我依家住係美國，細個中三既時候移民過左黎。
舊年5月既時候， 我屋企人突然過左身。 我老公（當時仲係男朋友）好好， 決定過黎陪我渡過呢個難關 、黎支持我。佢同公司請假黎左美國，又機緣巧合再加上21日隔離之下，佢屋企人都支持佢留低既美國試下生活。香港既環境唔太樂觀，佢父母希望佢可以留低，所以我地就結左婚、幫佢搞綠卡果啲。
呢次係我老公第一次黎美國，佢好唔鍾意，佢好掛住香港。係香港，佢唔係專業人士，做personal trainer ，做得都幾好，聽說都搵到幾多錢（具體數目我冇問過）。佢係香港有供緊一層樓，父母仲係香港住緊。佢覺得唔甘心，如果係香港既話，佢覺得自己可以好容易成功，可以容易啲搵錢，可以照顧到我。係美國呢一年，佢有做過一陣奶茶鋪同茶餐廳，果陣都搵到啲錢既，但佢過唔到自己果關，所以佢停左一段時間，冇幾耐前開始自己freelance PT，都搵到幾個客。可惜堂數唔係好多，所以有時收入都唔係好穩定，冇辦法供樓。佢成日覺得鬱鬱不得志，覺得美國既市場同香港唔一樣，有好多人種但佢英文唔夠叻，同美國好大，佢去freelance去唔同既場都幾花費時間。佢香港既舊同事又成日撩佢返香港開gym（本身係香港既時候就有呢個打算，但因為我黎左美國），所以佢好想返香港向上爬、搵錢。佢覺得唔公平，佢放棄左所有野黎美國，而我仲係果個繼續原有生活既人。佢成日覺得，以佢既能力係香港繼續係最容易既、最好既，同我去香港搵工生活會比佢黎美國容易。
佢係一個都幾自我既人，佢有自己既一套，佢覺得男人就係應該要搵多錢過個女人，要擔起啲責任。我有時都唔知點安慰佢，但我係感覺到佢唔開心的。係美國，佢慢慢有左一啲朋友，可以好似係香港咁去做gym去踩單車去游水。我以為佢慢慢會接受美國，但我都唔想push佢去搵錢（我自己有返工，經濟唔算有負擔，自己係美國都供緊樓），去返下其他工，甚至乎去認識下美國既gym culture，話唔定可以係美國開呢。有時睇到佢Instagram 成日話自己好唔開心，好想返香港，好點點點，其實我都會唔開心，會揦住揦住，但我唔想面對或唔想嘈，就咕一聲吞左佢就算了。好希望佢有一日會鍾意美國，會習慣到，會適應呢度既生活。
3+4終於都到左，我知佢諗咩既。佢話佢想返香港，我話係咪返去玩，佢話佢想返去試下做野生活。佢知我唔想返香港生活，因為屋企人係美國、政治、生活質素、天氣、人口太密集等等各因素，佢提議我地分開生活，搵到錢既話時間距離都唔係問題，可以定期見。
我唔想咁樣，我覺得咁樣結婚好悲哀。我知佢都好掙扎，因為我。但我都覺得我地呢一年，因為佢返唔返香港做野而有個避而不談既問題，但呢個問題一直都影響住兩個人既心情生活。
我地感情冇問題，我地依然覺得對方係彼此想行落去既人。但我對結左婚，分開生活到唔知幾時既方案冇信心，我都想有人可以照顧我，有人可以每日分享生活。我地未有小朋友，佢麻麻地有小朋友，因為香港既環境唔太好，但我會覺得可能遲早都會有小朋友，隨緣啲。
你地覺得我應該點好？我暫時2年內都冇辦法返香港，因為讀緊MBA。可以既話，我真係唔想返香港生活。唔想老公會怨我一世，更唔想有一日離婚收場。
我係咪真係應該俾佢依家返香港試兩年，不到黃河心不死，到時邊個搵多啲錢就去邊度生活？定我應該強硬啲，勸佢死左條心，係美國繼續生活，一路做自己鍾意既PT一路做其他搵到錢既散工？定我應該由得佢返香港我留係美國，兩個人見步行步？定我應該係兩年後返香港就算？
1個讚
我都係住美國,講真喺度做校工都要去community college讀書有文憑先做得,所以你不如叫佢去進修下搵返啲專業嘢讀下,好過靠炒散搵唔到好高人工
嗯…… 佢有佢嘅夢想，你有你嘅生活，夾硬捉住佢喺身邊佢唔會開心，另外你唔比佢做其實佢可能會怨你一世，依家關係好哋哋就話無嘢啫，唔難保第二日關係轉差時佢會攞住呢個point 嚟話你。
咁當然啦，反之亦然，相同情況apply 喺你身上亦一樣，你夾硬跟佢返嚟香港生活亦唔見得會開心……….如果我係你，我諗我會問清楚你老公係咪真係想返香港生活同埋亦都清楚講述自己嘅諗法感受比佢知，再大家一齊商討下，兩個人嘅生活其實係要互相遷就，如果大家企硬，咁唯有放手一搏，比佢返嚟香港試吓，大家long d 囉，反正佢唔試唔會心熄。
不過如果比我，我喺美國住開有綠卡又穩定工作，我都唔會想係香港生活，多口問句，你老公係咪港豬
4個讚
我老公都係咁，佢係香港有自己生意，又係放唔底錢同心血，覺得移左過去就乜都冇哂重新開始。
而家我地暫定唔用bno，下年我陪細路過英國讀書，佢自己留港，每年大家放假2邊飛。成件事我都覺得好不安。
你老公有生意喺香港就話啫，但樓主老公喺香港只係做PT，分分鐘仲要係收入不穩嗰隻，仲話返嚟香港同人夾份開gym, 我真係覺得危危乎囉，佢老公有心有大志嘅其實應該係美國進修下考下PT 牌， 分分鐘美國做PT 仲搵錢過香港，講真，英文唔好呢啲問題，住多一年半載就無問題㗎啦，日常溝通咋嘛，又唔係叫佢寫論文
不過我睇樓主寫嘅嘢，估佢老公應該係嗰啲覺得自己懷材不遇嘅人，唔比佢試實唔心熄同可能會怨樓主一世，咁不如依家放手比佢老公返香港搏一搏囉
22個讚
點解你哋當初會結婚嘅？
你老公如果係覺得男人一定要搵錢多過女人
6個讚
其他相識時大家應該有傾向結婚後點打算，無可能而家先傾呢個問我，再者，照你咗講，不如離婚各行各路好過
4個讚
佢知唔知道，呢兩年香港因為疫情，健身室被立令停開幾個月，
23個讚
真，同埋香港做PT根本就唔係想像中咁好搵，我成日都覺得好搵嘅PT 通常都係不停sell 人買course 嗰啲
7個讚
佢都嘗試過唔得都冇辦法，可以等2年，再多就不了，女人青春有限，我會放生大家
1個讚
Merck
2022年08月10日02:56
11
恕我直言, 夠愛大家嘅話, 呢件事唔會發生, 如果我係你, 我會LET GO
我諗到嘅, 反而係因為HK多姿多彩, 朋友屋企人喺晒度, 多過因為PT搵到錢
9個讚
我覺得…你哋應分開
6個讚
我懷疑樓主老公係港豬
21個讚
其實如果你係美國人, 佢又拎到GREEN CARD, 我覺得返香港唔係大問題, 唔對路再走都OK
BTW…香港做GYM既生意, 我亦唔覺得係一個好主意, 不知幾多教練都搵唔到食…
2個讚
美國點好, 都唔代表樓主老公要鍾意美國既生活, 人人追求既野始終都唔會一樣。男人想揾多啲錢養老婆, 換個角度睇都係有上進心既表現, 唔通日日唔做野等老婆養好?
既然個老公想返香港博一博, 樓主又讀緊 MBA, 比2年大家試驗下未嘗唔係好事, 趁後生未有小朋友, 各自各係事業上衝刺下。緣份既野好難講, 正如之前樓主定居美國都識到住香港既老公, 或者2年後大家心境都唔同左, 問題自然解決左
見到樓上話美國做 PT 要考 cert, 樓主又可以提意下老公係香港一邊攪 gym room 一邊考 d 美國認受既 cert, 為未來鋪路
11個讚
如果係我，我會比兩年時間大家，佢唔試唔會心息.
我自己情況有少少近似。男友外國人，因為肺炎long d左超過兩年，近來我去左佢嘅國家一齊生活。我類似你老公嘅角色，來到陌生地方男友都好照顧我，因為語言不通，例如要去申請戶口之類佢都會陪我，佢亦唔急住要我搵工賺錢，但我總會覺得唔好意思，唔想一路好似好廢咁，你老公係男人可能呢種諗法會更加強烈。
11個讚
放佢返香港啦！撈唔掂自然會返嚟，但依家你夾硬要佢留低，怨你一世吖
4個讚
，計計埋埋，點都係喺美國好過返香港
