小朋友嗰陣屋企人幫我買咗份人壽，嗰時話供20年就會自己run，不用每年交錢
但供到而家已經供咗差唔多30年了，每年都係仲要交保費，
因為agent已經退休，佢退休前講過話係利率唔係預期咁高，所以未能自己run，但都已經係5-6年前嘅事，已經供多咗差唔多10年
想問吓其實“自己run”個原理係點？
係咪真係遲啲會唔使交保費自己run？
保險儲蓄會有分紅，即每年有紅利，紅利係保險公司投資賺返嚟，再分落去保單，紅利會因應投資情況而有不同，計劃書入面個紅利係預計嘅數，當市況轉變，數字就唔同，加上滾存利率大減，情況就似存款利率咁，香港存款利率都曾經好高，但而家?一蚊都無，所以做成好多舊時保單個預期同實際差相好多
所謂自己run, 即係話保單本身所賺及未來預計所賺嘅紅利，加埋滾存紅利，足以應付餘下年期保費，有好有唔好，好嘅係客人唔再需要俾錢，張單一直生效落去，唔好嘅係，保單滾存利率比銀行高，即係客人會損失當中回報
所以而家多數保單有年期繳付，客人更有預算
但保險同投資本身係兩回事，兩者唔同根本唔可以相提並論，市場上無一項投資可以用一年時間保證到你20000變6000000，所以將投資回報同保險拉埋嚟講嘅多數對理財無咩常識
1個讚
儲蓄單，每年都會派"紅利"，派幾多無保證，點都好，仲之係派左俾你，係任你"自由"運用，概念想你可以諗成有一個"戶口"，每一年派"紅利"俾你時，你呢個"戶口"就會多左錢
- 我既? 點解我唔知既? 有無得拎黎用?
agent大都只係用你提一提，亦通常唔建議你拎出黎用，Anyway，只要你填將form寄去保險公司，保險公司就會係呢個"戶口"拎錢出黎寄支票俾你，絕對唔會say NO，因為真係你既錢 - 咁唔拎會點? 保險公司會派"利息"俾你。情形好似普通銀行定期有息咁。佢都會派息去吸引你唔好拎走啲錢，因為keep係到保險公司會拎去買國債之類高少少息去賺你差價。
所謂自動run就係保費到期時你唔俾錢，保險公司就會係你個"戶口"到扣錢。
如果你一直唔拎錢，佢每年派左紅利，啲錢又會利疊利，過左廿年可能滾到一筆錢係個"戶口"入面，例如10萬蚊，咁唔拎走就一年派5%利息，有5千蚊，你將單咁橋年供5千，剛好個利息就夠供份保險，咁你咪乜都唔駛做份保險又可以一路供落去喇。
問題係，廿年前份保險賣俾你時有兩個好重要假設，佢假設咁多"紅利"俾你但實際派唔到，又假設年年息利有5%但又做唔到。咁當初諗住廿年後會滾到10萬係個"戶口"到，實際得個5萬，利息又得個3%得1500唔夠供5千，就唯有叫你繼續供喇
1個讚
危疾plan 應該點樣選擇先保障到自己？
中年先黎買危疾會唔會好貴？
- 你應該諗你想要幾大保障先，好多人唔係由自己需要出發，而係由產品決定自己有咩保障
- 市場上現時主要都係多重保，但留意自己有無實際需要
- 注意公司理賠率
- 係唔影響經濟能力下去供
1個讚
又唔會話太貴嘅，但最重要係你自己負擔得到，第一樣野係睇自己負擔能力先，之後先選擇保額
危疾要選擇一間賠償手鬆嘅公司，例如癌症，有D公司係要差唔多擴散或者擴散左先賠，有D就只係驗出惡性就賠
所以選擇公司都好緊要
請問邊間/或邊幾個公司係手鬆既？
驚講左出黎變左賣廣告
想補充，除咗紅利，通常儲蓄保單喺生效後幾年都會開始有cash value，同紅利唔同，cash value攞咗出嚟係要還嘅，所以想攞時要睇清楚係攞dividend定攞cash value(即係借loan）
利申：過氣internal staff
1個讚
其實無話鬆唔鬆手，羊毛出自羊身上，公司預咗賠就一定計算入保費度，現時嘅危疾已經日新月異，老人痴呆都有得賠償，原位癌都有預先賠償，所以一定要睇保險公司理賠率，理賠率可以睇到間公司係咪有買無賠，其次就係睇個agent能力
好正
佢喺另一個post 都係咁，原全Feel 到比公司洗晒腦，仲要覺得自己好似嚟打救世人咁
對於保險公司嚟講，每一張保單都係蝕錢，行外人係唔會識
所謂利益衝突，行行都有，你買豬肉，唔會怕豬肉佬呃你而問牛肉佬意見
如果講保險時，同你著重講回報點點點，就知一係外行人，一係就連基本理財常識都無
保險，股票，基金，買樓，債券，期權，信託等等多不勝數，每一種投資產品都有佢個別用途，識唔識用就睇個人知識而定
又唔好咁講，我以上講過保險對好多人係有需要嘅，我自己都有買，我好清楚自己需要乜嘢保障，好多人唔知受誤導，浪費辛苦搵嘅錢喺錯嘅地方。
我相信我如果做經紀開始未必好多客多單多有佣，不過長遠一定做得成功，因為客人比佣，我會完全站喺佢角度。行內仇口亦一定多。
我唔知點回應閣下第一句，因為實在太反智。
我諗你/妳連商業交易同利益衝突都未識分，我買保險比保費包括對保險公司嘅風險，以人壽為例叫mortality rate, 就係我瓜咗以賠錢嘅風險。其實mortality coverage 佔保費部份唔多。跟住有行政費，呢樣嗰樣，行行一樣。比經紀佣金部分我買佢service, 呢個費用我要求經紀比我嘅意見都係由我利益角度出發，唔係佢利益。當兩方利益係相對就係利益衝突。
就講買豬肉，我想要呢舊，豬肉佬話第二舊正，其實因為第二舊佢賣唔出，就係衝突。我要邊舊佢比邊舊，叫商業交易。如果佢比中肯意見教我點揀佢以後會多個回頭客。
您連咁簡單常識都冇好難討論。
我唔知亦唔想知您點理財，我注重風險回報，就好似之前咁講，我冇水晶球唔知點教人揀市揀asset, 揀出入市時間。所以只可以講下expense, 流通性。
我回應第一二句
咁又唔係每張單都蝕錢，actual定保費時係唔會比公司蝕住賣張單，所以你都睇到點解年紀，姓別，食唔食煙，同職業會令到保費會有差別，當然健康狀況都係一個因素（有exclusion, loading)，所以其實客人除咗聽agent解釋product內容時，最好收到保單時自己都要睇provision (保單條款），真係睇到原來好似又唔係好啱自己嘅，唔洗怕唔好意思，因為可以cooling off（冷淨期退保，一般鋪大約7-14日，通常由issued day開始計）張單，而且當客真係清楚張單嘅保障範圍，日後就少好多誤會（嗱唔係話樓主，但眼見好多agent真係唔熟product同provision就sell個客），claims dept嘅同事都係睇住條款嚟賠
保險公司真係有"部分"plan 係蝕住賣嘅，大公司group medical 係例子，因為保險公司唔可以逐個員工揀，個別有pre condition 嘅員工唔可以anti select, 唯有成張單接，身體健康嘅補貼身體冇咁好預咗多claim 嘅population. 呢個亦係保險嘅原意。
42萬。老實真係唔高，仲未計平時見客支出喎。
朋友都係做保險，佢話平均每月收入有100K，但支出卻佔一半，仲要請埋秘書
咁每人開支都唔同，正好月入萬多，有人可以收月光族，有年就儲一大半都有，係自己選擇
我其實係想帶出個意思係42萬年薪，平均3.5萬一個月未扣埋見客等支出，真係冇咩肉食，好睇唔好食。但就真係血汗錢！
想請教樓主，我已移民英國，諗緊好唔好cut左份壽險入面嘅癌症附加保障，因為我見英國nhs都唔錯，好多藥同治療都包，而呢個保障係冇儲蓄成分，每年俾左就係冇左，咁不如cut左佢供少d錢淨係keep返人壽算數，你覺得點呢？