題外話:
啲人話湊小朋友如果湊得好勞氣就係前世欠咗佢，嚟報仇
如果湊得好舒服，仔女又孝順即係嚟報恩
我屋企嗰個未兩歲已經係咁。
我覺得處理小朋友之前，首先家長搞得掂自己情緒先。
1個讚
學到嘢！
我覺得可以先接受自己嘅情緒，每人都會有自己嘅情緒。你亦唔需要覺得發脾氣係唔好。
好似我咁，我只係一個普通嘅媽媽同普通人，並唔係聖人。做咗媽媽亦可以做返原本嘅自己，有人做咗樣我唔滿意嘅野會發脾氣都好正常。
佢做唔啱，你都可以照話佢，同時亦都可以講比佢聽你因咩事發脾氣。可以好詳細講佢做咩，而你又最唔鍾意人做咩，所以你就好生氣
同埋而家為咗依件事發脾氣。我發現當我講出嚟時，自己反而會冷靜返同無咁想發脾氣。
另一邊，耐左你慢慢都知佢做咩你會好想發脾氣。試下如果有一次佢無咁做就大大力讚佢，無做真係好好。
又或係大家都好好心情時就講下發生咩事應該點做而唔係喊。有時佢都唔知點做就會喊，可以講比佢聽點做代替返。
如果可以，得閒同老公請假自己出去放鬆同休息下，做自己鍾意做嘅嘢。就算出面返工都有假放同每日鐘數。ftm 都一樣可以放假休息。
見你寫老公返左黎會比小朋友老公。其實咁樣做好好，唔洗講到自己好衰。可以諗下咁樣係增加小朋友同老公獨處嘅機會同埋可以令佢哋可以多啲互動。有時候其實可以比小朋友同爸爸2個出去玩同行街。佢哋有好多共同回憶。
湊小朋友真係好辛苦，到佢2，3歲佢開始返學，你開始多自己時間會好好多。大家一齊加油
1個讚
所以我覺得要離開下，抽離下，先再返去， 啲人都係咁教