同埋我想講多樣野，產品好同壞並唔係用收取嘅佣金，或者賺左你幾多錢去做衡量指標
淘佬幾蚊隻爛膠錶，同江詩丹頓一樣都係錶，大家都係睇時間，可能淘佬睇時間仲準啲，咁點解有人要比江詩丹頓賺錢，買隻江詩丹頓佢mark up 3-40%
而家你嘅心態而家正正就係咁
你想計盡入面每一個零件嘅價值，然後得出一個結論佢只係值一萬幾千
我不停重覆講作為一個消費者應該要明白產品係冇好壞分，只有適合唔適合，唔係用佣金、酬勞、營運資金、公司利潤作為一個購買產品錨點
1個讚
先講期權，我諗你連我問乜嘢都未識，仲教人策略。對無知又以為自己熟悉嘅人討論好痛苦，期權就唔再討論嘞。散戶自己買賣乜嘢產品係佢哋自己嘅事，sell 一啲自己都唔理解嘅產品/策略比客戶，仲好意思話散戶唔識都照玩所以冇問題唔係重點，閣下專業操守好有問題。事實未必好聽亦會得罪部份人，不過有會員應該明嘅。
保險我有買，亦有都幾好朋友agent, 佢唔會sell 我嘢，因為大家心裡明白我買term life 自己再投資長遠對我利益最好。點解買低cost etf, 因為喺冇水晶球情況係最好策略。有水晶球嘅不妨揀市揀股揀時間，不過搵咁多錢又要諗下點花，又要sell 保險，時間安排上會有困難。
大家要搵錢過活我冇意見，我都要。保險理財sell 意見同服務，當比客戶意見/自己收入/客戶利益有衝突就係問題。所以我買term 嘅佣金我好樂意比，我同agent 講要麻煩你跟得咁小佣我都唔好意思，佢話大家朋友冇問題。買儲蓄投資成份policy 有兩年+供款去咗commission 同使費，咁點解我自己唔分散投資呢？agent 意見同保險公司服務真係值得個費用？agent 知唔知有對客戶財政更好嘅選擇？如果知點解唔講？如果唔知係咪唔夠專業？呢啲先係重點。
產品一定有好壞，就好似mpf 買港股 vs 我自己搵間低佣金又安全broker 月供盈富基金，mpf 一年收我1%管理費，我自己買接近同一樣嘢每年費用0.1%，30年後我退休mpf 舊錢比我自己嗰舊小咗30%，大家話兩者有冇好壞之分呢？買投資儲蓄保險亦係一樣，30+%差別就去咗保險公司。
如果有人問我理財意見，我會講我識嘅，因為完全冇利益衝突所以意見一定中肯，當然唔係實啱。唔識就話唔識。呢個係我同靠收佣顧問嘅分別。
學習好緊要，但要分清邊啲喺知識，邊啲係似是而非歪理。
我唔相信保險行業有大量詐騙情況，只係agent 自己都唔識，或者識但係講啲唔講啲，最要防係一班自己洗自己腦真心以為幫緊人，但係心深處收埋咗最終都係為咗賺盡為目的嘅一批。唔好對號入座。
2個讚
講得太好。
第一我冇sell 你我第一行字就寫住唔做生意，唔形成銷售
第二期權你只係講左一啲參考指標出黎外加期權本身用處嘅問題，你想我答哂你?下個post大家討論下囉啱唔啱，到底有咩策略睇啲咩指標選擇咩時間(咩散戶唔識都照玩所以冇問題唔係重點!!!冇講過呀!!大佬!!!)重點係叫你學習呀學習呀，我就黎暈底，唔好斷章取義OK
第三從來都冇話過你買term life有咩問題，客人要買我都好樂意賣，你唔使同個經紀講唔好意思wo，因為跟本冇野要跟，唔使服務，死左咪賠唔供咪斷囉
第四買儲蓄保險同指數etf唔係衝突黎，係資產多元，多元多元明唔明咩叫多元呀，第二個回覆已經講過唔係買世界各國嘅指數ETF唔代表你分散風險呀
你太多前設，點解自己唔分散投資？agent 意見同保險公司服務真係值得個費用？agent 知唔知有對客戶財政更好嘅選擇？如果知點解唔講？如果唔知係咪唔夠專業？
到底你明唔明資產多元係咩概念，你買左指數ETF係咪唔使買黃金，唔使買債券?儲蓄保險只係其中一樣
你用MPF比較我又同你講下對比，我用行業對比，有保險公司嘅健康護理基金，係全行獨有回報都唔錯嘅，我想問下你未來世界人口老化嚴重，藥品醫藥護理，大家都覺得大有可為，潛力巨大，你又覺得應該用到邊隻追蹤指數ETF呢
你用錯誤嘅方法買嘅錯誤產品，得出錯誤嘅結果，然後將錯誤怪責落人地到，咁做會唔會唔係咁好
你帶住隻江詩丹頓落地盤，爛左，然後就一輪咀鬧人地垃圾牌子仲衰過gshock又貴又垃圾品質又唔好，跟本重點係你連買嘅時候連佢用處定位都有問題
然後仲要道貌岸然咁講話人地賺盡你 
對於會移民嘅人，保單keep定cut嘅考慮點係乜？
謝謝分享！
移民嘅朋友我唔知你背景，我只能答你大約情況，唔保證100啱，人壽危疾儲蓄唔需要cut醫療就真係要考慮下，要睇你本身購買後有冇出現過因任何疾病導致有不保事項嘅出現，如果有就唔好cut，冇嘅話可以考慮
因為人人情況唔同，我做過有朋友移民，臨走都要喺香港買份醫療保險，我問佢你都要走，買黎做咩，佢話去到嗰邊如果真係有大病，我英文都一般仲要聽醫學名詞?我仲要病緊，真係怕搞唔掂，所以有病都會返黎醫，始終言語溝通上方便，起碼完全了解自己身體狀況
1個讚
可唔可以講下，講得好個位係邊我 
第一行就寫住練手，想學下嘢
TOT 即係年收入幾多呀
係咪啲細嘅賺咗已經有得分
我見一個TOT 搬咗靚屋
TOT係MDRT嘅業績6倍
COT係MDRT嘅業績3倍，你都仲可以密食當三番係咁追返黎
但TOT唔係努力就可以做到
搬靚屋好正常，應該樓都買到一層返黎嫁啦
同埋呢行好講包裝樓車錶，你冇!唔好話有冇人跟你搵食，連單都唔一定有人同你買，客見你咁霉都唔覺得你唔慌做得耐，仲點會幫你買，其實係好現實嘅事，馬太效應係完美程現係呢行入面
冇人會因為你做到隻狗咁而選擇跟你工作，當你努力求存行到底褲都濕埋嘅時候，你個客反而覺得你霉，唔想同你買
1個讚
係咪真係咁好搵, 見d fd 成日話請人 又fb post 拎獎食好西
所有都係睇你決心同你思考夠唔夠正面，你本左條命出去嘅你做唔到MDRT你可以返黎搵我
成日比人鬧呢D死agent AA狗剩係識呃人買埋個垃圾單，咩說話都會聽到
係條街做下road show都會比人趕，行過仲會睇唔起你用歧視嘅眼光望你，幫佢地整合下個MPF都會覺得你呃佢
如果心理唔夠強大，冇咩人脈，你會好辛苦，但唔係話你唔會成功
你睇我上面都係咁比人攻擊不停單打，但我都要慢慢覆佢
但你捱到過左，望返轉頭又覺得一切都唔重要
仲好多謝呢D人嘅冷眼惡言，始終你嘅環境如何，你的力量也必如何
2個讚
咁我明喇
一般人搬靚樓未必會擺上網show
但做保險就一定會，好似你咁講，所謂人靠衣裝，靚車靚樓靚錶呢啲就係基本嘢
我唯一前設係我冇水晶球，唔知點揀市揀股揀入市時間，更唔覺得我對出年利息幾高幾低睇法對我投資回報有乜正面作用。前設都係閣下比較多。
我講嘅都係針對支出，賣保險一定會好強調複式增長，而支出正係複式負增長。不論市況升跌，股，市，時間啱與錯，都係複式負增長。有人問我點揀產品我會先叫佢睇下expense ratio, 保險係好例子因為支出極大，除咗成間公司營運仲一簽單agent 攞一大舊，銀行買基金都係一樣模式，不過銀行分多啲，客戶經理小啲。揀股揀市揀時間因為大家profile唔同，我唔敢介紹，所以大路各類etf 大致冇錯。投資金額夠大嘅自己砌返個指數出嚟，連小小基金管理費都慳埋。唔好睇少雞碎咁多，複式又複式之後就係好多錢。
期權亦然，每次買賣行使被行使都係expense. 結構越複雜嘅產品呢方面expense 越多，長期回報亦傾向越差。
我講股市etf 只係舉個簡單例，大把債權，貴金屬，商品etf 可以揀，前提都係先睇expense ratio 同流通性，即係我有需要套現有幾容易，呢樣保單9成9好差。
可唔可以介紹下保險公司健康護理基金每年expense ratio呢？定閣下都唔知？Google health care etf 第一頁有超過10隻，花小小時間睇下expense ratio 冇幾難啫係咪？
講漏咗保險公司仲有一項支出，就係請一班”專家”定期同agent 上堂，教啲似是而非嘅理財概念。閣下下次上堂可以問下如果個客聽話80蚊買咗Tesla, 賣個100 蚊covered call嚟對沖，點知股票升到150蚊比對家行使咗，追唔追買返正股好呢？呢樣正係針對閣下嘅前設，我唔識有乜嘢方法用期權長期穩定咁增加回報，所以請教下。
突然咁好禮貌唔係好識點接返你
賣保險一定會好強調複式增長，而支出正係複式負增長。不論市況升跌，股，市，時間啱與錯，都係複式負增長，呢到我唔明你係想講咩類型嘅保險係複式負增長呢?
我地講保險流通性，我唔知你對保單套現有幾熟識，但可以講下，而家市面開始好多保單逆按，咩保單變長糧，投保人可以將人壽保險的身故賠償作為抵押品，個個月攞年金，你又可以成張單攞去銀行借錢，再唔係將佢surrender攞返入面嘅錢，但要D時間，如果你要好似股市咁立刻變錢確實唔得嘅，但你都要T+2啦
講ETF我唔係屬於嗰間保險公司我真係攞唔到佢個基金單張，但你可以問下你個好好朋友嘅經紀，邊間MPF做藥物護理基金做到出哂名，叫佢攞比你睇下
你所謂嘅請專家上堂，點解你會覺得佢可以同你講covered call呢?唔關公司業務嘅野，佢點會同你講
仲有我係講對沖對沖對沖唔係用期權長期穩定咁增加回報，coverered call呢個字係你回覆我嘅時候首先出現我一直都係講對沖對沖對沖你可以對沖你個人持股，亦可以鎖定利潤
同埋比小小意見你一般做coverered call唔會用隻一日上落可以超過10%嘅股票，除非你一兩三日結一結日日望到實，不過我諗你應該都好熟嫁啦 
係!但我唔覺得呢個係一個好現像，而家香港保險業搞成咁好大程度都係因為個個都要衝大頭，咁個客先會buy你，銷售一定要由上而下咁做
但偏偏就冇人理D默默耕耘跟住個客去埋醫院，零晨四五點都打黎叫你幫佢約醫生去醫院，check到有咩事陪佢搵一二三四五六個嘅醫生，比較佢地嘅醫療方案
然後post上facebook ig又話佢地hard sell又話咁辛苦點解要做保險~~~唉
咁就要睇你移去邊同有咩單啦，香港簽嘅保單係環球性，無論係邊度都一樣獲得賠償，除咗住院保障，另外就係稅務問題要考慮
其實保險同基金各式各樣，好多唔同組合，真係好難一語敝之。
好多時，問題出咗，多數唔係産品嘅問題，只不過，當買時，被人誤導咗又好，自己認識不足又好，到需要時，好容易落差好大。
我一路都好客氣，可能講咗啲閣下唔啱聽嘅老實話你覺得我冒犯你，所以攻擊我卦？好似你話戴靚錶去地盤整爛，我認真唔明同我所講關於保險/投資產品expense 有乜關係，究竟想表達啲乜，有啲語無倫次。
Covered call 係回應閣下呢段對沖下，識教人用期權對沖，你唔會連呢個term 都唔識卦？？
你買aapl你都唔會二三百股就咁擺係到啦，你點都會做個期權對沖一下係咪，你而家出社會做野賣命賣時間，你自己都唔對沖一下自己??
教人用期權但唔熟悉期權運作，呢樣叫冇專業操守。
點解要咁強調對沖對沖對沖？對沖一定賺定或者一定減少虧損？大把金融產品沽空，預知價會跌點解只對沖唔直接沽空？又係似是而非策略。如果對沖回報係0和，但係expense 肯定係負回報咁對沖嚟做乜？你又想有股市exposure又想總回報穩定啲買小啲放多啲cash 收息咪得囉，使乜買完股票又搞東搞西對沖比佣蝕差價？呢類財經jargon 小用為妙，呃下唔識嘢嘅可能覺得你好勁，對住識嘢嘅出醜，最怕呃埋自己。
所有同份保單有關嘅expense 都係負回報，負回報越小正回報就越多，越簡單嘅保單expense 越小，淨低用作投資嘅回報就越高，咁講應該夠清楚。通性唔講嘞，因為保單本質唔係用嚟隨時套現，成本高係一定，只可以話係考慮範圍。
護理基金，我冇興趣，因為又係有水晶球前設，我冇水晶球預知隻基金未來表現，我只知道如果expense 貴未來回報比較大機會差。你前設知道基金未來表現已經冇再討論需要。
越講越離題，都係總結返個重點。保險係有需要嘅，保障/投資/儲蓄分開，幾樣嘢溝埋，多多複雜名稱嘅計劃expense 一定高，相對回報一定差。agent 好傾向推銷呢類計劃 (拿唔係指明話你)，因為佣金最多，屬於利益衝突。理財做下功課問下人，自己消化下，學你話齋不停學習係好事。
老公個大嫂轉左做保險(約有6年)，又係成日post 公司野及攞獎的相。收入應該不錯，上年買私樓兼送個女去UK讀大學。