BB 2020年7月出世，之前有同爸爸傾過，唔想小朋友咁細個就有讀書壓力，所以黎緊先打算同佢直接報K1。依幾日n班開學，媽媽谷d媽咪好似好出奇我地無報咁，即刻覺得自己變左做一個唔稱職既媽媽，我地屋企附近有間學校，識人係入面做問過仲趕得切入去讀，應該報嗎?
返N班唔會咁快有讀書壓力個喎，Ｎ班係學習群體生活，自理能力。
反而做父母係出面搵好多外補俾小朋友先係你老公所講嘅壓力。
2個讚
我女岩岩讀完N班，我覺得值得讀呀，小朋友日日返學校好開心，又唔駛溫書做功課，唔會有壓力啦
1個讚
睇你選擇咩N班，名幼N班我唔太清楚，但如果係劵幼N班，佢哋多數係一齊玩，學吓自理咁。
我仔嚟緊9月上N班（同你仔一樣2020年7月出世），實際情況我未係好講到出來，但簡介會見學校都係安排吓美藝圖工等時間比小朋友。
N班唔一定要讀，因為有d人覺得小朋友太細，抵抗力低會易病。其實如果自己湊，我覺得唔洗讀呀。
BTW，我小朋友有讀，因為唔係自己湊，小朋友都開心既，但一個月病一次
(不過都幾年前既事lu)
小朋友咁細唔需要學d咩學術野，反而放多d少少時間培養閱讀興趣，真係終身受用。
2個讚
其實應該仲有唔同學校可以考慮，我覺得你唔駛心急住，可以先了解一下學校的日程，睇吓適唔適合自己想行個套教育理念先。
我一個小朋友有讀，一個無讀
有比較下，讀係好啲，n班係返去適應學校規矩，排隊，群體活動，比留喺屋企開心，多姿多彩，唔會咁快有功課壓力。
如果工人，四大長老湊，更加建議讀。
6個讚
我反而覺得唔需要咁諗
雖然我都同意讀N班係俾BB早日適應群體生活同學習自理
但係聽聞幼稚園要打兩針先可以上全日
我唔知N班係咪都係咁
同埋好似要做日日番學前快測
全日唔知，半日班唔駛打針，係日日要做快測
1個讚
如果獨生仔女最好返N班, 開心好多
樓主, N班非必需, 唔好比人影響到
講笑咁講, 我屋企人一向聲呼果D媽媽谷做"萬惡嘅媽媽谷" – 話一切無謂嘅比較, 消費都從此來
3個讚
目前最新消息係仲等緊社署指引，而家N班全日制都未需要打針住。唔知佢幾時更新指引，最好就做慢啲啦⋯⋯
半日就無論係N定K都可以唔駛打。
1個讚
唔好人做我又做，睇下點做先最適合小朋友。上面都講得好清楚，有d情況下返n班更好，但又唔係絕對。
對於我來講，放小朋友出去多d接觸其他人學下自理規矩係好事，而且無功課，又多閱讀計劃，完全無壓力。
但如果話小朋友自細多病痛，或太細b， 想遲d先都無話唔得。
而且有無target 什麼幼稚園讀k?想讀出名或者區內熱門既話個d小朋友都早train定。但讀n可以有priority 直升，咁又少左煩惱。
2個讚
我覺得讀左好D, N班都係學下規矩同社交生活。D女仔已經識得打小報告XD 話今日邊個被老師罰/邊個跌倒 XDD
無論番唔番, 假如你對小朋友期望好大, 其實都會係一種壓力。
我2個小朋友，一個有返n一個冇，返n果個會成熟d知分寸，行為冇咁bb，冇返果個就幼稚d，始終有群體生活會好d，學下規矩
都好睇大B定細B, 我覺得大B最好返下, 否則佢會好悶, 細B最好唔返, 咁細個都未必坐得定。
不過又唔知到時會不會用zoom, 所以報黎都晒氣
我都考慮緊（我果個出年先n），一陣變zoom n班即係我自己做野
兩個都無讀，兩個都無事無幹讀K1讀小學
其中一個仲要K1時就好似大姐姐咁幫老師喂其他小朋友食茶點…
1個讚
普通N班無咩壓力, 功課都係畫下線, 填下色, 做下勞作, 我小朋友個性內在怕醜細膽, 返咗學真係好D, 主動咗, 講嘢多咗, 紀律自理好咗, 我覺得如果雙職家長/獨生子女就返N班會好D, 同輩影響有時比自己教更有用
1個讚
讀唔讀真係好個人。
我朋友個女無讀，一樣安然無恙讀K1。
我仔當年有讀，但撞正疫情，讀咗2個月實體+2個月zoom，最終退學。
我覺得而家讀唔讀N主要考慮嘅係如果又停課會點，啲學費同掉落咸水海無分別，上zoom仲要辛苦自己。我會寧願帶佢出面番吓興趣班好過。
1個讚