下次佢講要返黎時就贊成啦，無病呻吟果d會淆底，真係想走果d會行動。
long d一排大家都覺得唔需要對方就離婚，最好o係綠卡出到之前就離婚喇，廢事益左d懷才不遇既幻想家。
8個讚
試兩年，如果都唔得就一係你讓步一係分開
呢啲問題其實應該結婚前傾好
小朋友唔好生住啦，都唔知之後會點
3個讚
身邊有幾個朋友/同事年輕時為愛情結婚，女的專業人仕，男的年輕時有雄心壯志，但礙於無條件，人到中年仍以為自己懷才不遇，一日怨天尤人無所事事，供樓孩子供書教學的擔子都在女的身上，非常辛苦。
幸好男的都沒再發老闆夢，否則女的積蓄都要被賠進去。
樓主現在讓老公自己回港，代價不算太大。
1個讚
我bff 個老公喺 某東南亞國家(native唔係講中文 or 英文)嚟嘅 freelance PT， 老實講佢哋呢個圈真係喺香港可以撈得好掂，人口夠密習，夠多有錢expat 同埋 上等人需要呢啲貼身服務 ，地方距離又短 ，一日跑幾場 都得，移民真係要轉行先得
1個讚
我都係住美國， 完全明你老公點諗。 俾兩年佢試下lor, 如果老公生意成功，係開心事。如果唔成功， 佢自然會返美國。
呢點最麻煩
面對現實
兩夫婦總有一個要讓步，唔係你就係佢
勉強你返香港，或強迫佢留美，總有一個會怨，怨氣累積到一定程度就會爆
今日就話感情穩定可以維繫，過多幾年就唔知得唔得
當然，爆之前你可以搵辦法增加老公係美國收入，佢搵多D可能心理狀態會改善，無咁抗拒美國
不過佢宜家都propose緊 long D marriage，就算有方法，都未必再有心為留美努力
所以你都係認真評估下係留老公係美國被怨，定自己返香港怨老公
唔好幻想有日你地是但一個訓醒會突然轉性，而收埋個問題啊
1個讚
感情問題一律建議分手
7個讚
咁柴米油鹽都係要諗嘅
大男人無所事事佢又唔想
首先樓主唔需要過份自責先，唔需要覺得個老公係因為愛你而留係自己唔鍾意嘅地方。
咁大個人唔可能乜都賴落人地到，話乜都我係因為愛你而委屈自己之類
其次，既然樓主同你老公之前拍拖都捱得過long D 不防俾機會佢返香港自己試。
但其實哩個世界上邊有咁多懷才不遇啊，你係有料嘅，去到邊都可以好好生活到。
你又冇可能返香港，你老公又實會鬱鬱不歡，何不趁未有小朋友早啲放生大家，涼薄啲講一句，你老公因為咁有張綠卡，對好多人黎講算係贏家
比佢返香港佢會甘心啲，愛情接受一下考驗先寶貴
1個讚
婚姻綠卡只有三年有效期,三年後轉公民,但係如果離咗婚張綠卡失效
1個讚
其實望住老婆咩都好過自己, 自己咩都唔順利, 有差距, 好難唔灰, 即係唔叻的細路碌左入名校, 好難怪佢想轉校, 應該無人enjoy自己係另一半的負累, 縱然另一半唔介意
2個讚
唔知如果個老公返咗香港但又冇離婚，咁樣仲可唔可以轉公民？
聽你咁樣講完，我更加覺得樓主應該要俾佢老公返香港試
你老公唔知一個covid + 正苦爛政策搞到啲gym收晒皮咩？你老公有冇能力唔敢講，但似乎冇咩做生意既sense…
5個讚
你老公知唔知香港而家咩狀況先？身邊好多人唔係為國安法而走，係為防疫措施而走
咁被佢搞一搞就三年，再搞下就五年㗎喇，極有可能
如果佢堅持就由佢返去啦
1個讚
佢朋友叫佢返香港一齊搞生意
聽落好伏
樓上有唔少人提議樓主俾老公返香港試下，衰左自然會返美國
問題係佢依家未衰過都已經咁自卑，真係衰左可能完全無面見樓主
1個讚
佢有冇積蓄？開間gym room, 成本都唔平
聽落返香港做生意只係藉口
佢係唔捨得香港既一切
香港生活多姿多彩，佢未甘於平淡
唔鍾意美國生活就唔鍾意
冇得勉強
正如樓主你鍾意美國多啲
大家價值觀似乎並不一致
3個讚
都係㗎，但邊有辦法，好難令佢甘心
婚姻綠卡有兩種 ：
1）結婚滿兩年 - IR1 visa (十年有效期，滿三年可以申請入藉)
2）結婚未滿兩年 CR1 visa Conditional Residency Visa (兩年有效期，婚姻滿兩年後申請轉為 IR1 visa)
如果唔係虛假婚姻， 係可以申請入藉。
1個讚