初又冇人估到佢咁癲。決定咗就努力行落去，我雖然痛苦，但我冇後悔過嚟，我只係懷緬過去啫
我原本個職業係個政府唔會放過我哋（公帑出糧，明白啦）係想侮辱我個專業及良心，我頂唔到，所以我選擇走，咬緊牙關捱六年，到時再決定返唔返香港，暫時心意我係想返嘅
何處心安是吾家
對，經營精神生活
但港女又有物質嚮往，控制唔到
仲有每當提出問題就叫人返香港返大灣區. 不禁令人聯想到佢地生活有幾不堪先會咁做來肯定自己決定. 彷彿你對英國生活有疑問或不滿意就係challenge佢地.
我都擔心呀，而家慳住慳住叫做啱啱好，經濟衰退如果我老公失業真係唔知點算，希望頂到個女番學我出黎做嘢多份人工喇。
仲有個好奇怪嘅現象，就係來左英國就唔可以challenge 英國政府，做得唔好都唔可以出聲，仲反問你邊度唔係咁，其實第二度係咪咁我唔care，我係講緊英國有野做得唔好
認同，人離鄉賤
英文差到好似啞左咁
打份min pay工，唔做又無錢開飯
二等公民 受人歧視
佢地死充 無講出嚟啫
如人飲水 冷暖自知
做人唔好咁玻璃心
自己過得開心咪算囉
衰d講，真係小旅行都唔好諗住去，人工都拎哂來交電費，600鎊一個月呀