疫症呢兩年,請工人請到一肚氣,一個突然間返鄉下、一個捉到出面接客、一個又跳工,之後請到宜家呢個。我請工人主要係照顧我個仔,唔使買餸唔使煮飯,只需要做下基本家務,提供一個獨立房間、獨立廁所同獨立雪櫃。呢個工人都算勁,照顧我個仔三個鐘就話攰,然後掟返俾我(我home office),做做下家務又話頭暈,成屋人得我同我老公同個仔,啲衫係超過一個星期入返個衣櫃,如果唔催佢,兩個星期以外都唔會見到啲衫。日日喺度打電話,唔俾佢打電話又喊住話好掛住個老公,已經有三年冇見過個老公,得閒就用辭職來威脅我。我呢兩年已經蝕咗好多agent費,都唔係好想請多一個,但係呢個工人好似幫唔到手咁,我老公成日話有工人好似冇工人。出街帶埋佢,叫佢幫我湊仔,佢返到屋企就話好攰,然後就唔見咗人,留佢喺屋企做家務,返到嚟咩家務都冇做。
佢成日用辭職威脅我,個個朋友都笑我我先似工人,煮飯買餸全部都係我,仲要湊埋仔,佢就日日同個老公視像。我又怕請多個仲差過佢,因為之前嗰啲真係好恐怖。
佢唯一嘅好處就係冇害我個仔。我見呢度啲人好有經驗,所以想問吓各位:你覺得我值唔值得留呢個工人姐姐?(我老公成日激到想炒佢)
同埋都想問吓各位有冇招數對付下啲工人?我覺得我一直處於下風,個工人變咗公主
你係咪唔知,冇得出街買餸好多工人都唔肯做的。
另外,湊左3個鐘點可能唔攰
?
面試嘅時候佢自己都話唔鍾意出街買餸
咁人哋雙職父母,個工人又可以繼續湊落去?我一樣都係返工,只係喺屋企返
個工人好識扮工,我見佢洗衫晾衫呢個程序係當五樣家務,首先儲埋啲污糟衫抌入洗衣機,佢已經覺得做咗一樣家務,然後撳掣開洗衣機落洗衣粉,佢又當第二樣,洗完衫長期擺喺洗衣機入邊唔攞出嚟,有時成大半日都冇攞出嚟(佢去咗傾電話,食飯都食個半鐘),好心提醒佢攞返啲衫出嚟,佢又當第三樣家務,將啲濕嘅衫攞出嚟擺入個籃,佢又當第四樣家務,然後,隨時啲濕嘅衫擺入個籃到成晚都冇晾,因為佢話晾衫會晾到頭暈
洗衫晾衫要拖到咁長,我都唔知講乜好
真係由朝頭早到夜晚黑都未完成呢五個步驟
完全睇唔到留佢既理由.
自己做應該都無咁谷氣,又要催佢又話攰. 請佢返來嘆?
5個讚
睇你咁講,咁其實你冇工人都生活到喎,點解仲要請呢!把心一橫炒左佢,請鐘點上來做家務仲好啦
4個讚
其實如果係工人自己resign,同炒佢手續有咩唔同?
一定炒,你都識講你仲似工人多過佢,俾錢請個人番黎要服侍埋佢 
試下請海外啦,本地斷約果d精甩尾
我都覺得個工人搏炒… 我請過幾個工人, 就算差嗰個, 都識得自動波簡單清潔, 洗衫掠衫熨衫…
你工人係咪唔想湊小朋友, 想你炒左佢, 佢可以揀其他僱主? 如果 oversea 請幾次都唔好, 不如試下揾本地完約? 起碼慳一筆隔離錢先 
工人唔憂做,知你地唔可以冇左佢,得寸進尺
問自己如果炒佢,你會點安排照顧囝囝? 再請?家人幫手?
不過你依家唔炒佢,好快你都會頂佢唔順
如果錢唔係問題,我會再搵姐姐
一定炒
冇任何野值得留戀,冇害小朋友係基本人性問題,係唔會有任何加分(又唔係話好鍚小朋友)
可能你太好人
我成日同其他人講「先小人後君子」
工人新黎你家一定會測試你底線,特別做過既
到你底線成日都縮,佢就「妹仔大過主人婆」了,再講佢都唔會聽
所以新工人黎到,我一定講好規矩,啲野點做
講完我會跟手check,make sure佢知道我係會check,唔係「你鍾意點就點」「鍾意幾時做就幾時做」NO!
炒左呢個,下一個再重新收緊返應有既規矩
1個讚
我需要工人姐姐的,因為我要返工,唔可能全時間睇住個仔,間唔中會返office的
如果佢成日話辭職,我不如俾佢自己辭職,我可以慳返筆賠償?