同老公啃咬，無聊想知道，萬一如果想搞離婚或者被離婚，第一部應該點樣做等等，大家集思益廣，律師或識得既jm可否分享一下？
通常都係男人衰，係度分享希望大家都aware多D，萬一真係走到衣一步可以點保障大家？
假如有小朋友，當然會想要攞撫養權，應該點做？可以點爭取多D話事權？
當係ftm/資產都係個男名下既，點可以有多D勝算分到一半/贍養費？
有沒D乜證據係真係上到庭會有用？
先感謝各位既分享！
記低每月屋企駛費
小朋友駛費
屋租 供樓 幾多 錢
最緊要錢 無感情就要錢
男人衰乜既證據 衰借錢就睇佢有冇借錢資料佢衰出面有第二個就睇下有冇message 相
如果做開full time mum 小朋友跟媽咪都好勝算
最好就同老公deal ,佢要自由, 咁就放低贍養費同小朋友生活費就大家byebye
網上都有離婚資訊網 可以google下
最好都係大家私底下傾掂簡單好多
PS 曾經想離婚 有周圍搵過資料
希望你唔需要用到
所有證明你出過錢嘅文件，信件
Sorry, 依點我身為女性都唔認同, 我見到女人偷食搞到離婚, 要男友唔要仔女, 為錢離婚分身家嘅女人多的是。依家已經同上一代唔同, 好多女人要狠可以狠過男人好多倍…
4個讚
你講得啱！
見過女人離婚，想連奶奶間屋搶到手，係網上求辦法。
1個讚
多謝你關心呀jm 
不過放心，只係嗌下交，冷戰時無聊想知。
記數係咪因為要計膳養費呀？
咁都係，但我覺得好多時講離婚的話，都係女人係一個比較蝕底既位置，尤其有小朋友的話。
而且上得黎衣個forum想離婚既女性通常都需要幫助，咁希望衣個thread可以幫下手。
千萬唔好搬，唔好玩離家出走
Yes 知道每月駛費 到時傾贍養費都唔會離地同比人講得獅子開大口
例如小朋友駛費 書簿 校服 眼鏡 學野錢 一般娛樂 鞋襪 睇醫生 買口罩 樣樣都係錢
女人 衣食 社交(唔係下下high tea, 同朋友食個下午茶都要幾十蚊)
以前我真係唔會mark數 (以前死蠢唔識mark數 直到屋企出事先識 我認我以前死蠢)
而家每日mark數 會知每日開支
1個讚
我好想知如果係ftm離婚後可以點安排同安置小朋友呢
離婚就唔可以自己照顧，要搵工，仲可能要搞搬屋，會有好多行動，四圍走動
唔知可以點安排，如果有家人應該搵家人幫手，但冇人冇物點算好
排育嬰園都應該冇咁快？請工人未搞好離婚咁好似自己都要有多少儲蓄先搞得掂
同埋ftm拎到撫養權機會大嗎？我俾老公兇過我話我冇做野冇經濟能力唔會贏
希望有人可以分享下
你係小朋友嘅主要照顧人，唔駛比佢兇到.
1個讚
我都唔清楚，希望有人可以解答。
不過你咁問一問，我都想知應該要有幾多積蓄先至可以諗請律師搞離婚/打官司呢？
因為就算之後個官有判膳養費呀，或者資產畀你，咁都要等佢判㗎，咁咪要搞好耐？唔知要搞幾耐呢？
你邊度聽返嚟㗎? 剛好相反, 除非個阿媽有對小朋友嘅不利歷史或不良習慣, 否則d官通常覺得女人照顧小朋友好d, 所以小朋友通常會判俾個女人, 有小朋友喺手就可以申請多d贍養費。喺依方面反而男人蝕底d 㗎…
當然有d 男人會唔俾贍養費, 所以你要預定自己搵錢過活同養小朋友。
1個讚
唔好意思，沒講清楚。
我既意思係in general 我覺得女人比較蝕底，因為我哋大部分都一定會想要仔女，所以要諗生活工作上既安排等。根住諗以後既感情生活通常亦都會比男人難。
而且尤其是本身係ftm，就更要安排好以後既生活。
而且我有聽講過，就算有判膳養費，個男人可以拖，遲比甚至乎唔比等等，好似話個官其實都沒乜可以做到，所以希望大家知的都可以分享下。
我當時都無計每日洗費，但知道自己要行到呢一步，就灘牌前上律師樓問過。
同埋唔好同佢交惡，所有野以小朋友為先。
我之後自己租屋，我一路都有工作同請姐姐的。
FTM好大機會拎到撫養權,唔關你而家有無返工事,係睇你有無案底/不良嗜好果D…
係呀,以媽媽為優先~
但我都想問精神病會唔會有影響,事緣我朋友之前離婚,佢離婚之前好唔開心想去睇產後抑鬱,但係又驚影響到個撫養權,最後無去睇到
除非係公務員,如果唔係D男人好多時俾俾下會唔俾…
同埋佢再婚/失業都可以扣減膳養費
行離婚呢步之前要睇睇孫子兵法:
-
《計篇》: 「能而示之不能」、「用而示之不用」 – 離婚5個grounds, 好多時D人都唔想比人用"通姦"做理由(特別係有仔女果D) 如果你作呈請人可"釋出善意" 話用"不合理行為"/1yr consent 做ground保存佢一點顏面, 如果大家關係並唔係咁礓甚至可用共同申請 FCJA ;
-
《計篇》:「實而備之」、「強而避之」-- 對方如果火紅火綠燥狂咁, 保命先，不得輕舉妄動，需持續防備避戰，並做好準備。「卑而驕之」，是假裝謙卑 (呢個時間最好做資料搜集同搵律師)，讓對方因驕傲而變得鬆懈，進而在適當的時機發動攻勢。
-
《攻謀》： 不戰而屈人之兵，善之善者也。 故上兵伐謀，其次伐交，其次伐兵，其下攻城。— 離婚最好係"不戰＂ 唔駛打， 因為你一打官司你就預左身家分３分， 一人一分， 第三份比律師。一字記之曰：傾！ 傾掂係最好嘅
其他有時間再寫
6個讚
等你呀jm 