當年我老公想要, 我無特別想(concern錢同生活質素), 所以當時我哋決定set一個期限, 期限內中咗就要, 無就無, 等個天決定, 相信小朋友都講緣份, 而家一家三口好開心, 生活質素無特別受影響(心甘命抵比晒小朋友 
), 所以有時真係越諗越煩
1個讚
買得起樓即是經濟上冇問題先啦，你份工唔穩定人工冇返咁上下點會去買樓，生b最大考慮唔係錢，係邊個湊，諗得掂就可以去馬
1個讚
比起錢，更重要係移民問題。好多人唔生就覺得留香港無所謂，但生完發現一定要移民
咁佢對於搬返屋企住呢個提議點睇？係你娘家定係同老爺奶奶？佢ok？
同意樓上話list out 啲expenses，如果佢仲係猶豫嘅話，咁你就要睇下有咩深層次問題解決
咁講真香港都有好多家庭經濟有問題都照生，窮係可以生，生活方式自己選擇。所以諗清楚想點，包括教育方面。比幾多資源佢外補？頭幾年上playgroup，興趣班點打算？你老公可能諗到嘅問題，你都盡量諗諗，咁樣客觀分析完會容易說服佢多啲。
講起時間（想35歲前生）嘅時候，留意唔好太過訴諸情緒。我有兩位朋友因為真係好心急同好想要，所以討論既時候太強勢比個老公嘅覺得根本冇選擇權利，不歡而散。
呢樣就睇你接受程度，生仔同移民唔一定劃上等號，仍然好多人覺得而家香港都冇乜野，唔使移民
1個讚
有d 人唔會咁諗，香港養小朋友好貴，點都要cut d 使費供去小朋友到。唔特別鍾意細路或者無諗過生，唔一定心甘命抵。
1個讚
其實我同老公結婚時 都唔諗住要小朋友
到我39歲時 我話 不如看天意 有就有 無就無 試一年啦
我地無話咩用工具去看什麼時候排卵
喜歡做就做
半年就有左BB
有時有D野真係唔到你諗架
和大家唔同，其實我就覺得唔應該生。
生咗出嚟，男人發現好辛苦，就會怨老婆嘅決定。然後輕則日夜為洗費和老婆嘈交，男人問點解唔俾佢買影音電器，女人話要留錢俾小朋友；重則離婚，一次過丟低老婆仔女呢個負擔。到頭嚟又害咗個小朋友。
老公有共識尚且會反悔，無共識就唔好搏。
8個讚
我都覺得無共識唔好搏 
如果一日老公都唔答應，唔好夾硬嚟，否則老公只覺得係樓主一廂情願，佢從來都無話過想要小朋友 
擔心倒頭來會影響埋感情。
所以唔好逼得太緊，有D嘢有時急唔嚟㗎。
1個讚
真，冇共識最好唔好生，第日老公甩手唔理，辛苦自己之外隨時佢心諗係你話要生咋嘛。
4個讚
咁要睇下未來10年大家樂唔樂觀啦
你有無收入？生左打唔打算繼續返工？
另一個post 有個男會員講自己連消費卷都俾太太，而佢自己無咩錢使
男人如果本身唔鍾意小朋友，唔會覺得生小朋友值得，有錢都想留嚟自己享樂 - 玩車玩錶品酒去旅行
你應該清楚你老公係邊類人
鍾意小朋友既男人係好明顯架
4個讚
本身佢鍾唔鍾意小朋友同埋你哋感情好唔好？
如果呢兩樣都OK，你哋有樓又有份工
生一個其實有冇咩問題
好奇想知會係點㗎？
我老公好鍾意小朋友，喺街見到小朋友會眼甘甘眼都唔眨咁望住，又會同我講嗰邊個小朋友好得意。見到我細佬個 2 歲 BB 女，會主動同佢坐，陪佢睇書同埋餵飯。每日放工返嚟會陪小朋友傾繼同玩，玩 hide and seek 仲癲過小朋友。
5個讚
好多時男人冇任何表態，又或者傾向唔傾，個女就一於唔避孕，到有咗個男又唔會迫個女唔要，咁就生咗出嚟，然後男人完全唔理，個女人就怨自己一個湊好辛苦
4個讚
嘩….你老公好好呀，真心鍾意小朋友
1個讚
如果兩個都想嘅就試住先啦，本身有層樓都應該養到嘅，你睇下Steven 咁柒都養到三件啦。
33歲仲好後生，當然都仲有時間諗，不過如果你好中意好中意小朋友嘅，你生完就會好後悔做乜唔早啲生
如果覺得有錢銀壓力，我唔會生，原因係
-
而家咁嘅時勢，我會擔心小朋友嘅將來
-
如果老公覺得現時供樓已經有壓力，生咗小朋友錢銀壓力更大。我唔太覺得真係可以窮有窮養（除非真係拎綜緩，或者僅僅夠生活嘅家庭）。生得出小朋友就會想俾好嘅生活佢，就算初初唔會，讀讀吓書就會報活動班，補習班，興趣班…樣樣都係講錢。一講錢傷感情。
利申，我有一個13歲嘅小朋友。雖然我同老公冇錢銀壓力，但如果係而家先諗生唔生，我唔會生
2個讚
我想搭訕
同意呀，
我表兄弟姊妹都有小朋友，我先生好鍾意同佢哋玩，騎牛牛，唱歌仔，扮monster ,被小朋友打都好enjoy
同埋唔抗拒出席家庭活動
3個讚