我諗自己唔當一回事，人地都冇你乎
一笑置之
除非係好惡意嘅情況，可能係攻擊，或者過分嘅差別待遇加食硬你嘅態度，咁就要識得保護自己，適當地反擊
2個讚
Exactly
自己去打攪人，係融得入之前都係令人不適
歧視係好易上綱上線同有灰色地帶既野
如果人地可以處理得好subtle 其實都係教養黎…
7個讚
覺得主要係語言不通，人地講快啲 local 啲，已經聽唔明。加上成長環境，文化，笑位完全唔同。下一代係到大，會好好多。
有時都覺累，但為左細路
3個讚
大人幾十歲先過嚟，好難完全融入，就算其他人係nice，都唔會做到。
所以我覺得可以抖下氣唔好迫自己完全融入，識返同聲同氣香港人，小朋友自然會喺到融入到。
6個讚
已經放棄融入，低調啲，大家舒服就好
識過幾個香港人，都唔啱傾。啱傾又可能住得遠, 各有各忙。放棄too
2個讚
同意勉強冇幸福。
我姑姐移加+30年，雖然做開鬼佬工，但始終都係同番HK人做朋友，一齊飲飲食食去旅行，點都係講番廣東話自然D&表達得好D。
唔好話佢係外國人啦，我老闆香港人都成日聽唔明我講咩啦，我重複2次佢都係話唔知我講咩，跟住叫佢秘書黎一齊聽，我講番一模一樣既野，秘書聽完即時講多次俾佢聽，佢又明喇~~
我自細開始有既「玻璃心」就係俾佢呢15年訓練成「強化玻璃心」 
改變唔到人，唯有改變自己
1個讚
呢個反而唔係。佢地嘅subtle歧視，和香港人係無咩關係，佢哋對所有非白人都係咁。香港人喺佢哋眼中，就只是東亞人。
如果佢哋知道係香港人，反而係會比較有好感
7個讚
其實呢種感覺套喺自己身上都會一樣, 即喺一班同自己不在同一語系的「朋友」, 明知你根本聽唔明佢地既語言, 但一樣佢地有佢地傾, 當你喺旁邊透明無到, 你又會有咩感受呢? 所以如果同英國人聚會, 最好避免呢種情形出現, 因為嗰刻反而係自己呢堆人在歧視佢地.
4個讚
我個 case 係，就算阿頭 respect 我經驗，比我做個小 team leader, 但啲細嘅英國人都唔太 so 我
不過算啦，可能佢地文化係咁。自己低調啲做自己嘢，冇人問我嘢，我都冇理人做乜
阿頭就好多時問下我點做
d細嘅就唔會了，所以阿頭都發覺我 head唔到啲英國人 
1個讚
梗係有
不過我英文差,當刻get唔到歧視,有時返到屋企諗諗下先知被歧視
我老公話經常都有,但英國男人對我呢啲英文唔好既女人包容度高啲,講得差佢地都唔會笑喎。
或者性別問題, 對異性大家會好好啲
而家有時知要搵女人問野,就叫我老公問。
如果面對係位男士,(例如上次有人黎屋企檢查gas)我就會走去招呼佢
我解決辦法係 自己無做錯 以禮對人
6個讚
暗串都係英國文化嚟
佢哋本地人都係咁互相講嘢有骨，唔使太介意
有時我聽啲鄰居傾計，乍看之下好似好friendly嘅對話，認真聽都係暗串緊有啲火藥味
反而我試過兩次俾街邊黑人嗌ching chong
以為番咗幾十年前
全部扮聽唔明就算
1個讚
意大利有啲嘅英文好難聽，香港嗰啲一定好好多
我眼見幾個朋友嫁鬼，gethering時，D老公都會因為我哋長時間講廣東話而唔自在兼黑面。
所以如果人人識英文情況下，我哋通常99%英文，一兩句中文咁。
4個讚
我而家轉移同鄰居啲狗傾計
英國人比想像中保守，都係低調啲算
係公司要尊重上司，諗清楚先講，唔好口不擇言咁發表意見
7個讚
有d 外國女人對我好mean，通常係個d 大大隻既career women，見你係Chinese就費事同你打交道；language wise 只要英文唔係你既mother tongue 佢都會睇你唔起。老實講，你地好多淨係識講英文，而我起碼叫識三種語言，你憑咩睇我唔起？！
外國男人就普遍對我nice，因為我係佢地鍾意個type。
4個讚
男人如果生得唔高大，去到外國特別會覺得被歧視。
2個讚
佢哋自己都唔係生得高，歧乜鬼吖！
1個讚
其實真係好難。
昨日都同朋友講起呢個問題，佢話香港人來咗英國就要盡量投入當地生活，唔好成日成班香港人圍爐。我持相反意見，香港人來英國後，應該盡量令自己開心地適應新環境。適應咗之後先慢慢調節。初來到，同香港人圍爐完全冇問題。
8個讚
每人處境不同，無得一慨而論嘅。咁啱遇到啱傾嘅人，無論係香港人定白人定黑人定印度人，啱咀型就傾下，順其自然。
我有試過好刻意識本地人，但本人社交和英文能力有限，結果鬧出笑話，不見得對融入社區有用
呢個都係我嘅論點，就算係香港，都唔係人人都好多朋友兼容易識朋友。
我就覺得隨遇而安，最緊要自己開心兼自在。
3個讚