我老公梗係有不足啦又唔識氹我淨係叫我體諒
佢淨係掛住佢阿媽
咁可以點佢話佢阿媽得一個
而家又唔係叫佢阿媽去死
講到尾都係佢阿媽唔可以一個人住話 
我都講到明叫佢唔好日日上去
搵幾日落黎訓
你即刻駁你大伯，
都唔比時間你同老公相處，
邊到有時間陀到bb呢？
唔會呀，寫得幾中肯，你奶奶鍾意嗲細仔唔係問題，問題係你老公劃嘅界線唔清唔楚，返去瞓又得，返去住又得，娶過個老婆又得…
佢直接造成你唔妥你奶奶囉….未戒奶就返屋企啦
5個讚
重點係老公要學識安撫兩邊，
阿媽係重要，老婆都唔可以冷落。
其他奶奶搞你廚房同大伯啲廢話，全部當noise算數。
唔同住，佢唱咩山歌係佢嘅事。
搞廚房，同奶奶講，我廚房冇你個度咁完備，係你個度整得𠺢啦，唔好兩邊走咁辛苦。平時我見xx(老公)兩邊走都好攰，xx咁孝順同錫你。都唔想見到你咁辛苦。
1個讚
佢覺得請工人work嗎？
阿媽可以享清福又有人陪，仲可以係佢番工時睇住阿媽。
我老爺過身後個一年，我奶奶都係話好驚一個人係屋企（衰D 講，佢咁驚我真係有懷疑過老爺係咪被奶奶毒死（請恕我無口德……））。好彩我老公兄弟姐妹多，幾個姑仔都會輪流陪奶奶，唔使我老公咋。
1個讚
係佢哋唔會嘥錢 再請工人㗎啦
家陣我求神拜佛佢大佬快啲好返真心
咁就可以釋放我老公
係呀我老公係對我差
對佢阿媽好好
唔通我走向鬧我老公 呀 我*你呀淨係對你阿媽好 
係驚夜晚黑呀要人陪 唔係日頭
我自己都有懷疑過阿老爺係咪 奶奶延遲失救
係咪專登唔救
又唔話敢自己留係 大屋度
問佢兩兄弟有冇死因又淨係話死因無可疑…
佢大佬都話唔想長期對住佢阿媽
所以變咗老公就算結左婚都要陪佢媽
好彩佢阿媽生我老公
老公邊有安撫兩邊呀淨係安撫佢阿媽
好彩廚房就用咗我哋屋企一次咋都夠啦
話說我都成幾個月冇見到奶奶
端午節呀
我老公淨係買隻粽畀佢阿媽
嗰日佢又拿拿林沖咗上去又係冇理我
又係驚佢阿媽一個人喺屋企悶
我1隻粽都冇食過呀
唔通我走去鬧佢哋掛住你阿媽又唔買畀我
係wo個陣醒唔起畀唔切反應
佢大佬唔係同我溝通就直情叫我生仔
又叫我同老公陪佢阿媽住
佢自己阿媽又唔陪 又話要搵食 好長時間
佢阿媽生勾勾 又唔係行唔到睇唔到嘢
都唔知陪乜鬼
你老公愚孝得好誇張⋯⋯
認同….想孝順媽咪同照顧媽咪其實件事無問題，但講到咩阿媽得一個老婆可以好多個，呢句俾著我係完全接受唔到
奶奶失去另一半，本身性格都唔係獨立型，老公要照顧佢係無可厚非，但佢除咗係人哋個仔，都係人哋老公，如果有分配適宜，有好好請老婆體諒，唔係吓吓用老人家大曬咁嘅款嚟大個老婆，相信樓主唔會咁難受
3個讚
係呀 我自己都難受
我唔係唔畀佢孝順呀
佢唔會過份得滯 忽略老婆
都過咗成大半年佢阿媽仲有啲咩唔開心
仲話驚黑 唔通叫佢唔好瞌埋眼瞓覺呀
佢大佬又唔生性 連自己阿媽都唔睇
又話返工要搵食
甘可以講得出口
佢最終返到屋企又係見到佢阿媽
而且佢自己又未結婚唔係同阿媽住
但最終佢阿媽自己可唔可以振作下
長期負能量
不過 間唔呻下奶奶唔係我自己都抑鬱呀
唔一齊住都已經咁樣一齊住咪死得
騙婚咁、結婚後先黎做孝順仔、唔係唔俾孝順、但講到阿媽得一個老婆可以好多真係火囉、又怕黑又要上去陪後宮爭寵咁、一早係咁諗就唔好結婚啦
3個讚
老爺係咪已經唔晌度？過咗身好耐嗰隻？
我成日聽人講笑咁講，千祈唔好同寡母婆湊大嘅男人結婚，呢啲男人個老母特別麻煩
1個讚
過左身半年到啦
都過咗咁耐現時咩都化喇要
而且佢本身對老爺都好似唔係好著緊
都死咗先嚟後悔有鬼用
之前仲要講話離婚同老爺
老公本身都話好孝順
樣樣都佢媽為主甘滯
不過佢咁樣講到我覺得佢阿媽好似無能
又話會死
唔可以自己獨立生存
其實佢阿媽應該食鹽多過我米
幾多風風雨雨都可以都度過
點樣能夠令佢阿媽可以獨立
自己同老公 傾左唔好成日上去
分配幾日落返嚟陪我
我諗都係我老公嘅問題搞到我咁煩
憎奶奶就固然㗎啦不過經過呢件事
更加憎佢咁解啫
先唔理老爺奶奶感情如何，老伴走咗唔開心係正常，做子女多關心老人家同孝順係啱，但應該係搵方法幫老人家重新振作，可以帶佢出去搵下朋友或者社工，解開心結，唔係一直咁叫老婆體諒，成日陪住個老人家唔等於幫佢…叫你老公用D正面嘅方法幫你奶奶啦！
2個讚
對住裙腳仔真係感建分
因為會改得到既好少
除非99真係做左啲罪大惡極既野令佢醒覺
而你99只係好似妲己咁，依賴人+冇自理能力，未算衰格
喺佢眼中係弱者，樓主阻佢幫助弱者就梗係衰人
樓主唔好浪費自己時間，男家成家都痴線
其實我都有講過
你咁樣陪你阿媽做咩 又唔係出街
而且我覺得佢哋屋企個磁場唔係咁好
有同佢講不如搵下社工或者去社區中心搵下世藝做
佢話佢阿媽主要係想人陪
雖然我都覺得我老公都係有問題
我老公淨係話驚佢自己一個人喺屋企亂諗嘢
都唔知要陪佢度過幾耐先可以自己振作
同埋佢阿媽都係有問題
咁我係咪應該幫佢媽搵附近社區中心老人資料 ？
佢媽不嬲都唔鍾意出街嘅人
而且又話有疫症又好驚出街
認真，
社區中心有啲活動係幫人藝術治療/正向人生，
可以解開心結。
同唔同人傾計/參加活動，
都係一個方法走出喪偶呢一關。
長期咁困獸鬥，長遠計對全家都冇好處。
1個讚
其實我又唔覺有幾裙腳仔。當我口臭講，你父母都健在，你會明老公過身，爸爸過身嘅感受？係嘅你唔會反覆講出半年應該要慣，應該要化。
就當你咁講好冇感情，一個一齊咁耐嘅人走左，幾冇感情生活都有改變到。幾耐會慣係睇性格，可能發生係你身上你會好快接受到都唔定，但係冇理由要求其他人會好似你阿媽你阿爸或者你咁，咩都要按你要求？咁你同你奶奶有咩分別。
結婚冇耐發生呢啲事係不幸，可以嘅話就同老公同奶奶一齊撐過去，老公要去陪奶奶不如試下同埋老公一齊去？揾資料俾老人家係唔得架，一定要夾佢哋去先得。一齊捱得過你老公會好感激你。
Ps. 抗抑鬱最好係做運動曬太陽。呢啲天氣去泳池唔游，就算浸下都好夠攰，夜晚會好訓啲。
13個讚