我覺得會連唔敢搏嘅家長都會試下搏，變相難入左
係，推行咗十幾年左右
緊係唔係啦, 依家愈黎愈多學校轉返粵教中, 就算一線學校都唔係全部普教中~
我建議想了解邊間學校把握機會去聽下學校簡介, 有D之前普教中, 可能出年會轉返粵教
我都覺, 津校99%學校都係計分同派位入, 完全冇辦法自己揀學生
叩門係唯一一個自己揀學生既途徑, 你係學校會點揀?
111呢D誠意分講緊係2個小朋友一樣咁叻先有用, 否則唔夠叻有111都冇用~
利伸, 好多朋友111都叩唔到
點會呀？好多粵教中㗎喎
請問成績最差系指邊間
想問下荃葵有乜嘢好學校？
都想請教下，我70區，我小朋友能力同學嘢ok,曾考慮讀直私所以谷過下，但他對自己要求高，唔受得太大壓力，所以想搵間學術少少要求但唔太谷得學校。附近學校中，唔會揀梁周、兆霖，五邑同仁德睇過都幾鍾意，前者欣賞佢花心機發展校本課程，後者學術感覺更淺但真係較關愛。青松同羅陳都考慮之列。想請教下呢幾間學校係咪學術程度都差唔多？我預左自己會教下佢。
有好多好學校，但唔係容易入，同埋讀書要求高。只係升中會好少少，好過屯門爭餐死。
學術好又唔谷，魚與熊掌啊！
所有學校呈分一定係谷，冇可能唔谷。
有能力讀書就一定係思源浸聯，唔算最谷亦算包容高多活動。唔一定一線就谷，二線可能仲谷。
另一種就係搏 “同鄉”，就好似可信搏可風咁，同一個辦學機構，自行加分唔少，因為多新移民同埋南亞，肯讀書考頭就容易。問題係學術要求唔高，要自己加料。葵青嗰兩間佛教小學都係搏善德，但佢地唔係大熱…
直資可以考慮埋地利亞(閩僑)，佢升中未必差，起碼英文一定夠抽，面試可以突圍下。雖然咁樣好衰，但現實係一定有唔少非華裔中文呈分墊住本地小朋友。同上面嗰啲一樣，唔係個個都喜歡。
都係嗰句，魚與熊掌，想低價買千里馬，又要隻馬唔點食草，難呢！
跨區呢兩間唔易入，要睇咗申請者資格同 portfolio有無機會入首輪。
荃灣區好嘅小學好多，但我覺得有啲位置上比較隔涉 馬基 荃基 荃天 柴天 天佑 何小 伍季明，而教主讀個間石鐘山近西鐵站可能對你住屯門區方便，可以研究下。