唔鐘意小朋友就唔好勉強
生命黎架, 責任重大, 而家無天生天養個套架啦
3個讚
結婚果陣乜都無傾 被愛情沖昏左頭腦 
都有好認真傾過呢個問題 我有叫佢不如放生大家趁後生離婚 你去搵個肯生既女人 咁傾到呢到 佢就話咁算囉 唔生
4個讚
得400尺2房… 其實我知無可能做FTM 我娘家就叫我生就唔好再比家用
我老公就成日說我平有平養 但問題我本身已經好大洗
我就係知道洗費好驚人… 我亦都有LIST出來佢睇… 但佢無放棄 佢而家都努力搵緊多D錢同儲多D …
我地之前同6299住 我99有幫姑拉湊孫 睇得出我老公好照顧個侄仔 唔介意幫佢家姐湊 同埋睇得出佢真係好鐘意 所以我都有心軟既 有信心佢會肯湊 幫手 只係自己經濟果到有少少擔心 同埋始終都想玩多幾年
我同我老公婚前都好大洗
生完小朋友後只係慳自己豪小朋友
不過錢銀都係其次，湊小朋友好傷神
唔想生真係唔好為應付佢而生
生咗無得返轉頭，無心機湊真係唔好考慮要小朋友
2個讚
又唔係真係好大年紀，依家大把人35後先生。
咁你過多幾年有定無咪交俾個天。
2個讚
認真傾到話放生大家，你又唔肯放棄自己嘅享樂，咁不如真係放生大家.
生唔生小朋友嘅價值觀都唔一致
8個讚
呢個都係伏位
湊小朋友是藝術
每一個都有自己一套
有人幫係好，但千萬千萬不要太依賴
自己唔想生梗係唔生啦！唔好信d男人會幫手, 佢地幫手玩就會, 唔會幫手湊。一係佢就亂湊。好似我C6咁, 個仔肚餓就俾零食, 沖奶粉和餵飯都懶, 佢覺得食得飽就得。件衫有屎又掉返上床, 根本係愈幫愈忙。但佢覺得自己做左好多野
所以男人講鍾意小朋友根本徙氣。
1個讚
好認同，生得就無可能唔理。
正如多年前我知道我阿嫂有咗，我第一個心裡面嘅反應，大鑊了……因為我哥係唔生性嘅人，我知道小朋友出世會好慘。
最後？我哥咪咩都唔理…但呢個小朋友係生命，要教要養要陪伴。細個都係姑姐叔叔帶佢去街，所以我姪女由細到大都係姑姐教、陪溫書、揀學校、見家長，要錢嘅部份我哋都俾唔少。
反而姪女大個咗，我哥多咗同個女出吓去食飯，盡番爸爸責任供養番，我已經心滿意足了
7個讚
生小朋友真係洗錢好似倒水，要唸下工作是否穩定，仲要唸埋除左工人外，有無其他人做後備幫手，依家啲工人好容易隨時唔做，好工人難求，最壞情況係無人幫手，BB無人湊，要自己湊返，得返一個人返工，收入就減少。
我家姐同姐夫同你差唔多情況，年齡都差唔多，我家姐係唔想生，但我姐夫係想要小朋友，我家姐未生，感覺到佢係唔想生，自己搵60k，唔使供樓。可能係我姐夫係少爺仔個啲款，自小有工人，小小野都要人幫手做，我估佢係唔會幫手湊仔，可能我家姐都擔心依個問題，乜都要自己做哂，唔生好過生。
其實湊小朋友壓力大過生出來，我自己有個SEN小朋友(遺傳)，九歲了，真係勞心勞力。如果一早知香港變成甘，我同我先生一定唔會生。如果真係生就要唸埋教育。加油！
6個讚
路過，唔認同所有男人都幫唔到手
睇原生家庭？我先生細個已被奶奶訓練做家務，我老爺奶奶又教佢煮飯，五歲已識煎蛋。我生BB第一日，老公煮飯送來醫院俾我食。之後嘅日子，換片、餵奶、手洗BB衫都係佢幫手做，仲會幫手煮飯同抹地，大家分工合作。我仔三、四歲時，我先生試過單獨同佢出街，睇戲都試過，完全搞得掂。依家我仔都九歲了。感恩！
21個讚
唔想生唔好勉強自己，有神隊友當然好啲，但好多都係豬隊友
另外47k一個月，我地同樓主都差唔多，請工人湊，扣埋其他基本洗費，無乜點買野，都只係啱啱好，仲要小朋友出世後無耐就covid, 已經無去過旅行，都唔係淨好多
你好幸福~恭喜你~有個幫得手嘅老公~~
不過肯湊又合自己心意真係萬中無一。
1個讚
結婚十年，冇小朋友既生活非常愉快！ 
唔好打面，please!
學我，叫老公list out佢點解想要小朋友，等佢有機會問清楚自己原因，而唔係只因為人有我有/ 屋企人想我地有。
同時你都list out你唔想要既原因，想自己保持現有生活質素絕對冇錯，佢搵多左錢番黎都唔代表質素唔變，因為你會少左私人時間。
7個讚
其實生仔錢唔係最大問題，幼稚園可以讀卷幼唔一定要私幼，一樣讀得開心，亦唔一定要讀國際學校讀私校，讀資助學校一樣可以讀得好叻，playgroup更加係唔一定要上，我2個仔女，一個有上一個冇上，個發展係完全冇分別，個d所謂要使好多錢嘅興趣班，只係個人選擇，平養唔等於係草根，但生仔最大問題係邊個湊，點樣教，呢樣係有錢都未必有效解決到，先係真正需要考慮
11個讚
俾我揀多次我都未必生，不過生左亦好開心，係自由都俾唔到嘅個種開心，所以又冇話後悔，係辛苦囉，但阿女開始大識同我傾計，又覺得好似多左個close friend咁，幾好
8個讚
辛苦了媽媽。介唔介意講下係咩SEN，為咗個SEN一個月要花多咗幾多錢？謝謝。