小朋友進入trouble two, 我完全崩潰, 佢做少少野已經令我發哂癲, 我控制唔到情緒, 覺得湊佢好辛苦, 但我又知唔可以對小朋友發脾氣, 有咩方法可以改善? 老公返到屋企, 我都直接交個小朋友俾佢, 自己匿入房, 好驚再控制唔住自己.
抱抱
你一定好攰喇覺得
我其中一個小朋友都差不多呢個年紀
有空間個陣，你想休息就休息
嘗試接納好嬲嘅自己
甚至可以同小朋友講你個感受，你好嬲想自己靜一靜
如果當下你好嬲，處理唔到佢
咁由佢喊一陣都可以，只要佢個身處環境好安全就冇問題
而你自己盡量唔好出聲，處理好自己情緒先
有空間再諗下自己因咩事咁嬲
搵個時間再同小朋友傾計，媽媽發生咩事，點解媽媽會咁嬲，同佢和解
咁對你同小朋友都會好好
你應該係ftm?
同老公傾俾你放下假，搵個時間俾佢湊幾個鐘
你出去買下野，去吹下風又好
去做下運動都好，搵自己一直好想做嘅嘢黎做更好
我最近開始練習靜心
你有興趣都可以試吓
Youtube有好多片教點做靜心練習
教育小朋友係長期戰爭
休息係為左走更遠嘅路
希望你搵到方向
P.S. 都可以上黎圍爐架，相信好多姐妹身同感受
3個讚
講多少少佢做咗咩令到你會控制唔到
其實trouble 2係好緊要嘅階段,小朋友由BB到開始有自己嘅主見
好多大人覺得曳嘅行為,其實佢都係同個世界互動緊,再建立因果關係嘅常識
証明佢唔再係一舊飯嘅初生嬰
當然大人要乾淨要快手搞掂啲嘢,就會覺得好煩
但如果個BB咩都聽晒你話,唔會玩唔會煩你唔會扭計,
咁其實好可能先係有問題
樓主可以上POPA睇返佢以前啲video,有好多會講返trouble two 同點樣處理小朋友情緒
再講多句,唔係個個生出嚟就識得做人父母,都係邊做邊學,唔好俾咁大壓力自己
開心嘅父母,就有開心嘅小朋友
4個讚
原來係你發脾氣，我未入黎以為係啊仔發
當下，你深呼吸，你同自己講 Not big deal
行開先，話比自己聽「冇問題，可以解決既」
佢2歲仲係細，講道理都未必明，但係可以嘗試
最怕係佢見你發脾氣，學習左，就麻煩了
到時佢又脾氣差，你又脾氣差
有陣時可能係自己太緊張，回過頭，發生其實好少事，點解會咁嬲既?又冇受傷，爛左野咪掉左佢囉，少問題
輕鬆啲，記得「呢舊叉燒係自己生既
」
2個讚
記住會嬲好正常嘅，媽媽都係人
問題係點教小朋友處理憤怒呢種情緒
唔會一下子變好
但教佢嘅同時自己都會好好多
試下參加靜觀教養program呀
抱抱，2歲有好多行為都係好難頂。尤其是見到小朋友發展得好好，但係突然間又唔聽話，真係會好燥。好多時媽媽對佢惡左又會內疚，之後又會對佢好啲，但係好快又會頂唔順。一直係咁loop 。
我覺得呢本書好岩trouble 2 時期睇，佢分清左寵愛同縱壞。同埋教媽媽睇開啲，如果啲行為唔係傷害到自己或者人，只係令大人麻煩少少嘅（整亂玩具，倒瀉野，唔食飯）大人不如睇開啲，免得自己勞心。
因為佢哋呢個歲數係未識規矩，當然都要講佢知，但係唔好咁執著。大人都唔會一教就會肯根住做，何況細路。要接受自己做好多野係徒勞。放鬆對佢哋嘅要求放過自己會舒服好多
3個讚
想借位一問，如果3歲小朋友好易發脾氣，唔順意就會出手meet人/打人，搞到父母手手腳腳都損晒，我哋都知唔應該打罵，但問佢嬲咩想引導佢用言語表達只會令自己又多幾個損口，因為佢要meet夠先發洩到自己個情緒……有時會好似野獸咁撲上黎係咁要用手攻擊你….咁樣其實係咪好有問題？點做可以改善……？？謝謝
你有無掉轉角度諗點解佢會咁？ 唔好用大人角度睇佢
郁手郁腳可以，但係唔可以打人打自己。佢會唔會係精力過盛，好似啲貓狗咁要發洩下？如果佢打人就同佢打枕頭交，打公仔或者落街跑。
或者從源頭個脾氣度，唔順意嘅野shift走佢。
我覺得自己冇同理心, 唔係好女兒好老婆好媽媽, 我好難換位思考, 好難完全體諒別人. 我努力過, 但真係好容易俾人辣興, 好容易就頂唔順. BB 1歲半後情況更加嚴重, 一聽到無理既尖叫聲同喊聲, 我就好頭痛, 繼續唔收聲, 我頂唔順要發脾氣.
我試過出去返part time舒緩一下, 成個人即刻好返好多, 但part time有時限, 完左回歸家庭, 幾乎想死, 見到小朋友就知道佢又會再喊, 又會再轟炸我, 我好唔想再自己一個對住小朋友.
只要小朋友偶爾一日唔喊, 我就冇事, 但trouble two幾乎日日喊, 我癲了.
可以令佢唔順意嘅野包括：
- 有人打電話黎先收線令佢冇得收線
- 要自己開閂門（或者任何佢覺得要自己做嘅野），人哋做咗就嬲，跟住又meet人…我哋盡量都俾佢，但有時唔覺意先做咗佢就會發癲。請教過專業人士話唔好特別俾佢做返（因為等於遷就佢）要搵其他野去分散注意力，但佢太固執一諗返起又發過脾氣
- 同佢講好咗規矩，佢應承，但到要佢做時又會發脾氣，跟住又係meet/where人
我而家買電子版睇, 謝謝. 我平時睇好多育兒書, 連期刊論文都睇, 但一聽到個小朋友唔停咁喊我就會痴線, 我應該先係有問題既人.
我都好頂唔順依類情況…
以下係親戚小朋友, 當時大慨3-5歲, 持續都係咁~
唔俾睇電視就嬲, 好啦俾佢睇, 係要開到勁大聲~
睇完就關電視, 唔俾其他人睇, 話嘈!!
我真係頂唔順同分唔倒係年紀太細唔識, 定係本身份人自私!!
我都係睇呢本書
小朋友呢傢上左小學、好好揍
暫時少扭計少發脾氣、會表達自己感受：「我唔想同佢玩。」、佢心情唔好時會同你講：「我呢傢好嬲好想想發脾氣。」
似係對抗情性行為、同冇同理心
我有朋友個仔係咁、去左私家評估
話有少少自閉頻譜同亞氏保加……
當下我會同佢講，我好痛，咁樣好傷害到我，希望佢可以停止
咁通常佢地唔會停，我會避開，然後講
如果佢再做傷害我嘅行為我會離開一下，因為我唔鍾意俾人咁對待，我好愛你，唔想傷害你，但我都唔想俾你傷害，我離開一下，唔會行好遠，（指住不遠處）我係個邊企係道陪住你，直到你需要我我會過返黎
如果佢停手，我會講我明白你好嬲好憤怒（講出佢當下個情緒），你係咪因為咩野咩野所以好嬲（嘗試講返佢嬲嘅起源，其實係教緊佢用言語表達自己）
睇佢會唔會講
如果佢開始講，可以俾佢慢慢講，你表示理解原來係因為咁，如果係媽媽都可能會好嬲（同理佢嘅情緒）
如果你覺得佢開始願意聽你講野，可以再講返無論係咩情況都唔可以傷害到人，問下佢打人個時嘅感覺係點，係冇咁嬲定更加嬲定好驚好緊張？
打完佢地通常都係冇好到，只會覺得感覺更差，咁你可以話佢知原來打完人，佢唔會發洩到佢嘅憤怒，反而會更嬲/好驚，好驚大人會嬲佢，係解決唔到（原本佢嬲個起源）問題
問下佢覺得下次可以點做，如果佢講到就讚下佢諗到方法解決，原來唔一定要傷害人都可以解決問題，然後你可以再俾啲想法佢，完善個概念
理想嘅情況會好似上面咁
如果佢都係好嬲，不停郁手，你都可以平靜地講，如果你繼續郁手打我，我會用手捉住你嘅手，因為我真係好痛，我想離開一下你追住我打，我唯有捉住你停止你去傷害我，然後重複同理佢嘅情緒，問佢原因，盡量希望佢自己講，如果佢講唔到，你可以講，然後問佢係咪因為咁樣嬲呢，直到佢冷靜啲
通常小朋友感到憤怒然後郁手，一般小朋友見到大人嘅反應就已經知道自己做錯事，其實佢地會好緊張同驚，所以你會見到佢明明打左你，佢會喊得仲大聲左
有情緒底下唔好講小朋友，大人都係乜都聽唔入耳，所以講道理（係咁話佢打人唔岩，佢做錯，或者叫佢冷靜啲）係冇用，但你盡量平靜地表達自己嘅感受，當下佢未必接收到，日日復日日，佢就會開始學你用言語去表達自己
試想一下，當你憤怒時，如果對方一樣咁憤怒，成件事會可以好差
所以小朋友憤怒時，大人最好穩住自己，唔好同佢鬥憤怒
教小朋友表達自己最佳嘅時機係平時日常，佢地情緒ok個時，佢地發脾氣並唔係最好時機去引導，但呢個時間係大人展示自己處理情緒嘅好時機，同埋佢地嘗試去實踐你教佢嘅野嘅好時機
平時同佢地多討論，睇下繪本問佢地會唔會好似書中嘅卡通人物咁架，佢自己係點架，個卡通最後又點呢之類
同埋事後檢討，上次我見你咁樣好嬲，睇佢哋點講，然後你又講係囉，如果你下次可以好似而家咁清楚講到出黎，我就明白原來你咁樣諗，或者話上次你咁樣打媽媽，媽媽有咩感受
當下如果我地不停教說其實佢就算明白道理，但因為歲數未夠意志力不足佢哋都係會做唔到，最重要係平時多啟發佢點表達，點處理或有咩改善方法
同埋又要睇場合，如果小朋友有情緒時個時有好多人係身邊，好嘈吵嘅話，都應該帶小朋友行埋一邊，俾佢喊完再開始引導佢
至於如果要用威脅或打鬧去令佢收起情緒，係會短暫地即時起作用，但長遠會令佢抑壓自己嘅情緒，失去面對真實嘅自己嘅機會，而因為佢地仲細好可能會因為長期覺得得不到愛同接納，就會引申出更多行為問題
其實呢個真係一個學問黎
有太多唔同嘅情況可以討論
我小朋友都曾經好鍾意打我，日日復日日，佢嬲個時會同我講，我好嬲，我就快想打你架喇，但就冇再出手
唔…唯有慢慢教
7個讚
老實講，點解當初會生小朋友？
你講開, 好似早排話評估咗有輕度過度活躍症+讀寫困難!
現在6歲多, 好多時佢見其他小朋友做錯事而俾呀媽話,
佢會大大聲話個人哋呀媽"唔岩"+想教訓人姿勢。
完全唔聽人講, 係因為個小朋友做錯事。
我唔清楚以上同齡係咪都常見~
但anyway我覺得好難搞又好無禮貌 
其實你小朋友唔係任性，可能佢而家仍然經歷緊秩序敏感期
次序同佢內心有出入會立即崩潰
呢個時間對佢黎講好重要
爸爸媽媽可以多問佢問題，同佢預告
有時可以預告左好多次佢都會因為佢冇得做而崩潰
但唔好放棄，慢慢佢會ok
比如開關咁，問多幾句佢想唔想自己黎，唔做咁就媽媽做架喇，佢會冇得做
如果佢想做就算做唔到都俾佢試
試左唔得，就順手教埋佢點禮貌請人幫手
有時問多句，同佢預告並唔係遷就，當然有時如果冇問佢，我一野熄左盞燈，佢崩潰爆喊，我都唔會開返盞燈俾佢熄咁我都係會教佢下次可以自己預先提出我先會知佢想做，或者同佢約定我下次會記得問佢一下先，多謝佢願意幫我手
2個讚