Qe d姑娘係好衰，我第一胎個b係咁喊我搞唔掂，㩒鐘求救俾姑娘鬧你點解會唔識湊，佢都cls，仲有唔俾餵奶粉迫人餵人奶，好啦之後發現個b跌磅就來串我知唔知你個b跌磅跌得好西利，自此我都憎左公立
好明白
所以我不停同啲準媽媽講，要話自己餵奶粉
生完自己再按情況決定餵咩
4個讚
個時第一胎鬼識，身邊又冇乜人生仔，之後我都叫朋友有理冇理拎左水奶先，特別係第一胎
1個讚
我朋友都有講類似既嘢，話個姑娘話個個呀媽都有奶點會得佢冇奶，暗示係佢唔勤力餵姐。不過聽聞公院真係好推介呀媽餵人奶，有時如果d姑娘後生未做過媽媽，可能未必sense到咁講會好令人反感。
唔係推介係迫，不過後尾可能俾人投訴瓜，我生第二胎終於都冇迫
3個讚
無錯係迫餵人奶
見到隔離床選擇餵奶粉
比班護士疲勞轟炸
可能參加左某啲計劃
如什麼愛嬰e院計劃…
要認證就要跟指引，又要達標
2個讚
我一個朋友喺廣華，一個喺瑪麗，都話幾好，不過佢哋本身順產
我生左1 個，3 年前係瑪麗生的，
未有疫情時 。
產前同產房既姑娘都好好好好，
自己一個係產房生的， 有笑氣， 有止痛針。
生時有幾個助產士陪我生，
非常好。
產後， 第一晚係天堂。
有個護士幫手喂b睇b， 無人奶都唔會迫你餵。
第二日同第二晚經歷不太好，
無人奶 呀b又唔夠飽， 想拎水奶
護士又好忙咁。
要係公立生， 一定要同護士講餵奶粉， 返到屋企慢慢再比人奶 感覺會良好多了。
同發現真係某幾間醫院比較好， 其他都不了。
3個讚
我都蠢左， 果時要應該堅決話餵奶粉
日子應該會好過D
一定要廣傳
未生如係公立生
生完一定要堅決話餵奶粉奶粉奶粉
3個讚
我第二胎仲搞笑，係產房同佢哋講餵人奶，返到產後房問多兩次都係決定餵奶粉。因為個姨姨話你拎左奶粉你係咪埋身都冇人迫你，不過如果話餵人奶，全部人都會話你會夠奶，唔會補奶。
我轉來轉去都冇護士來煩我，可能見我第二胎，勸都無謂。
不過我都有見餵人奶唔順果啲，姑娘都唔算太惡，仲有實習助產士一對一慢慢教，好有耐性。有時可能真係撞岩惡護士同姨姨。
笑左
好慘
政府醫院真係唔夠人真係事實（仲越嚟越少人）
遇到咩醫護真係睇彩數
我想講，bb放隔離咪冇覺好瞓？
先唔講要餵夜奶，會唔會好驚有人入黎偷bb
公立係咁，冇人會幫你湊b，產婦一生完就要一腳踢湊，湊唔掂都唔會有人理話你個b喊到死，唔好諗住有得訓，除非你個b有事要上bb病房先會少少時間休息下，所以有錢一定要去私家就係咁解
1個讚
我覺得仲要唔俾人探個下，真係似坐監多d
有錢緊係私家
無錢最好搵間好d既公立
1個讚
生完仔太多嘢要兼顧，唔上奶真心令好多媽媽抑鬱
你講左餵人奶之後，好難先幫bb攞到一支水奶，佢哋會叫你哋試耐啲先，有濕片就唔洗驚，但係個b不停喊，自己又真係唧都唧唔到，點樣可以想像bb係食到奶
仲有啲姐姐會鬧你唔幫呀b換片、衫濕唔快啲換、嘔奶唔即刻搞…岩岩生完傷口痛好想理都，但真係郁唔到，仲俾人話你做左呀媽啦，個仔有事要處理左先，我頂唔順，人奶又無又俾人咁鬧真係幾傷心。當時間醫院全日只有三個鐘有家人探，食得野黎都無時間休息，番屋企先叫舒服啲
我完全明白你因為我有一日都好似你咁情況， 講左餵人奶但無奶呀b又唔飽就不停喊， 喊到你心煩， 想拎水奶佢地拖好耐先比你， 又怪你無奶， 我有同護士講， 無奶就無奶， 佢就黑哂面， 幸好我內心強大， 無因為咁而有抑鬱。
到第二日同d有經驗既呀媽分享， 先知原來一定要同佢地講餵奶粉佢地就會定時定候拎水奶黎， 個次真係輸經驗。
自始， 我都周圍同人講
一定要同護士講明餵奶粉。
2個讚
無錯真係咁
好靠自己執生