新搬來屯門，出年要揀小學
請問有冇邊間小學係冇咁洗腦？
同埋好反感普教中
暫時有留意蒙恩同樂善堂
屯門小學除咗成績最差嗰間，同埋特殊/自然/伊斯蘭嗰啲，全部普教中架
你呢區都幾難、一係好受歡迎、20分自行都未必得、一係派比你都即走好似興德同伊斯蘭果啲…中游嘅選擇唔多…
你有無宗教分？無唔好揀蒙恩，超級熱門
你要搞清楚你係70定71校網先，蒙恩係71，樂善堂係70，唔同校網嘅只可以自行同甲部報
劉皇發、鄧肇堅、鄭任安、青天、興德、伍時暢、莊二、青松、五邑、伊斯蘭、鄭任安夫人千禧都係全粵教中
部份班別粵教中：屯官、志豪、蒙恩、何壽基、卍慈、何式南
另外仲有部份學校係部份級別全部普教中，並非全校。
以上學校有寶校有熱門，有 70 網有 71 網，你想入唔代表你一定入到。
建議：你自己做下 research 睇下自己 lowest 接受到邊間，計劃埋叩門 (如有能力，跨區荃葵學校更理想)。
3個讚
我有宗教分同埋首名子女，20分，應該都要抽籤?
留名學嘢
我住71校網，大抽獎只可以揀番71果d學校？
謝謝
扣門可以跨區？
大抽獎有分甲部乙部，甲部全港任揀，乙部只可揀自己校網
玩法可參考：
當然可以，有校車/自己搞掂接送就得。今年我識人住九龍城叩到油尖旺嘅 St Mary’s。佢另一個大女幾年前叩到新油天。
操 fit 學術就唔怕冇學校收，就睇返放學搞唔搞得掂。
可以嘅，不過好多熱門學校講明只接受111叩門，所以你跨區嘅話除非你小朋友特別標青啦，如果唔係機會會細少少。同埋跨區真係要認真諗清楚接送嘅問題。
通常九月有好多開放日，你快啲趁今年有時間，去望下啲學校啦，起碼你睇咗有啲頭緒(雖然啲人會話邊間好邊間唔好，不過親身去感受點都好過聽人講，因為人地覺得唔好嘅，可能你會覺得好)，如果唔係出年一開學，你未必夠時間慢慢睇。今年睇咗啲再挑選下，下年交表前再去心水嘅睇下。
其實唔係，9 成都冇要求 111。呢個係呃家長的。
1個讚
20分蒙恩有機，有同學仔20分入
蒙恩20分都要抽，我當年就係20分都唔入。
1個讚
而家中一學童數目應該少咗瓜
對於熱門學校，少左都唔會令到 20 分穩入。除非少一半人口。
始終都係熱門學校求過於供。二線會容易入左但一線一樣都係咁多人爭。
我冇小朋友
乜原來而家連小學都普教中？
係呀，已經大部分都係普教中，應該讀完小書都唔係香港讀，所以想揀廣東話教