重點係我唔想叫我朋友分手
如果咁易搵到啱嘅人佢唔會咁煩惱
1個讚
生仔方面有咁大分歧我就唔覺呢個叫岩嘅人
9個讚
都見過有人24歲結婚，一直唔想生，到左30幾又想生，結果已經生唔出，當然對人生又冇乜話好大影響，不過係有遺憾嘅，總之自己唔後悔就得
1個讚
樓主個case都好明顯係男既好想生，女既好唔想生，都唔太關婚後先改變心態。意外有左結婚無得講，婚前真係要好好傾清楚，起碼有個心理準備，唔係結完先算。咁大分歧，婚姻都會變左好大問題，到時後悔都難。
1個讚
不論有冇事前講明都好，決定左生就2個大人都要負責任喇，其實我見到樓主話生左唔會湊呢句都心突左突。玩咩，小朋友好慘。
大把男係咁只能話大把男人好衰囉，唔代表呢樣嘢由女人做就唔係衰。
5個讚
係衰呀，但未至於叫人離婚，但樓上係叫人離，我覆咁解
我覺得樓主話唔想生又未去到好大決心咁
雖然佢講到自己未玩夠，生左又唔教又唔養，有少少係大老公嘅心態，咁當然都唔排除佢的確係咁諗
感覺上佢俾老公同朋友搞到開始動搖，15 16咁
而而家講點解唔係結婚之前傾好已經冇咩用
唔結都結左，現階段佢地雖然有爭執但又唔係激烈到要離婚
樓主同丈夫真係要理性咁溝通
諗清楚自己期望嘅婚姻係點
生小朋友對於大家黎講係件點樣嘅事
生同唔生影響到啲乜嘢
絕對唔係一句好鍾意，好想有自己嘅小朋友就係一個說服對方去生嘅理由
呢個係家庭責任，要雙方一齊承擔嘅野黎，好長遠嘅任務
是但一方有猶疑都唔應該生
多謝大家分析 估唔到有咁多人回覆
當年27歲結婚無諗咁多 真係乜都無傾 大家鐘意大家就結 結果之後真係引申好多問題 住屋啦 生b 啦
其實我話生左唔湊 唔養 唔教 係想兇下我老公 但佢都話係要生 最多佢做晒 … 其實我地都係早2年先搬出黎 兩個人住先發現佢好有擔當 屋企大小事務 煮飯都係佢做 我乜都唔洗做 屋企唔洗我操心
我地都有認真傾過不如離婚 佢揾過第二個女人生 咁傾到呢到 佢就話情願唔生了 ( 我都係試下佢姐) 其實結婚5年 呢個問題都傾過好多次 佢都好堅持要生 我其實自己主要係未玩夠 唔想就咁困住一世 同埋都擔心錢 … 湊 教 我就覺得佢真係會做 我可以抖下
多謝大家意見 令我睇到好多問題清楚好多
因為我的確比d fd 講到我都1516 有仔趁嫩生無咁辛苦
橫掂都要生早d 生啦 等等 …
暫時我諗我都會繼續避好孕先 直到自己真係ready好 有個肯定既答案比自己 先應承佢生
11個讚
你朋友個case，即係咁，老婆自己揀
自己揀左個唔想生嘅女仔，又說服唔到個女仔去生，娶唔娶係佢自己決定
決定娶即係接受人地唔想生
生係女方生，又唔係你朋友自己生，當然係要尊重女方
答案好顯而易見
1個讚
生一個小朋友出嚟，唔係真係生完就得，單親家庭就話無得揀，雖然有人代替咗媽媽嘅責任，小朋友大個咗，就會識諗返轉頭，點解佢睇電視都唔陪我睇書？點解佢去行街都唔陪我去公園？會影響一世。
唔需要離婚，但兩公婆要好好溝通。
Bb 唔係婚姻嘅必需品，決定生就做對有責任嘅父母，咁先叫真係鐘意小朋友。
6個讚
對，就算係講明好鍾意，生完都未必盡責任
都啱嘅，再諗下
結婚係一個承諾, 同你鍾意嘅人一齊生活
如果睇到生仔咁重要, 重要到唔生就離婚
咁好似為生仔而結婚, 有D本末倒置
我始終覺得，個女老咗後悔冇生一定冇因為fulfill件事而生但好後悔咁大wok囉，後者影響埋個細路㗎嘛
1個讚
唔通答你好呀咁咩
你話想拖到生唔到，男人有乜所謂呀，過多十年你都唔生的話咪next，大把國產佳麗肯，想生仔佢60歲都仲有得生。
自己諗啦，仲係香港生活唔好製造下一代會好啲囉。
1個讚
咪住：怕個老公出去同第二個生點解會係一個女人明明唔鍾意細路都應該生嘅理由？
完全唔通
2個讚
你係咪問我呀？
我唔係咁意思，不過懶得打咁多字，我係建議離婚，想講出個事實男人就係咁，唔好太天真。唔想到時樓主4，50歲先被離婚。
我又想講以家香港咁嘅樣生咩仔丫，仲要唔鍾意細路，不過又話呢度親子網唔準講呢啲嘛
4個讚
唔係指你，係一般而言
啲長輩都同我講過，問我怕唔怕老公搵第二個生。我話我怕我討厭細路仲生出嚟影響婚姻影響人生多好多
3個讚
講真唔生小朋友都可以白頭偕老既夫妻好有福，呢啲先係真愛。
玄學上亦代表你冇欠人，又冇人欠你，唔洗黎又攞債又報恩沒完沒了
4個讚
你咁講我要努力先得
1個讚