你要留意英國係包唔包手術費用？ 癌症唔係單單用藥，係手術+藥物，再者，現時治療癌症有好多方法，例如免疫治療，質子治療，英國方面包唔包？ 另外本身有無危疾保險？ 萬一出事，治療期間嘅生活開支有無能力應付？
正因為nhs基本上全包我先諗係咪可以cut左佢
高端醫療保險被揭拖數唔賠錢
-
病人購買高端醫療保險，保額高達3600萬，每年保費萬幾蚊
-
病人患上肺癌，醫療費總金額約250萬
-
保單承諾收齊文件後約一兩個星期後會賠償，而病人丈夫聲稱每次一收齊醫院/醫生發出嘅文件後就交比公司
-
病人今年6月離世，至今已累積既250萬醫療費用尚未賠償!病人丈夫只能碌卡賣樓借錢找數，差下一身債!病人臨終前仲為錢同龐大財務負擔憂心，甚至因而影響病情
-
電郵向東張西望解釋「收齊文件」意思係指收齊一切所需文件，包括自己做research問一切所需嘅醫療機構/醫生調查呢個病，研究病人治療方法嘅文件!即係一啲唔係病人可以提供到嘅文件，亦唔係一般公眾所理解嘅「交齊醫院/醫生收據」!
-
保險狗業畀協會受訪為保險公司嘅演繹方法護航!
-
最後想借110萬比病人丈夫應急，但條件係要求將呢單醜聞保密!病人丈夫果斷拒絕，理由係呢啲錢本身一早應該賠償，駛鬼借佢，仲要借唔足! 結果鬧上東張西望，病人丈夫聲淚俱下
-
報導冇講病人有冇向保監insurance authority 投訴，或主動介入調查呢單野，其監管角色喺呢件事上存疑
唉公司就唔開名了，一搵就搵到，咁大間保險公司都咁肉酸，我都唔知佢點拆，明明醫保就係為左比病人無優咁醫病，而咁樣真係好反智
要買醫保嘅唔該真係揀D賠償率高同快嘅公司，上網有得睇唔好懶，唔好信廣告
如果係咁，當然cut得啦
對呢行完全唔理解
近來幫小朋友買咗份人壽住院等保險
年供16xxx, 咁Agent可以分到幾錢佣呢
我年年供，舊佣年年都有得分？
如果要賠償，agent舊佣有無影響？
覺得agent靠人脈同把口搵食
不過明白到有賠理問題會幫到好大忙
你重話自己做咗5，6年，年年MDRT,真係笑大人個口，你唔係幫人理解件事，而係針對公司發言，其實每間公司都有唔賠/遲賠個案出現，作為agent係解釋俾客知點解有咁情況出現，我一直講，公司理賠班人只係睇字，左對右對，佢地唔會知客人情況，所以賠償除咗睇公司之外，亦都要睇agent能力，我就未試過唔賠/遲賠
而呢間公司正正係我做個間公司，上次明星個單都係，呢點我唔怕認，因都無得呃人，我睇完成個訪問，其實真係覺得好傷感，作為客人我都會覺得有無攪錯，粗口盡出，不過以事論事
- 佢幾經紀買，係經紀定代理人？ 點解呢位經紀無出嚟幫佢手？ 點解要個客自己同公司追討？
- 兩年不可議異條款應該過咗，但要睇返簽單同確診兩個日期先知，如果係兩年內，索償都會較耐，因為保險公司會查得緊，而兩年後就會鬆好多，再者接近兩年而又金額大一樣，當然有人會話咁買嚟做咩？ 醫療保險等候期及不可議異條款其實唔係保障保險公司，而係保障一班客戶，避免有部份人去呃保險（聽得少，但真係有，幾年前AIA出過單，搵大陸客買大額意外，之後夾埋醫生變獨眼龍索償，因為理賠同事發現太多同類索償，經調查查出）試諗下，一個有事嘅客人買完份單，短時間內索償百幾萬，保險公司賠咗，平衡返整個賠償池加保費，就令其他投保者負擔一齊負擔
- 病人睇公私兩面睇，最大問題係公立醫院，因為每次拎報告都唔知幾時返，有時客人投保都需要問公立拎報告，同賭馬一樣，快嘅可一星期就有，慢嘅兩三個月或更長都試話，呢個亦都唔係保險公司可以控制到嘅事，但從來無人覺得係公立醫院問題，即係公立醫院遲文報告就無問題，保險公司等報告而遲就有問題？ 當然有人會話咁點解保險公司追呀？ 你追過政府嘢就知，追只你表面功夫，佢唔出都奈佢唔何
- 保險公司出信俾醫生講埋客人情況，醫生一樣無回應，又係，無人搵個醫生出嚟問點解，又係話保險公司問題？
- 保密，我無睇言封信，我唔知係指成年事保密定係話公司免息借錢呢年事保密，如果指借錢事件係正常，因為借貸唔係保險公司業務
- 收齊所需文件，公司係賠償表格最後一頁有寫明要咩文件，一般人理解就係收據，claim form同身份證copy，其實仍然需要某D醫療報告俾保險公司睇呢次索償係咪有醫療需要，正如早前脫疣咁，有D唔係醫療需要但正樣向保險公司索償，而呢個經紀居然無同客人提過？ 呢個咪係個經紀問題，你收文件齊唔齊唔知？
- 當呢D所需嘅醫療報告未收到咪代表未齊文件，醫生確診癌症，咁都應該有化驗報告，數據睇到係癌症，唔係單單靠醫生話係就係，唔難理解呀？
- 去IA投訴？ 係可以，但IA都係先叫保險公司解決先，但呢個情況，IA介入都無用，公立醫院未出報告
- 當然我相信有人仍然覺得保險公司問題，唔緊要，我唔係要控制你諗法，你可以一直憎落去，我只係想俾大家知道情況
身為保險代理人，對於呢類事件無正確同客分析事況，只針對公司發言，只借令更多人唔信保險，而唔係令更多人去了解保險
- 佣金方面，間間公司計法都唔同，但行外人誤解咗年年都收咁多係錯，佣金係會減到好底，或者直情係0，一般以整份單嘅年期嚟講，每年平均3-4%
- 客人索償對佣金無影響
- 唔想俾佣就上網買，有事就打Hotline搵人（等幾耐就另一回事）有agent嘅有咩事就搵agent(幫唔幫到手另一回事）
咁點解連出院免找數都搞唔到？幾個月等內部文件？個經紀死左？
同埋我建議投保嘅話保險公司賠償率低同慢，係一個好重要參考因素，我唔覺得有咩問題，你鍾意笑咪笑，我就係企喺客人立場思考，你下下要攪上東張西望先賠嘅，成行都比你搞衰哂啦
原來你真係唔識，出院免找數前提係乎合賠償資格，而短片中公司有解釋已出信俾主診醫生，但主診醫生無回覆，咁又點做到呢？
至於所謂內部文件，我就真係未聽過呢樣嘢，我都想知係咩，但以我過去處理索償經驗，全部7-10個工作天就出支票，未遇過咩內部文件嘅嘢
至於個經紀問題，我就唔知啦，我係代理人，唔係經紀，理應佢有經紀電話，點解唔叫東張西望打俾經紀問？
間間保險公司賠償都有準則，文件未齊就賠嘅我都想知邊間可以做到，試問有邊間公司無出過問題？
我個客個親戚，佢自己係保誠做agent，佢老公癌症4個月都未獲得賠償，唔一定試東張西望先影衰嘅，照咁講，間間都有過事，係咪間間都影衰大家？
咁你出院免找數係咪都要立刻答個客得定唔得呀，又咩知道客人自己比左錢，保險公司立刻聯絡醫院，想比返，快手D會死？而家個客真係死左啦
個醫生唔覆，人地幾廿個病人，個個都覆係你唔覆，醫生唔覆可唔可以派員工去呀，比D溫度得唔得呀
- 出院免找數係需要主診醫生提供醫療詳情及至少5個工作天申請
- 個醫生點解唔覆係咪應該問返個醫生呢？
你真係完全唔識wow
哦！原來你地要五個工作天仲要係至少五個工作天，咁真係唔係一般廢Wo係好X廢wo ～堅垃圾Wo ,其他公司上午申請，下午就批，快嘅一個鐘，你五日利害利害
第二我同講緊溫度呀，你知道客人有咁強勁醫療需要，保險公司有冇出手協調過呀
你要點講就點講啦，你出發點都係針對公司，無所謂嘅
我想知邊間保險公司做到上午申請，下午就批，重可以一個鐘批出嚟
我直情入左醫院先做出院免找都仲得呀
你會唔會太年輕呀少年
唔係針對，係成間公司冇溫度，規矩死嘅，人係生嘅，個人都就黎死，你下下講規矩？冇經紀理張單係咪就要cut咁
咁係邊間公司？
一直都冇開過任何公司名