賣基金單，要攞好多牌，好似都難攞？
視乎產品，年期有唔同，好難講邊D好賺
1個讚
唔好講人工了 
最緊要係贏投資時間回報比 
基金真係最吊鬼嘅，你考左牌又唔代表你識，考左代表你識賣，唔代表你識經濟，你行出去十個保險經紀，十一個都答你唔到美聯儲仲有幾多次加息會議，而家到下年年中市場預期息口係幾多，經濟下行嘅風險有幾大
你自己提先
1個讚
你個問題，連 Mr. Powell都答唔到你
答到，只係冇肯定答案，但而家賣緊基金單嘅人，係唔識，所以如果你經紀答得出呢D問題，好好珍惜佢，起碼佢專業過出面三萬人
其實都係「財經新聞」，有睇開嗰啲人大慨都答到，唔關考牌嘅事。
唔可以咁講，香港炒股有幾多人，我相信識睇趨勢平均線嘅人唔夠1%，連市盈率呀都唔係好識睇，財經新聞都成日講嫁
識金融，賣儲蓄住/投資單，又sell 客戶買 == 老點客戶。因為份commission 喺客戶身上攞，街外一定有比較平嘅選擇，agent 賣嘢有利益衝突係必然。要保障一定係買完全冇儲蓄成份嘅term life, 瓜老襯先有得賠嗰啲單，襯後生身體好嘅時間買好平好平，agent 份佣亦係最奀，所以大部份agent 都會大把理由唔建議客買。有多餘錢自己投資，最簡單係分散買各國指數etf， expense 可以低到一年0.1-0.2%。唔好睇小支出，30年後錢可以箱差一倍。
至於醫療就自己睇需要，身體正正常常嘅壯年患絕症小之又小，特別係驗完身保險公司受得您張單都冇乜有錯（公司group medical 係另一樣嘢）。到年齡有返咁上下開始中高危保險唔受又或者貴到嘔。嚟嚟去去都係sell 恐懼。
唔啱聽唔好介意。
1個讚
香港好多人炒股只係聽Number消息 及 銀碼 （入貨出貨價錢）
市盈率PE對佢哋來講都只係虛數。
重點係那隻股當炒，就（搭棚）。
1個讚
term life係會加價嫁，你後生買份冇儲蓄嘅危疾同一個保額，你到四十歳貴左一倍以上，所以儲蓄危疾一定係後生做，咁你就慢慢一路供幾廿年都係同一個價錢，唔好搞亂
各國指數etf我就唔認同，你買中國同恒指，真係會得個吉，講ETF黎黎去去咪又係VOO
，我自己都有買，咁但係，係咪全部都要呢D呢，資產多元係呢一年其實係充份體驗到出黎
醫療保險，你話係sell恐懼，我絕對認同，有人會唔恐懼去買醫療保險?你覺得自己身體健康，我叫你攞一蚊出黎買你都覺得多餘，但你會知你幾時需要咩?醫療保險其實同買期權對沖係冇分別
你買aapl你都唔會二三百股就咁擺係到啦，你點都會做個期權對沖一下係咪，你而家出社會做野賣命賣時間，你自己都唔對沖一下自己??
Agent 又變咗講股人。
Term life 有分年期，買5梗係5年後加價，買30年或者買到75歲咪鎖住保費囉。做得agent 一定有大把理由唔建議買term life, 上文講咗，因為佣金真係好奀。
買各國etf 係分散投資有冇聽過？我知邊個國家邊間公司股票表現好就唔得閒喺度打字啦。
Medical 我話咗係睇個人需要，冇話唔值得買。
一間保險公司由agent, underwriting, CS, 會計，IT, 精算，股東賺錢，全部都係靠啲單養，越多複雜嘢嘅單就越賺錢，呢個係定律。
我見你講開etf諗住投資角度你會易D明白渣，你鐘意我講水險火險我都得嫁
你講Term life 後生嘅時候有邊個會幫自己買份Term life人壽，死就死啦(唔知點解後生好睇得開，我都係咁)，而我亦都冇話反對你個觀點，每個客人有唔同需求，好多人會買份儲蓄嘅人壽再摃捍，咁唔通因為經紀有佣金所以佢地唔做，銀行有利息收所以唔問銀行借?(如果你只係著眼從產品入面中間人所得到嘅佣金多少而決定呢個產品，適唔適合你係絕對錯誤)同埋我只係講埋儲蓄嘅危疾同冇儲蓄嘅危疾分別，唔好搞亂
各國指數係分散投資，但一定唔係分散風險，今年上半年你除左投資商品市場，美國國債，或者儲蓄保險，你個投資戶口都幾難唔係見紅，每一個產品都係有佢作用，但你買哂指數基金就一定唔係分散風險，你只係將你嘅錢分散係地球唔同地方，當美國咁樣加息，對全世界嘅影響都一樣，咁你又點買各國指數分散風險呢?( 分散風險定義係資金分配在多種資產上，而這些資產的回報率相互之間的關聯性比較低，以達分散風險的目)
對於我黎分散風險嘅定義係要有一定反向作用，呢D我先會稱之為分散風險，而唔係買D美國買D中國買D日本，南美洲發展幾好又買D佢地嘅指數etf，呢樣我諗係我同你嘅唔同
保險公司賺錢原理我諗大家都好明，其實保單完全唔複雜明買明賣，你出事係咪要claim?你買個私家房計劃保費一年萬五蚊，你住一次私家房閒閒地都十幾萬落樓，你買份危疾一百萬保額三千零蚊一個月，出事嘅時候，攞住保險公司要求嘅病理報告比佢，佢就賠比你
有咩咁複雜?
如果你係因為保險公司賺你錢而唔開心嘅，咁你有冇諗過賺返保險公司錢?你大可以買完份私家房嘅醫療然後買返有穩定高派息回報比率嘅保險公司對沖返自己嘅醫療保險，再用期權鎖定你嘅回報，連期權金都賺埋
產品從來冇好同唔好，係只有嗰個人識唔識利用，保險同人生一樣都係講求對沖
阿股神，期貨神，我只係話比其他會員知保險同所有金融產品sales 嘅佣金都係靠佢哋賣嘅產品嘅複雜性掛鈎。而保險agent同背後整間公司嘅營運都係靠啲單養，所以越買得複雜對客戶嘅cost就越大，即係蝕越多。需要“人命保障”最好係買term life. 醫療睇自己需要。所有其他單都係為commission 同公司賺錢。咁點解我唔買返啲保險公司股票對仲，記住複雜性越高使費越打。又股票又期權又乜又乜，最開心係經紀。
您有本事又sell保險又sell 投資技巧又sell 睇市概念又sell 揀股係你嘅事。我以上都唔識，不過保險金融世界運作同sales 點坤客我識小小，依家資訊流通，有小小只識嘅上網問下人，做下功課，唔使比人坤得咁甘。唔好對號入座。
“其實保單完全唔複雜明買明賣”
賣嗰個都未必知自己噏乜，知唔知點解commission 係賣單頭一年最多，然後每年遞減（有啲類型嘅單first year commission 接近保費）背後點運作？
講多句期權，所有期貨都係0和遊戲，即係你贏，必有對家輸。語氣重啲，任何有integrity 又識期權嘅人都唔會建議“散戶”玩。點知自己識唔事車，問下自己價內/價外/價中間期權delta/gamma喺市況波動同淡靜嘅關係變化，識嘅，又知都點解我咁問，你適合入門trade option 嘞。
唔好又嚟做財演教人買covered call “所謂”鎖定利潤嘞，咁好嘅策略點解有對家受，乜唔係0和遊戲咩，邊個咁好送錢比我？期權長期賺錢嘅只有某部份科學家同莊家，其他人仕每次買賣都輸差價，長玩長輸，贏3幾次係為以後輸大鋪路。
因為做保險無左幾多朋友？
3個讚
可能保險呢行為你帶黎一啲唔好嘅經驗，我為你感到抱歉
你成日話產品複雜，但你嘅討論點就放喺經紀佣金上面，而唔係理財保障個方面，你會唔會搞錯左重點，你購買產品，唔係著眼自己用唔用得著，有冇需要，能力負擔同理賠嘅問題。而係著眼人地賺左你幾多錢，收左幾多佣金，點解你可以有佣金，點解要比錢你賺等等
如果你覺得（坤）你，呢種情況係存在嘅，我建議你立刻作出投訴，千祈唔好啞忍，唔好比不良嘅風氣存在
而家我地每賣一張基金單，都有售後嘅同事打黎同你講我地賺取幾多佣金，法律同規則亦都越嚟越完善同收緊
我提出嘅對沖嘅方法你可以話唔識，但其實學習都係人生重要過程
外國每個散戶都會投資期權，唔係科學家專家莊家嘅專業黎，只係香港咁扭曲係都要買牛熊渦輪，可能大家都鍾意賭錢，但券商賺你錢就冇仇恨？唔通散戶又識睇引伸波幅？價內價外？到期日？投資股票嘅散戶係咪又識睇市盈率，派息比率，同公司現金流呢？但呢啲跟本都唔係重點
重點係點解我地唔能夠學習呢？如果你覺得covered call呢個策略係唔啱嘅，我想問你會用咩方法黎對沖自己心儀股票嘅風險呢？
其實係你帶出etf投資策略先，我只係指出你嘅問題同用投資做例子加上方法，我唔係財演股評人，只係喺呢方面我得著好大，亦都好願意學習
好問心，喺多左朋友，無論整合MPF，勞保公司醫保mpf，再到個人儲蓄投資，都會問我意見，唔幫襯其實冇咩所謂，你覺得我賺你佣金唔舒服，但到出事嘅時候叫救命嘅大有人在