我知失業可以，但如來再婚都可以減㗎？！
同埋其實係咪真係唔比都奈佢唔何？
佢有正當支出理由就可以同個官講減膳養費,不過好多男人係只俾養子女既錢
請問洗費大嗎
我基本上無要佢贍養費，只係象徵式要一蚊，其餘嘅就係小朋友生活費，呢個銀碼係之前同佢一直共識左，其實最緊要唔好同佢鬧翻，因為一旦離婚開支真係好大，要屋租要工人姐姐為咗唔想個女有太大影響之下原本讀緊私校所以都會繼續讀，自己真係要計定條數，我都係計埋佢嘅生活費先至每個月啱啱好。至於律師費又平又貴，我用嗰個唔係特別平，好似都要萬二三，但我知有啲幾千蚊都得，咁就唔好自己搞咁煩，因為要簽嘅要成好似都要約埋佢一齊交文件。
同埋最緊要知道自己嘅財產，使唔使同佢對分，呢個情況係可以你分佢，又或者佢分你都得，我哋就傾咗大家唔公開大家嘅財政狀況，咁就冇話要邊個分邊個。但係因為嗰陣時我屋企人有一啲財產暫時響嗰個戶口嗰度，所以我都有啲擔心，都有將現金放咗去其他屋企人度先。但係唔可以一次過拎嘅所以我都做咗呢個動作大半年，雖然話同佢傾咗唔披露財政狀況，但係每一日未簽紙，一日都唔知佢會唔會返口㗎嘛，所以我都係安全啲先至咁做
1個讚
同埋贍養費，嗰陣時律師提過我，如果我再婚，
佢就唔使再比贍養費，所以我大部份嘅錢都係同佢傾做小朋友嘅生活費
1個讚
哦，乜原來膳養費同小朋友生活費係分開計？
我以為膳養費係包括埋生活費。 。
多謝你既分享！