今年33，我諗左一段時間，得出結果係想生，快既話生得來都35，再拖落去都唔係辦法，同另一半溝通過，佢無抗拒生，但擔心錢既問題，覺得好大壓力，本新有樓供緊，我同佢解釋過時間唔等人，年紀大左就生唔到等等既原因，但佢仲係好苦惱，見到佢咁我又有小小唔忍心，呢個情況可以點做？真心求建議/分享。謝謝
即係咁，層樓係為頭家服務，而唔係家去就層樓。
而且供樓壓力係會逾黎逾細。都係捱頭幾年啫。
我十年前買，耐唔時轉按拎返d錢出黎再供過。有現金回贈仲有超市coupon，其實無乜壓力。
1個讚
同另一半認真傾下佢心目中想比小朋友既生活質素, 然後一齊計計數。取態唔同, 出黎既結果可以好唔同。
例如我有朋友生B, 咩都要比 bb 用全新有牌子既野, 可能買套衫仔都 $200-300, 讀書要國際學校, 一年幾次旅行/ staycation。
另一個朋友唔介意二手野, 衫買 uniqulo / outlet 減價貨, 幼稚園學卷, 小學津校, 放假去下公園行山。
兩種生活模式已經好唔同。
7個讚
見到啲新香港人住公屋好返生好多件，我覺得你為咗住屋問題嚴生小朋友，實在過濾了
份工穩陣嗎？
佢係擔心邊方面呀？收入同支出方面，你諗住邊個湊，會唔會返工…？預算每月支出大概會多幾多，仲有one off 嘢突發嘢等等
我覺得佢唔抗拒小朋友算係咁，變左你淨係主要解決錢方面佢大壓力嘅問題。如果你真係逼佢生又唔解決錢呢個問題，到時生咗出來大壓力又係鬧交…
2個讚
我有朋友就係因為錢, 由廿歲諗到四十歲都無生到, 而家好後悔, 同意樓上話同老公傾下想俾咩生活質素小朋友, 如果樣樣要最top, 咁錢一定永遠都唔會夠, 另外真係唔係話生就生到, 想生真係趁早, 希望你地早D搵到答案
3個讚
我覺得，考慮經濟問題/各種困難之前，首先要溝通下各自對於理想嘅家庭生活係點。
（而且都要向家人朋友了解下實質湊小朋友嘅家庭生活會係點樣）
例如我想生三個，另一半都覺得係要生小朋友（無分多少），所以我地努力去經營養三個嘅家庭，物質可富可貧，但生活空間一定要足夠，陪小朋友時間都一定要足夠，呢啲係我哋屋企慢慢摸出黎嘅理念。
先是理清自己想點，有幾想達到，然後先考慮如何達到（解決各種困難）。
3個讚
真係，有時候會忽略左真正意義係邊，你話壓力愈來愈細，好多人都咁講，原因人工會加？
1個讚
係呀，同埋供款額其實期期都差唔多，但但十年前供一萬同二十年後供一萬已經相差好遠。
1個讚
供樓表面上係欠債, 但其實唔供你地都要租係咪? 只要你層樓唔係近期買應該都唔係負資產, 咁所謂"供樓嘅壓力"係咩? 反而我覺得有層樓喺個資產PORTFOLIO上係多D變化, 樓上JM話齋每幾年轉按一次又得, 或你租出去比人自己又租大D, 以租代租又得
不過講到生仔其實唔止係財務壓力, 我覺得精神壓力仲大, 另一半對生仔如果只係無可無不可咁你要三思
佢唔係呢種諗得咁仔細既人，係有提過小朋友生活質素，但我認為簡單就夠，反而我覺得似係對未來有種未知既壓力，可能係佢concept係有左小朋友就要用好多錢好多責任呢種比較負面，聽完你咁講可能我要試下整個list 出來消除佢既擔心
1個讚
我地都好想申請，但申請唔到，羨慕佢地 
真係一手一腳自己累積返來
聽落佢同我老公好似，每當我有新計劃，佢第一句就「邊有咁多錢？」，初時聽都會好唔開心，咩都俾佢反對，後來佢一講呢句我就問番: 你知要用幾多錢咩？佢就冇聲出！其實好多時佢地係完全冇idea做果樣野要幾多錢。
所以你list out下絕對你好方法！仲有邊個湊/邊個番工/點安排etc，樣樣都要諗定後面跟住點行，唔好學我朋友，有左對龍鳳，跟住拖拉唔請工人，最終要外父母一齊搬去佢地4百尺屋幫手湊，我想像唔到4百尺點住4個大2個小朋友
5個讚
佢覺得生小朋友要好多錢咁不如就計清楚究竟要幾多錢？
相信你身邊應該有好多人已經生咗BB，可以參考吓佢哋嘅價錢。
我同另一半生第一個小朋友嘅時候係冇猶豫嘅，不過而家養住一個嘅時候要再生第二個就值得商討。我哋嘅做法都係計算下多一個小朋友vs而家 有乜好處壞處，家庭開支變化，生活質素變化等。
我同佢講最多賣左層樓搬返屋企住 
小朋友就比屋企人湊啦，之前我一樣會諗咁多，跟住拖拖下又幾年，所以依家覺得簡單啲好，好多人都係結婚生仔，點解偏偏我地唔得，5年後生同依家生可能只係戶口多小小後備資金，但5年後未必生到
1個讚
都可以既，但又未到公務員咁穩陣
有工有樓
其實好過好多人（廢話
33歲其實又未到好擔心嘅年紀
唔好太緊張住
我大過你冇樓 未有bb 括出去輕鬆d
（比起錢 政治環境更憂慮）
我明白，但佢未明，或者佢唔係女人，男人係幾時生都得，錢可以慢慢搵，小朋友唔可以慢慢生 
有時候好似愈諗得多愈唔會行動
生既話唔追求私院，公院就得
我個女17個月，認真長期用最多都係奶粉食物同尿片錢，衫既話其實真係有限錢，西松屋400蚊10件，或者uniqlo h&m，都唔算好貴，偶爾買下佢學習玩具
除非兩公婆供樓後已經係月光族，如果想生，真心計下每個月用幾多錢響bb度，俾自己一個限制