真人真事，我有對夫妻朋友，老公係好鍾意同好想要小朋友，但我朋友 (即係個老婆) 係好抗拒。我朋友本身同佢哥哥係孤兒院長大，而且覺得有小朋友責任好大，佢仲要做記者好忙。所以佢唔想因為滿足老公而去生。佢覺得生咗出嚟，自己工作咁忙好難照顧到。
有一次我喺尖沙咀等食糖水，喺糖水舖門口見到佢老公，隔離係一個大肚婆，當然呢個大肚婆唔係我朋友
根住佢哋即走。
我以為自己認錯人，我家姐都識呢對夫婦，然後我問我家姐，我有無認錯人。佢話無，佢都見到。仲要當時個老公係背住老婆同第二個女人有咗。
最後，當然離咗婚
3個讚
係呀，大把男人唔理就係推晒比個女人做，咪又係咁多女人生
1個讚
接受唔到都唔代表‘’因為唔想後悔同辛苦一世而決定唔生‘’係錯
我講我自己啫：你要搵第二個生，你去，我唔會後悔
1個讚
咁所以唯一解決辦法只有離婚
係架，唔生小朋友一定要2個人都咁諗先成事，好似劉青雲郭藹明梁朝偉劉嘉玲倪震周慧敏咁，到老都相安無事，否則受傷嘅會係自己，一個想生一個唔想，無論男女都應該考慮離婚
不過補多句，最緊要自己唔後悔，唔好到40歲先心思思好似都係生好d
3個讚
見過一個好極端嘅做法，媽媽講明，生出嚟唔會湊。大家諗著生咗佢會心軟，就話好。點知媽媽企硬。
媽媽得閒到睇電視，去街，都唔會湊B。餵奶，沖涼，去街，報學校，溫書，媽媽全部唔肯做，爸爸和四大長老食曬。媽媽剩係會間中和小朋友玩，好輕鬆。
當四大長老話想生第二個，爸爸第一個喊著出嚟反對：唔好再生啦…
15個讚
唔係個個女人做得出
1個讚
我真心欣賞佢，因為我自己做唔出
2個讚
試下搵學校教育心理學做評估，睇吓會唔會有需要做功課及考試調適（例如：延遲交功課的日期、係特別室考試/加時、考試期間有休息時間…等）
哈哈估唔到現實中真係有
得罪講句，你離婚好過啦，咪害左個b，完
8個讚
上面有人朋友成功生完唔使湊只負責玩，都戥個細路慘。
6個讚
我都覺，冇咩咁值得自豪，小朋友好慘，有d野係媽咪先俾到小朋友，做媽媽係有媽媽嘅責任，其實既然咁唔想生，點解唔攤出來講放生大家，總好過害左另一個人
4個讚
如果咁樣湊
其實小朋友感唔感受到媽媽既愛
咁樣心理會唔會唔健康
拿，如果講定數個男人ok湊，女人真係唔理，就好丫，唔需要離婚，點解話個女係衰人？
大把男都係咁啦
1個讚
呢期我有未婚朋友（男）講起，佢有d覺得要同依家個女友定落黎（準備結婚），大家傾起先知女友好抗拒生小朋友。而佢自己就好鍾意小朋友。佢唔知結婚好定分手好。
我特登追下呢d post睇下大家會點諗，結論係
- 叫堅決唔要小朋友果一方改變主意係冇可能
- 叫想要小朋友果一方「唔好生囉」就容易好多，d理由都好順理成章
之但係咁，就係因為以上兩點，先顯得有小朋友而又恩愛相處嘅夫妻好難能可貴
我決定咁樣同我朋友講，睇下佢會唔會想捨易取難
1個讚
咁要睇個女仔係因為未玩夠而抗拒定真係唔想生而抗拒，好唔同喎，不過呢樣野傾唔掂不如早早分手
叫好想生果個唔好生，表面上係易d，但實際上可以好多暗湧，就好似之前個單呃老公生仔同埋個男嘅出去同人生，到頭來大家都受傷，倒不如放生大家
1個讚
生唔生唔係應該結婚前商量好？只能夠講時間過左就過左，到你想生時又可能未必有（事實上好多想要既都未必有！）但你地意見不一，心態上又未有定案，真係要傾好先諗生唔生。
係架呢件事要case by case咁講先有意思，你要對當事人有好深嘅了解先預測到（但準確度冇保證）日後會點
係，不過仲有好多其他因素導致不同，例如結婚後環境改變，心態改變等等