N班的確係非必須,除非家長真係冇空陪伴冇得好講. N班亦可以講為了又可賺多啲錢顯生出來.
想小朋友成長好,將來學習好,父母親其中一方多啲陪伴多啲向小朋友講野多啲講生動故事已足夠(當然肯定會比較勊同冇咩私人時間)
我個仔今年升k1, 上年疫情都費事嘥錢報N班，今年只報左兩間幼稚園兩間收曬
- 創價
- 民生
近年疫情下，好多人介意返N蝕學費，亦好多人擔心呢個時期返N易中招，所以相對N易入左。
幾年前N依然學位唔夠，一來真係對考K1好大幫助，二來返N預左只係學吓返學規則（排隊嗰類），兼日日有老師陪玩，我覺得N係好好嘅。
我大女有返N，細仔考唔到N，咁出面搵私人playgroup返足一年接力返K1。
反而從來未聽過返N有讀書壓力，基本都冇乜學術，主打唱遊、手工、食茶點、排隊去廁所咁啫
1個讚
我仔獨生，有返n。除左學同小朋友相處（第一日返學就見到阿仔搶人玩具），都想佢返間英文幼稚園識多少少英文。
就算疫情，我仔都冇退學n班。阿仔超鍾意睇學校videos, 到而家升k1都仲晚晚睇。
題外話：我自己part time疫情中讀完幼教。雖然我唔會入行，但見到好有heart又多諗頭的私校幼師同學們要被動地冒住減薪的風險，都諗住阿仔繼續zoom住為學校付出少少。當然個個家庭的經濟狀況唔同不能一概而論。
我朋友個女讀N,病左半年…
我女K1先開始讀,都病過1個月…
一個月一次算少，我阿女當年係個個禮拜請一兩日病假
但過咗第一個學期就好好多，到上K1時，由病假日數就估到邊d同學有上N班
係，由其如果得工人，比佢哋同其他小朋友學下相處仲好。
做媽媽，係小朋友成長過程要清楚咩嘢點解做點解唔做，唔係人哋講兩句就動搖。
你知唔知N班for what? 對你嘅家庭有冇用？
你係要睇下小朋友需唔需要n班去配合佢發展。
好似我細嗰個小朋友，佢好早就知道大家講乜，人地返學，佢又想返，鐘意學野，咁我就幫佢補n班，等佢唔使在家對面四面牆同工人姐姐。
但如果小朋友未ready ，咁就喺屋企留多一年，n班唔係必需，返左唔岩都可以早一個月通知去quit