對, 我個肯湊, 仔女好細個時佢能一湊二, 但…教養方面真係唔合我心意…最後都係要自己黎
買袋、去旅行，好厲害
唔鍾意小朋友到連自己生嘅都話唔湊又唔教，連養都唔肯
其實月入廿萬都唔使諗啦，煩惱何在？
14個讚
自己唔想生仲想玩嘅話，一定唔好聽完老公/朋友/老一輩嘅說話就去生，身體心靈係自己嘅，生完返唔到轉頭冇人會幫到自己
生小朋友對女人黎講唔係生完俾人湊就算
你身心都會承受好多，並唔好陀完生完就會好返，有啲轉變係跟一世
如果唔係心甘情願嘅話，生完發現現實原來咁殘酷，你會好後悔同怨人，理想同現實一定有差距
男人點話會幫手都好都只能聽一半，其實單單係鍾意小朋友而去生呢個理由都好單薄，期望越大失望越大，佢湊人地小朋友當然會順心好多
有幾多做教師嘅反而對自己小朋友完全冇乎
有幾多奶奶/婆婆本身拍哂心口話幫手湊最後因為健康問題種種原因而甩底
有幾多新媽媽生完即刻上哂身，控制呢樣個樣，或因為睇唔過眼老一輩嘅手法而覺得要自己湊返都未計會家嘈屋閉
大把恩愛夫妻有小朋友後吵大鑊要諗離婚，到時男方拍拍羅友就走得架喇，而女人生過就係生過，仲有小朋友要同你地一齊去承受
錢一定要諗，唔係話一定要豪養，但貧賤夫妻百事哀，計劃下諗多少少總好過失哂預算而吵大鑊
小朋友點安置一定要諗，小朋友係無辜嘅，要負責任唔係道德綁架，而係如果唔想養唔想湊，做咩自找煩惱呢，二人世界點都係瀟灑啲
如果你本身真係唔想生嘅了解下生完女人個身體會點，可以點休養，會唔會有啲位自己覺得好難接受，生完夫妻小朋友關係點平衡，評估一下自己個情況先再決定
12個讚
早五六年我哋都諗過生，我一list 啲洗費，我老公都窒咗
搵十萬生咗仔有八九萬使費，搵五萬生仔有四萬使費。所謂平養只係搵得少用晒啲錢咁解，決唔會搵十萬平養四萬有六萬淨
我冇錢使又唔鍾意細路，個心一定唔甘心，我做唔到心甘命扺
我老公肯湊，但男人，我當佢湊八成，其餘兩成我都唔願意
所以冇生，無謂害人
9個讚
真係好有心機分析，但唔覺⋯⋯樓主⋯⋯
1個讚
好認同
2個讚
多謝你 你講既point 我都有諗過
都有大家傾過 為左生仔問題吵都吵過幾次 我老公就話我有時諗野太偏激 佢話大把人揾錢小過我地咪又係咁生。。 但我話我唔想好似佢地咁丫嘛
我d fd 就話 你生左出黎就會鐘意 肯甘心命抵乜都比晒個bb 咁我都知 … 唔通真係唔理佢咩
我而家都係拖字訣。。。。 拖到生唔出
所以已經睇到教養上有分歧你有要求，佢覺得有就有冇就冇
我明白你，唔係你偏激，只係你會諗多啲，做媽媽大多數都係咁，會諗多好多野
男人就係唔會理解
包括產婦要面對嘅問題，佢哋唔會理解到
我絕對唔係話你會唔理bb，因為都見太多未有個時話冇乜所謂，但bb出左世之後好上心好愛bb然後唯有放棄個老公
只係好想話你知，你自己要做醒目女，唔好因為其他人而想生，女人一愛個男人就願意為佢生仔，好容易輕視左產後個現實
拖就唔好啦，過幾年你老公係出面識左個，大左肚，咁你點先，到時放手你捨唔捨得先，其實都冇咩解決辦法，你老公咁想生而你唔想，唯一辦法係離婚
4個讚
係啊！感恩！祝福大家都搵到幸福！
🏻🏻
如果大家相愛嘅，傾吓達到共識。如果愛不深，咁不如分手，無謂將來互怨。
我傾向女人如果唔想生，就唔好生。生咗出嚟就一生一世嘅。
拎我自己做例子：我老公同我都好鍾意小朋友。我仔出世到6個月，都係我老公幫佢沖涼，洗頭(雖然有工人姐姐，但我唔放心俾工人做)，到6歲前，工人姐姐放假，都係我老公負責幫佢洗頭，沖涼，陪玩。我負責同佢玩下水，陪睇書咁。
但當個仔有咩病痛，冇得瞓個一定係我，因為佢淨係黐住我，邊個都唔黐。雖然我老公咁幫得手，但呢啲時候，佢唯一可以做嘅就係安慰我，有時撞正我同仔都病，先大件事。
我舉例，係想講：無論個男人點鍾意仔女，平時好幫得手，有D事，一定係阿媽先得。 無論做阿媽嘅㸃唔鍾意仔女，但係始終係自己生出嚟， 仔女有咩事嗰陣，個心一定會掛住，感覺難受。 呢樣嘢係男人體會唔到嘅。
如果你決定生，就要作出咁嘅心理準備。
7個讚
認同你，我老公好鍾意小朋友，小朋友 BB 時已經幫手湊，半夜幫手抱，出街幫手揹，餵奶，換片，陪玩乜都掂，好幫得手。小朋友 2 歲大，老公可以單獨帶佢出街玩同食飯。我出咗街佢會煮麵同切水果俾小朋友食，氹佢瞓覺。
唔係所有男人都唔識湊小朋友，只係佢肯唔肯幫手湊
4個讚
就算深愛，同想生仔係冇關係，男人係可以將呢2樣野分開，大家要求咁南轅北轍係冇可能達成共識，佢係愛你但又好想有小朋友，佢出去同第個生，咁你又接唔接受到呢
1個讚
SEN 是有特殊教育需要(Special EducationNeed)縮寫，SEN 孩子一般有特殊教育需要。
SEN分九個不同類別：讀寫障礙、注意力不足/過度活躍症、自閉症、言語障礙、智力障礙、聽力障礙、肢體傷殘、視覺障礙及精神病。
我小朋友係幼稚園老師發現有SEN，之後去做評估，就發現有專注力不足/過度活躍症和言語障礙，所以係學習上面有好多問題。學校有SEN支援，有跟學習進度，最辛苦嘅係錢解決唔到，試過報功課補習班，但又做唔哂功課，最後都係要我同先生教做功課同溫習。平時寫家課冊已經甩甩漏漏，又欠交，勞心勞力多啲。
之前上網課，試過俾個仔去老爺屋企，老爺教(碩士學歷)，老爺話佢唔專心，頂佢唔順。
講返錢先，無供樓壓力，得一個小朋友，日常開支用唔到幾多，最大支出應該係養車。
小朋友幼稚園已經有機構跟進同上治療堂，唔需要俾錢，依家小學亦有學校社工跟進同上治療堂等等支援。反而係BB個時洗得多啲，因為BB床、BB車、BB衫同BB用品唔平。同埋BB個時睇左好多次醫生，試過入私家醫院(支氣管炎)，保險有限制，最後要倒貼一萬樓下。如果要預埋BB嘅突發情況，真係需要預多啲備用錢。
大家可以交流下
！祝福大家幸福！
12個讚
你真正唔想生既原因都唔係因為錢
超認同
有個朋友，佢小朋友由出世到就快6歲都勁痴身，個爸爸有時唔係唔想幫，係想幫都幫唔到，小朋友極度抗拒媽媽以外嘅人，緣份嘅野唔係咁容易去掌控
當然呢個係極端例子啦
1個讚
唔講同第二個生，就算同你生， 有啲嘢係做媽媽嘅先感受到， 男人幾愛你同仔女都好，佢哋會覺阿媽對仔女嘅感受， 有時係超出咗理性。 所以愛莫能助
得罪講句，生完都係做韭菜，咁仲咩要生尼俾紅/富n代割？
除非已計劃好移民 或者 富貴人士，否則唔建議生