來到英國一年了,生活好愉快, 我和小朋友都話英國人好nice 。但唯獨老公覺得英國歧視好嚴重。
呢個落差係好奇妙嘅。明明我同佢對著同一堆人,我見白人甚至比佢多。我同佢一齊同個白人傾完計,我覺得無嘢,佢就會彈句「唉,又被人歧視」
試多幾次,我就發現,原來因為我老公英文比我好太多,佢在香港亦和白人同事共事多年,讀到弦外之音,所以佢先可以察覺到微妙嘅歧視,英文叫subtle discrimination。
根據老公解釋,一般係佢見到你唔係白人/英文唔好/無英式禮貌,就會做嘢慢啲/扮聽唔到你講嘢/找個藉口唔俾service你,但拒絕你時還是笑容滿面的
我無從判斷佢啱唔啱,可能要慶幸自己比較遲鈍。我能夠做嘅,只係平時陪佢多啲,體諒下佢咁啦
18個讚
係,特別係銀行
早2日係屋企附近有個indoor play area, 我帶住女入去問幾錢,佢答得好快我聽唔清楚,之後佢隊左張party package傳單俾我睇,其實我淨係想知齋玩點收費,我再問佢就話今日fully book,價錢可以上網睇,係feel到佢唔耐煩,咁我拎左張傳單就帶女走算數
1個讚
都有㗎,咪又係有衰人
見到我戴口罩又話,另一日我老公冇戴又比個阿伯話佢做乜Chinese 唔戴口罩
1個讚
唔好話係當地,我係香港啲英國客都feel到佢高高在上嘅態度,又係笑笑口但俾啲眉稍眼角出賣左,可能睇唔起我英文唔好啦
男人會好啲嘅
1個讚
同意
其實本身大家習慣文化唔同好難無對我地有stereotypes.
所以有時我覺得都係低調些好。有些人話要去宣傳自己Hong Kongers .,在倫敦多元城市可能有用。但鄉下town仔連香港係邊都未識,有時你個個講到話被逼害來英國。但又住間大過佢既屋,本地人會覺得好奇怪,亦覺得你無病呻吟。加上英國社會其實本身保守,不習慣對唔熟既人講自己難處,所以對唔熟或對香港無認識既人有時都係保持基本禮貌唔好太進取講太多自己野或香港發生既事。
因為唔少本地人都面對學校唔夠,新樓太多,GP唔夠,尤其covid後更甚。有些本地人唔想太多外來移民而面口唔好唔出奇。
19個讚
歧視絕對有,我係咁樣教自己細路。
我地係英國係唔同膚色,所以好容易被人留意到。
輕微既小錯事會好易被放大針對,但另一方面,優點都好易被留意到。
小心有禮多助人,別人總會知道的。
大果個有社交障礙,另有潔癖。
由於經常唔出聲地幫同學收拾垃圾及整理檯櫈,而家同學們都會主動搵佢傾計同玩。
細果個同我情況差不多,由於在圈子中受歡迎,從根本上不喜歡及歧視我地既反被擠成小眾,哈。
只有遇到陌生人時,歧視的機會最大。
既然生活都無交集,對佢笑兩聲便好。
(體骼無自信者,不建議譏笑回去,因隨時動粗)
30個讚
確實係
就算同種族,香港人都會歧視內地人。
以前公司有外國人同事,香港人同佢地都冇可能完全打成一片,有時重會因為文化,語言不同,講下啲外國同事壞話,或者費事講咁多,反正佢地都唔會明
4個讚
其實每度地方都會有
就算我而家身處香港工作,
同事有大陸新移民亦有鬼佬;
我哋都唔係話淨係歧視新移民,
而係對住非我族類嘅鬼佬,
講多兩句都嫌費事。
其實邊到都有
不過算係輕微,可能眼神,可能暗串
但未至於指住黎鬧
叫自己睇開啲,始終大家的確係唔同人種,唔同文化
唔好學埋玻璃國啲玻璃野,佢笑你又笑囉
「你串我啊?so what?聽唔明喎, don’t give a fxxx!」
Btw, 我鍾意睇Little Britain, 依家冇機會再有呢啲戲,左膠當道,講一句都死
5個讚
啱啱睇完三千萬,攞生日蛋糕但提唔到字話支筆冇墨? 我覺得佢哋都係畀人玩
我工作上見好多歐洲鬼(最憎意大利)英國鬼,我覺得大家要習慣下 forthright (直截了當) 一啲。有啲鬼好鍾意玩顧左右而言他(但其實時佢哋對自己人都係咁),唔會 outright offend 你,你下下都縮,咁就一世
1個讚
我係平時都對暗寸好遲鈍,佢要寸我但我感受唔到,即係佢失敗左
11個讚
絕對同意, 聽唔明就微笑下由得佢, 想問嘢就先搵下左近有冇告示之類的東西有說明, 能夠唔煩人就咪煩人, 順便亦減低被人歧視嘲笑的機會. 其實覺唔覺受歧視都是好個人的感覺, 神經大條啲, 生活都會開心啲. 去到咁遠的異鄉落腳, 只有調整心態去適應, 無謂少少就自己屈住唔開心, 咁樣只有自己蝕底. 有子女的就只能寄望佢地學好啲英文, 真正融入當地社會, 就唔使再經歷我哋被歧視的痛苦啦.
9個讚
睇到你呢條題,我又開始擔心黎緊去英國既生活喇…
好彩我英文唔算太好,暗串未必明。但D反眼/MIU咀我就好敏感,係時候又重溫下呢本書「 你真的不必討好所有人」
同時介紹俾各位。
6個讚
呢個真
我自己都比較敏感、喺英國同京都係比較feel到歧視⋯⋯
喺澳洲仲試過比個長途巴士司機明串
不過調整左心態、當係一種見識。
2個讚
不過又咁講
喺香港返工做野
有時新返一份工、或者調去一個新地方
有啲人、真係問多兩句就比說話你聽:好簡單咋喎、甚至喺背後話你問完又問
同聲同氣都係咁
學倪匡話齋係人類劣根性嚟
3個讚
講真呢幾年香港人係咁湧過去
有啲人表現又惹人反感
唯有做好自己 融入當地文化 同時增強實力 俾人無理對待都都可以反擊
咁先同蝗蟲唔同
4個讚
其實去到外地就唔好變成大陸小粉紅咁,成日幻想俾人歧視
7個讚